|
El
la landoj kaj sekcioj Barato Longtempe dezirata revo fine ektrovis
ian vojon al realigxo, kiam decembre de la pasinta jaro mi babiladis kun unu el
miaj gelernantoj en la koridoroj de la Lingvoinstituto "Narwal" dum
E-kurso tie kadre de la projekto "Indigxenaj Dialogoj" (ID). Li, S-ro
Jebra MUCHAHARY, direktoro de elementa lernejo en la sxtato Assam (orienta
Bharato) invitis min instrui tie E-on. Li tuj komprenis, ke reveninte de
Nederlando post lernado de Esperanto, se li ne praktikas la lingvon, se li ne
parolas, skribas, aktive uzas gxin, li simple malpliigos siajn konojn iom post
iom. Lia strategio estis, do, esperantigi la lernejon, tiel, ke li havu
cxiuangule kun kiu uzi Esperanton! La unua pasxo estu, do, instrui al la
instruistaro tiel ke ili siaflanke poste dauxrigu la laboron kun la lernantaro.
Certe kun mikso de entuziasmo kaj la espero dissemadi Esperanton ankaux en tiu
mondoparto, mi planadis la alvenon al lia regiono. La projekto estis elpensita tiel, ke mi
kunvenigu la jam lernintojn de la 2 antauxaj ID-kursoj logxantaj en Bharato kaj
Nepalo por plueniri la vojon en nia lingvo kaj ke mi cxefe instruu Esperanton al
la stabo de la lernejo por tiel krei Esperanto-neston en Assam. La lernejo de
Jebra trovigxas en la malgranda vilagxo Bijni, atingebla post plurhora veturado
meze de fascina pejzagxo, plena je verdo kaj spicita per la tre buntaj koloroj
de la kamparanaj vestajxoj. Ne granda distanco apartigas tiun vilagxon de la
landlimo al Butano. La entuziasmo de la instruistaro de la
lernejo St. John'n Mission vere impresis min profunde. Plurhora instruado
cxiutaga ne lacigis ilin. Male, ili estis cxiam pli kaj pli avidaj kaj aktivaj,
kiam ili pasxadis tra la gramatiko kaj nura kanto kaj ritma dancado suficxis por
refresxigi la klasanojn. Jam en la unua tago ili petis al mi, ke
mi ne limigu mian instruadon al la lingvo Esperanto, sed ke mi priparolu ankaux
didaktikon kaj metodikon, cxar se ili volas instrui la lingvon, ili akiru ankaux
iajn bazojn por la prilingva instruado. 25 instruistoj, do, sekvis tian
trejnigxon kaj nun ili kapablas komuniki en nia lingvo. Nia laboro inkluzivis
ecx tradukadon! Komence de la kurso, Lakhi, la
instruistino pri muziko por bonvenigi min, kantis cxarman kanton en la boroa
lingvo (la lingvo de la popolo tie logxanta) dum kelkaj el la lernantinoj
dancadis gxin. Min tre emociigis tiu ritmo kaj cxiutage ni provis eltrovi la
gxustan tradukon kaj akordigi gxin al la muziko de la origina verko. La kanto,
"Eksidu, hej", estis kantita de ni cxiuj dum la fermo de la kurso. Certe granda laboro estas semi,
inspiri, entuziasmi kaj tute alia estas plu konservi tian torcxon, kiam multaj
aliaj okupoj kaj problemoj bezonas atenton. Tial, mi petas al vi, leganto, provu
dedicxi momenton por skribi karton al ili, tio certe sentigos al ili, ke pliaj
personoj en la mondo ja volas uzi, komuniki per Esperanto; se en via biblioteko
estas kromaj ekzempleroj de iu E-libro, sendu al ili tiujn. Ili nepre bezonas
cxian helpon kaj subtenon de nia E-parolantaro! Cxi tiu vojagxo estis mirinde inspira
al mi kaj profunde dankas al cxiuj instruistoj en St. John's Mission, pro ties
nelacigebla simpatio, pro tiom da entuziasmo en la lecionaj horoj kaj cxefe por
sentigi al mi, ke Esperanto ja utilas por venigi la mondon ankaux al tiom foraj
lokoj kaj doni al ili esperon pri amikaj kaj pacaj kontaktoj. Atilio ORELLANA ROJAS Riouwstraat 172, NL-2585
HW Den Haag; Nederlando. Tel +31 70 355 66 77,
Fakso + 31 70 358 44 22, <iei001@worldonline.nl> NdlR – Adreso de la
lernejo: Shri Jebra Ram Muchahary, St. John`s Mission, BINJI, P.O. Binji, Dist,
Bongaigaon (Assam) India. Britio Ludante...
(pri Urso-Kurso) Esperanto estas tiel facila, Zamenhof
diras, ke oni povas ellerni gxin ludante. Ja tiel facila estas Esperanto. Alie,
gxi ne povas postvivi du-fojan jarcento-turnon. Tamen – nu – estas diversaj
ludoj. Bone planitaj ludoj donas bonan efikon. 'Urso-Kurso', verkita de Malcolm
Jones kaj Angela Tellier, liveras idealajn ludojn por infanoj. La auxtoroj
montras suficxe da lerto en kompilado. La kurso konsistas el kvar kajeroj por
infanoj (Esperanta traduko de la angla teksto estas havebla por
neangla-parolantoj) kaj tri gvid-kajeroj por parencoj/instruantoj. La tekstoj
gvidas la infanojn lerni kantante (estas kantoj – kaj sonbendo-kasedoj),
kolore (estas koloraj kaj kolorigendaj bildoj), dialoge (estas model-dialogoj)
kaj per multaj aliaj amuzaj ludoj (kiuj sendube favoras al evoluo de pensado de
la infano). Se vi dubas pri la valoro de E-lernado en pedagogio, legu la
mult-lingvan vorto-liston je la fino de la kajeroj kaj via dubo forigxos. La
listo montras Esperantajn vortojn kontraux ties egalajxojn en diversaj lingvoj.
Danke al la genio de Zamenhof, Esperanta vortaro kovras komunan parton de
plejparto de euxropaj lingvoj. Lernado de Esperanto faciligas la lernadon de
aliaj lingvoj. Tio estas kroma profito de lernado de Esperanto: via infano ne
nur mastros internacian lingvon (kompreneble, sen-pene), li/sxi ankaux facile
lernos aliajn lingvojn. La kurso estas admirinda kaj rekomendinda! Informoj kaj mendoj cxe ETA, Malcolm
Jones, 1 Regent Avenue, Skipton, BD23 1AZ. Britio WEN
Jingen, Hispanio (Katalunio) Universitat Autònoma
de Barcelona (UAB) oficiale agnoskis kurson pri Esperanto inter la libere
elekteblaj por la studentoj. La kurso okazis inter la 4-a de novembro 1999 kaj
3-a de februaro 2000 kun 8 studentoj kaj gxi estis kunorganizita de Kataluna
Esperanto-Asocio kaj Klubo Unesko de Barcelona. La instruistoj estis anoj de la
Kataluna Sekcio de ILEI (Neus Moly kaj Ramon Perera). La kurso titoligxis
"Introducció universitària a l'Esperanto" (Universitata
Enkonduko al Esperanto), dauxris 30 horojn kaj valoras tri kreditojn cxe la
Universitato.
Neus
Moly kaj Ramon Perera La „8-a Internacia Esperanto-Semajno de
la Kulturo kaj Turismo” okazos de la 30-a de septembro gxis la 7-a de oktobro
en urbo Blanes, provinco Girona (Katalunio). En la kultura kadro okazos ankaux
ILEI-ekzamenoj de elementa nivelo, gvidataj kaj sub la kontrolo de Carla de
Lorenzi. Pliajn informojn petu de
H.F.E.A. Apartado 15027, ES-08080 Barcelona. Tel: 937275021 aux 937253421.
Fakso: 937836511. Rete: luis_serrano@mixmail.com Hungario Helpopeto por
PhD-laboro
Iván Bujdosó <vaganto@buli.net>
lekcias en ELTE en Gxenerala kaj Aplikata Lingvistiko ekde 1999 kiel scienca
helpkunlaboranto. Por lingvistoj li prizorgas la studobjektojn: "Enkonduko
en la komputikan lingvistikon", "Uzo de komputilo por
komencantoj", kaj "Internacia lingvopolitiko"; por studentoj de
esperantologio Cxe Esperanto-fako: kurso por komencantoj kaj progresantoj,
metodologio, stil- kaj parolekzercoj. Li vizitas dujaran PhD-kurson. Li volonte
akceptas ideojn, kunlaboron, sugestojn por sia PhD-temo, sube montrata:
I. La celo de la esploro –
Trarigardo de la hipotezoj pri la procezo de lingvoalprogrigado. –
Konkludoj rilate al la lingvoinstruado. –
La interdependo de la kompetento kaj la plenumo en la lernprocezo. II. La terenoj
de la esploro
1. La cxefaj komponentoj de facileco de
Esperanto: –
La simpleco de la tuta lingva sistemo. –
La reguleco de Esperanto. –
La notiteco de la vortspecaj kategorioj kaj ties efiko pri la parolkompreno. –
Libera kombineblo de la fiksformaj morfemoj kun fiksitaj signifoj. –
La dinamika (porokaza) vortfarado, gxia efiko pri la plenumo. Terminologiaj
problemoj. –
La libera vortordo kaj ties sekvoj en la lernprocezo. –
La proprecoj de la Esperanta elparolo. 2. Trarigardo de la nuntempa
E-instruado: –
La praktiko de instruado de Esperanto: kion, kiel, per kio, por kio, cxe kio, al
kiu. –
Cxu la intensaj metodoj estas pli efikaj? –
Esplora ekzamenado de la metodoj: superintensa, Zagreba, kaj Cseh. III.
Proponoj por la evoluigado de metodoj surbaze de la esploro:
–
perkomputile helpata lernado –
la uzado de audvidaj materialoj –
a eblecoj de Interreto –
la eblecoj de malcxeesta instruado Dr.
Varga-Haszonits Zsuzsa (temgvidanto), Bujdosó Iván (PhD-aspiranto) Italio Kiel
amuze instrui esperanton? Dum la sukcesa junulara arangxo
IJF fine de aprilo en Cavallino (Italio) la instruista sekcio de la italaj
esperantistoj iniciatis metodikan seminarion por instruemuloj kaj instruistoj. La titolo de la seminario estis: Kiel
amuze instrui esperanton? La 16-horan arangxon gvidis Katalin Smidéliusz el
Hungario, kaj partoprenis gxin 12 personoj el Italio, Israleo, Usono, Germanio
kaj Norvegio. La partoprenintoj versxajne kontente kaj kun belega
atesto iris hejmen, ricxaj je novaj spertoj kaj ideoj. Lauxdindas la iniciato de
kelkaj landaj asocioj, kiuj similforme deziras altigi la nivelon de la instruado
de Esperanto, certe ne sensukcese. Katalin Smidéliusz
Pollando
Nekrologo
Kun doloro ni sciigas pri la forpaso de s-ino Zuzanna CWIKLINSKA 15.VIII.1911 - 24.I.2000, Krakovo, Pollando, juristino, inspektorino pri laborsekureco, instruistino de E-o, fidela ILEI-ano, persono cxiam aktiva kaj tre sindona al E-o. Pola
Sekcio de ILEI Lernu
la polan en Pollando per Esperanto!
La renoma Somera Lernejo de la Polaj
Lingvo kaj Kulturo, plej longe ekzistanta, plej grava en Pollando laux grandeco
kaj spertaro, funkcianta en Jagiellona Universitato en Krakovo, unu el la plej
malnovaj euxropaj universitatoj, decidis akcepti somere 2000, inter siaj
multegaj gestudantoj, grupo(j)n de esperantistoj. Instruos Maria Majerczak, kiu
lastatempe diplomigxis ankaux pri instruado de la pola kiel fremdlingvo. Bonvolu
peti informilon (german-, angla- aux pollingvan) cxe: UNIWERSYTET JAGIELLOÑSKI
SZKOŁA LETNIA KULTURY I JÊZYKA POLSKIEGO, ul. Garbarska 7a, 31-131 Kraków,
tel. +48(12) 421-3692 fax +48(12) 422-7701, email: plschool@jetta.if.uj.edu.pl
aux viziti la retpagxon: www.if.uj.edu.pl/UJ/SL/. Bonvolu baldaux sendi la
aligxilon, en kiu vi indikas viajn preferojn pri dato, studdauxro (3, 4 aux 6
semajnoj), lernintensiveco ktp. Datoj: 3.07 - 23.07, 3.07- 30.07, 3.07- 13.08
aux 28.07 - 18.08.2000. Lernado neintensiva (koncernas nur 4- kaj 6-semajnajn
kursojn): 2-3 horoj tage; intensiva: 5-6 horoj tage, dum 5-6 tagoj semajne. La
grupo ekfunkcios, se aligxos minimume 8 partoprenantoj kun samaj preferoj. Por
faciligi la formigxon de la grupo, bv. indiki, se eble, pli ol unu akcepteblan
por vi daton k.a. cirkonstancojn. Ne forgesu sendi jam nun vian retadreson, se
vi gxin havas. La lingvolernadon akompanos prelegoj de specialistoj pri polaj
lingvo, kulturo (i.a. arto, literaturo, filmo), historio, ekonomio, sociaj
aferoj, samkiel ricxa kultura kaj turisma programo. Oni povos ricevi atestilon
pri lingvolernado kaj studentoj de superaj lernejoj - post antauxa interkonsento
kun sia lernejo - kreditpoentojn. En 2000 Krakovo estas unu el la
Euxropaj Kultururboj. Venu gxui do ankaux la koncernajn multajn interesajn
kulturarangxojn. Bonvolu nepre aldoni, ke vi estas eperantisto.
|