|
|
|
|
Brazilo ILEI-BR
aktivegas ILEI-BR sukcesis ricevi gxis nun
56 novajn aligxojn por la jaro 2004. Nuntempe, gxi finpretigas sian
kampanjon por ecx pligrandigi tiun kvanton (oni celas, kiel anoncite, ekhavi 100
aligxintojn). Kadre de la 38ª Brazila
Kongreso de Esperanto, kiu okazis la pasintan julion kaj bonvenigis preskaux 500
homojn, ILEI-BR havis budon kun konstanta dejxorado, kiu prizorgis aligxojn
kaj klarigis al la interesata cxeestantaro pri la sinteno de nia Ligo, krom
disvastigi la eldonajxojn (Juna Amiko, IPR, Tendaraj Tagoj...) de ILEI kaj
malfermi novajn perspek-tivojn por efektiva agado. Oni organizis ankaux
ILEI-ekzamenojn (kun 35 homoj) kaj dutagajn kunvenojn (kun cxeesto de 40 homoj) por
antauxprepari la enlandan E-instruistan laboron. Laux informoj de
Rodrigo de Méo kaj Cecília Milani Britio Esperiga
revigligxo La brita sekcio lastatempe
refortigxis, revigligxis kaj reaktivis. Dum la somero ni okazigis la jam
tradician 'Somerlernejon' sub la gvido de Paul Gubbins kaj kun la afabla
partopreno de gastpreleganto Gianfranco Molle. Por la venonta jaro akceptis nian
inviton Ionel Onet, do venu pasigi belan semajnon (7a-13a de auxgusto 2004) en
bela regiono kaj profitu de la okazo por viziti la cxefsidejon de
Esperanto-Asocio de Britio, kies konstruajxoj trovigxas samloke. Ĵus sukcese okazis nia unua
porkomencanta semajnfino sub la titolo 'Course-You-Can' ('Kompreneble vi povas'
– kaj vortludo 'course' kiu signifas kaj 'kompreneble' kaj 'kurso'). Kiel vi
cxiuj scias britoj gxenerale ne multe interesigxas pri lingvoj, do ni aparte
gxojas, ke aligxis 18 homoj, el kiuj pluraj acxetis novan kurson jxus
finpretigitan. Tiu cxi nomigxas 'Elementary..!' kaj estas bazita sur la libro
Gerda malaperis de Claude Piron. La tri-parta kurso enhavas 25 brosxurajn
lecionojn, 2 KD-ojn, memtestajn demandojn kun solvoj, enigmojn por pligrandigi
la vortprovizon, la tuto sub la gvido de kursgvidanto. Kusxanta cxe presejo nun estas
nova A/6-formata vortareto (Esperanto-angla, angla-Esperanto) kiu enhavas
cxirkaux 2500 kapvortojn kaj resumon de la Esperanta gramatiko. Kompilita de
prezidanto de EAB, Edmund Grimley-Evans, la vortareto estas tre utila kaj
malpeza, malmultkosta unua vortaro por lernejanoj kaj komencantoj. Nia nuna projekto estas reverki
kaj represi la tre sukcesan E-an version de la mondfama porinfana libro 'Mil
unuaj vortoj'. EAB nun pretas akcepti antauxmendojn kaj ni esperas, ke la libroj
estos pretaj en la printempo de la venonta jaro. Laste, ni starigis niajn
proprajn priedukajn TTT-pagxojn. Do se vi interesigxas pri la brita Esperanta
eduka mondo bonvolu rigardi: www.esperantoeducation.co.uk.
Por plia informo pri la libroj supre menciitaj bonvolu kontakti eab@esperanto-gb.org Finnlando Angla
kaj finna grupoj renkontigxos en Strasburgo La Euxropa parlamento regule
invitas lernejajn grupojn al Strasburgo, kie la junuloj dum la t.n.
Euroscola-tago spertas la parlamentan laboron. Dum la jaro 2001 speciala E-grupo
estis invitata kaj dum la sekva jaro du E-grupoj partoprenis. Poste oni ne plu
volis akcepti tiajn diverslandajn grupojn. Lige al projekto de la E-Ligo de
Finnlandaj Instruistoj (ELFI) finna gimnazio jam en decembro 2002 anoncis sin
por partopreno en aprilo 2004 kiel tute normala finna grupo. Tiu grupo tamen
estas speciala, cxar en gxi cxiuj lernantoj lernis E-on. Estas 21 lernantoj de
la sendanta lernejo kaj 10 kiuj lernis E-on dum aliaj kursoj. En septembro 2003
la gimnazio ricevis inviton partopreni al Euroscola la 28-an de aprilo 2004. Samtempe partoprenos ankaux
angla grupo. Cxar oni ne oficiale povas paroli E-on en la parlamentejo, gravas
ke la lernantoj antaux la Euroscola havu eblecon sperti veran E-an etoson. Tio
okazos per korespondado kiu jam komencigxis, sed ankaux dum la seminario Euxropa
Amikeco okazonta en Strasburgo de la 25-a gxis la 29-a de aprilo. Kunorganizanto
de tiu seminario estas slovena grupeto, kiu eble ne partoprenos al Euroscola. Por fari la seminarion vere
internacia ni invitas grupetojn, 3-8 personajn anonci sian intereson al la
prezidanto de ELFI (vidu la kovrilpagxon). La programon plejparte preparas la
junuloj mem pri „kiel diferencas kaj kiel similas ekz. la junulara kulturo,
lerneja sistemo kaj lingva situacio en la diversaj landoj”. Kompreneble estos
ankaux urborigardo kaj distra programo. Por la sekvaj jaroj jam nun
indas esplori la eblecojn en cxiu lando de EU sendi grupojn al Euroscola kaj
kunordigi ilin al samtempa partopreno, ekz. dum lasta semajno de aprilo. ELFI
jam trovis kandidatan lernejon por 2005. Carola Antskog Francio Grezijonaj
lingvokursoj Precipe somere Kultura
Esperanto-Domo Gresillon (grezijo, nazala o) organizas tri-nivelajn E-kursojn
cxiusemajne. En la somero 2003 averagxe 20-30 homoj partoprenis, sed antaux
dek-dudek jaroj al Grezijono venis ecx 70-80 homoj semajne, kaj gxi povas
tranoktigi kaj mangxigi tiom da partoprenantoj. Supozeble la kelko da jaroj,
kiam gxi estis fermata pro riparado kaj konstruteknika modernigado, turnis la
atenton de esperantistoj al aliaj Esperanto-ejoj. Grezijono estas konata kiel
kastelo. Kun siaj pintaj turoj, rugxa-blankaj muroj kaj belformaj fenestroj gxi
aspektas romantika kaj alloga. Ampleksaj florbedoj ornamas la korton, sur verda
herbejo sub grandegaj arboj povas ludi kaj balanci sin infanoj. En la cxirkauxa
parko, kiu rimarkeble arbarigxis, oni trovas migradpadojn kaj misteran dolmenon.
Nokte neniu lumpolucio vualas la stelocxielon, neniam auxdeblas bruo de trafiko.
Je la distanco de 2 kilometroj situas la urbeto Baugé (bojxe) kun cxiulunda
bazaro, kastelo, muzeo, restoracioj, vendejoj kaj koninda malnova arkitekturo.
La kasteloj de la Loire (luar) ne estas malproksimaj, se oni havas propran
veturilon. En la cxirkauxa provinco Anjou (anjxu), kun milda klimato kaj
kultivado de vitoj kaj fruktoarboj, oni trovas multajn celojn por ekskursoj.
Tial Grezijono estas pli ol tauxga feriejo por familioj kaj grupoj. La cxambroj
havas komfortajn litojn, lavabon, bideon, la dusxoj kaj necesejoj estas komunaj
sed proksimaj al la cxambroj. La mangxoj en la du belegaj mangxocxambroj de la
kastelo estas frandindaj. Ankaux ne-esperantistoj trovas la kastelon vizitinda. Pro la forta tento al feriado
grezijonaj lingvokursoj estas flekseblaj kaj liberecaj. Kutimaj instruhoroj en
auxgusto 2003 estis de 9.30 gxis la 12a (kun pauxzo) kaj de la 16a aux la 17a
horo gxis la 18a aux 18.30, komunaj ludoj de 18.30 gxis 19.30, kiam komencigxis
la vespermangxo. Je la 21 horo komencigxis distra programo: filmoj,
diapozitivoj, interparolado, prelegetoj. Se cxeestas iu, kiu scias instrui
manlaborojn aux ekzemple pentroarton, tio estas aprezata sxanco. En la kastela
salono oni sidas komforte en remburitaj kanfoteloj kaj sofoj sen tabloj, en unu
el la pli malgrandaj cxambroj de la kromkonstruajxo oni sidas sur malnovaj
lignaj segxetoj. La plej malgranda cxambro tauxgas por grupeto de 4-8 personoj,
la pli grandaj por 10-30 studantoj. En cxiuj la tabloj estas grupigeblaj, ne
individuaj. Uzeblas videoaparato kun televidilo, magnetofono kaj nigra aux
blanka tabulo, en la kastela salono oni povas ludi ankaux KD-jn. Krome uzeblas
granda salono Zamenhof por la plej grandaj eventoj. Haveblas projekciilo por
diapozitivoj kaj du ekranoj, el kiuj unu estas movebla. Por infangrupoj plenas
kesto je plusxludiloj. Zorgeme farita movebla panelo-ekspozicio pri la fenomeno
E-o estas franclingva, sed pro gxiaj grandaj koloraj bildoj oni povas utiligi
gxin ankaux en E-o. La instruistaro ofte estas internacia same kiel la
studantaro, tamen la majoritato kaj kultura bazo estas francaj. De 15 jaroj unu
el la plej konstantaj instruistoj estas polo Przemek Grzybowski, pedagogo el
Bydgoszcz. De 5 jaroj
kunlaboras polino Ania Rokowska, studentino pri psikologio, specialisto pri
ludoj kaj gruplaboro. Kiam mi iris al Grezijono por tie instrui la 16an de
auxgusto 2003, mi tute ne konis la kastelon kaj ties kutimojn kaj instruilojn.
Tial la komenco timigis min. Instruisto pli bone adaptigxos, se sxi jam antauxe
scias, kion atendi kaj kion kunporti. En la biblioteko de Grezijono prunteblas
multaj verkoj, sed pli sekure estas kunpreni proprajn lernomaterialojn kaj uzi
la fotokopiilon de la oficejo. Eble la nova lernolibro, kiun vi deziras uzi aux
almenaux rekomendi, ne troveblas en la biblioteko. En la granda vestiblo
haveblas multaj E-aj gazetoj, lokaj, landaj, fakaj kaj internaciaj, sed en
hazarda elekto. De 1951 la kastelon posedas
neprofitcela asocio. La origina instiganto por la acxetado estis fervora
esperantisto Henri Micard, kiu – kune kun la edzino – dedicxis sian vivon al
Grezijono. Necesas neimagebla kvanto da rimedoj financaj, intelektaj,
administraj kaj korpaj por funkciigi la imponan posedajxon. E-istoj emas krei
novajn kulturcentrojn kaj kunvenejojn, sed ni devas kompreni, ke unue ni zorgu,
ke la jam ekzistantaj centroj funkciu. Ni ne forgesu Grezijonon sed ni utiligu
la famon kaj tradicion, kiujn gxi jam sukcesis krei por si per la sindonemo,
senpaga laboro kaj mondonacoj de multaj idealismaj samideanoj. Adresoj: Kultura
E-Domo, Grésillon, FR-49150 Baugé, Francio http://grezijono.kastelo.free.fr,
grezijono.kastelo@free.fr, paulettenaulet@minitel.net.
Saliko Instruo de Esperanto en
resaniga medio En Universitato
Nancio, S-ino Claudie Demongeot prezentis raporton pri instruo de E-o cele de
sia supera diplomigxo je sociaj studoj. sxi estas faka
edukistino instruanta al adoleskantoj suferantaj pri psikaj problemoj. sxia
profesia klopodo celas unue doni kompletigan kurson al adoleskantoj kiuj
malcxeestas lernejon pro psikaj problemoj kaj due helpi al la lernantoj kiuj ne
kapablas fari siajn taskojn tute solaj pro la samaj kialoj. En la Centro kie
sxi oficas, oni akceptas gejunulojn inter 16 kaj 20-jaraj. La malsanoj
kuracendaj ampleksas psikopation, neuxrozon, fobion pri lernejo, deprimon,
riskivan konduton, anoreksion, personecan perturbon ktp. Gxis nun sxi instruis
al malsanaj lernantoj matematikon, gramatikon, ktp., sed sxi dubis pri la
efikeco de sia klopodo en tiu kampo, cxar temis pri kutimaj lernejaj objektoj.
sxi skribas: "Mi deziris trovi novan instruagadon por ke ili pli eme lernu
kaj ankaux por ke ili akiru pli pozitivan ideon pri si mem. Tute hazarde, kaj
eble cxar niaj provoj gxis nun ne montrigxis fruktodonaj, mi komencis instrui
E-on al volontaj adoleskantoj." De 1998 gxis
2003, sxi proponis E-on al volontuloj. Dum tiu kvinjara klopodo sxi listigis
sukcesojn cxe pluraj adoleskantoj kiuj retrovis emon por lernadi spertante la
rezultojn de propra studelekto. Deko da ili tiel akiris denove memkontentigxon.
Estas notinde ke la ebla aliro al la TTT favoris la elekton de la internacia
lingvo. sxia raporto
instigu edukistojn uzi E-on kiel nekutiman fakon por veki plian emon por lernadi
ne nur en saniglernejaj medioj. Vizitu:
http://claudisite.multimania.com. Germanio "Esperanto
en teorio kaj praktiko” en Auxgsburgo Dum la somera semestro 2003 en
la universitato de Auxgsburgo (Germanio) okazis baza seminario kun la titolo
"Esperanto in Theorie und Praxis" [E-o en teorio kaj praktiko].
Menciindas, ke gxi estis iniciato de profesoro Hans-Jürgen Heringer, kiu ne
estas e-isto sed okupigxas pri interkultura komunikado ene de la Auxgsburga
katedro "Germana kiel fremda lingvo". Komence interesigxis cxirkaux
dudek personoj pri la temo, sed partoprenis gxis la fino 16 studentoj el
diversaj landoj (Germanio, Brazilo, Cxeĥio, Hungario, Hindio, Vjetnamio,
Koreio, Italio) de la fako "Germana kiel fremda lingvo", do,
studentoj, kiuj studis plejparte en sia dua semestro kaj kiuj volas farigxi
lingvoinstruistoj pri la germana. Interesaj por mi estis la
motivoj de la studentoj partopreni tian seminarion. Eta enketo komence de la
seminario montris la jenajn dezirojn kaj atendojn (mi cxi tie pli-malpli
proksime vortigas la esprimojn sur la slipetoj): "Deziro rigardi 'malantaux
la kurtenon' / Cxu E-o estas mikso el la hispana, la angla, la franca? / Cxu
ekzistas gramatikaj strukturoj kaj literaturo? / Al kiuj lingvoj parencas E-o? /
Cxu helplingvo? / La komenco de E-o: kie, kiu, kiam, kial? / Kial gxi ne
sukcesis? / Kiel disvastigxas E-o kaj kiom da homoj parolas gxin? / Kie E-o
estas disvastigita? / Kiel oni povas praktiki la lingvon?". Kaj antaux cxio
estis la deziro "lerni la lingvon", kiun preskaux cxiuj donis kiel
kialon partopreni. En la teoria parto – laux la
orientigxo je interkultura komunikado – ni traktis interalie demandojn pri E-a
fonetiko kaj gxiaj normoj, lingvoevoluo, radikoj de E-aj vortoj, influo de
naciaj lingvoj, frazeologismoj kaj interkultura komunikado pere de E-o. Aliaj
tiaj temoj, kiuj respondis al la scivolemo de la studentoj (vd. supre) estis
informoj pri la komencoj de Por ricevi atestilon pri sukcesa
partopreno 10 studentoj kontribuis mem al la enhavo: kelkaj kuragxis jam mem
instrui E-on al la kunstudantoj, kelkaj elektis prelegeti teorie. La cxi-lastaj
dependis de la havebla aktuala literaturo, kiu ne abundas en lingvo legebla por
ili – gxenerale ne kaj krome ne havebla en la biblioteko. Tamen ni auxskultis
bonajn studentajn prelegetojn pri "La E-lingvokomunumo", "Ebloj
praktiki E-on" kaj "Influoj el naciaj lingvoj". Alia enketeto fine de la kurso
montris, ke la atendoj de cxiuj studentoj estis principe plenumitaj, kelkaj
deziris eble auxdi iom pli pri tia aux jena temo, ekzemple muziko. Kelkaj
deziris esti povintaj paroli la lingvon iom pli, tio tamen ne eblis ene de la
seminaria tempo – sume la tempo disponebla por efektiva cxeesto (12 semajnoj
po 90 minutoj) egalis ja pli-malpli al unu semajnfina kurso. Sed la babilado kun
eksterlanda esperantisto, kiun mi invitis fine de la kurso, montris, ke ili
suficxe imprese progresis dum la tuta semestro. Laux mia ekscio el la enketilo
la plej multaj volas plulerni (kaj sentas sin informita pri ebloj fari tion),
kvankam ili ne certas, cxu ili vere iam praktike uzos la lingvon. Se ili indikis
intencojn de estonta uzo, tiuj estis "korespondi", "auxskulti
E-muzikon", "legi E-literaturon", "vojagxi" (aliaj
elektebloj estis: partopreno en interretaj diskutgrupoj, vizito de loka E-grupo,
partopreno en internacia E-renkontigxo).
Birke Dockhorn Japanio Fakkunsido
de ALE (Asocio de Lernejaj Esperantistoj) Dum la 90-a Japana Kongreso
(11-13.10.2003) ALE havis fakkunsidon "Verdajn ventojn en lernejojn"
kiun cxeestis dekkelkaj homoj. Inter 60-70 membroj instruistaj kaj
eksinstruistaj ankaux trovigxas kelkaj, kiuj ne estas instruistoj sed jam
blovigis verdajn ventojn en lernejojn. En la kunsido raportis kelkaj pri siaj
spertoj kaj planoj instrui E-on en lernejoj inkluzive de iu kolegio pri
agrikulturo en la gubernio Isikawa. Cxi-jare en kelkaj
supermezlernejoj (por 15-18-jaruloj) E-o estas oficiale traktata. En la
supermezlernejo Nippa en Jokohamo, E-o estas unu el fakultativaj lernobjektoj
dumjaraj kun 2 poentoj. 26 lernantoj gxoje lernas la lingvon sub la gvido de
s-ro Kitagawa Hisasi. La klaso komencigxis en 1998 kun la iniciato de s-ino
Kitagawa Ikuko, cxefo de ALE, kaj la unuajn kvar jarojn sxi mem instruis. ALE
estis fondita en 1997 por kuragxigi instruistojn iamaniere enkonduki E-on en
lernejojn kaj la sukceso de Nippa alportis al ni esperon. Ne kiel dumjara
lernado sed kiel parto de "integrita aux temo-bazita" lernado, en
kelkaj supermezlernejoj kaj ankaux en mezlernejoj (por 12-15-jaruloj) E-o estas
instruata cxi-jare. ISIKAWA Tieko, Svedio
Ni kondolencas………. NdlR: Post la redaktofino venis
la trista informo, ke la 9-an de novembro 2003 post mallonga malsano forpasis
nia estrarano, s-ino Boo Mee Kim-Lindblom. Funebras la edzo Roland Lindblom, la
filino Gianne Rheis kun familio, la sveda E-movado kaj ILEI. Ni adiauxos sxin en
IPR 2004/1.
[surfote: Boo Mee instruas
paperfaldadon en la 34a Konferenco de ILEI] Olle Olsson 1909 - 2003 Olle Olsson, Lund, Svedio,
honora membro de ILEI mortis la 13-an de oktobro 2003. Kiel juna studento li lernis
E-on dum la 20-aj jaroj, kaj poste li dum sia tuta vivo entuziasme laboris por
disvastigi la konon de la Internacia Lingvo. Kiel instruisto, cxefe en Lund, li
gvidis multegajn E-kursojn por infanoj. Li plurfoje kun siaj klasoj partoprenis
en la tiama projekto "Grajnoj en vento". Li ankaux senlace laboris por
la kono pri kaj la kompreno por UN. Jam de la fondigxo de la nova
ILEI 1949 li membrigxis. Do, li fakte estis unu el niaj pioniroj. Li eniris la
estraron de ILEI en 1965, unue kiel dua sekretario kaj ekde 1974 kiel kasisto.
Tiun postenon li prizorgis gxis 1982. Li dum multaj jaroj estis estro
de la Sveda sekcio de ILEI. Olle Olsson estis ege vojagxema kaj li preskaux
cxiujare partoprenis en la UK-oj kaj en la ILEI-konferencoj aux en aliaj
E-arangxoj. Li havis bonajn kontaktojn kun gvidaj esperantistoj. Tiel li
sukcesis en kunlaboro kun auxstria donacinto krei la "Fondajxon Erika
Linz", kiu helpas gejunulojn partopreni en internaciaj E-arangxoj. La funebra ceremonio okazis en
Lund la 24-an de oktobro, la tagon de UN. La subskribinto reprezentis kaj metis
florkronon en la nomo de ILEI. Bertil Andreasson |
Mi
ne scias, cxu eble kelkaj el la studentoj iam igxos aktivaj e-istoj. Mia celo
estis serioze informi tiujn, kiuj volis ekscii pri la lingvo. La koncepto
(lingvokurso en kombino kun teoriaj foninformoj je universitata nivelo, kaj
krome kun kontribuado de la studentoj mem) bone funkciis, kaj la partoprenantoj
esprimis sian kontentecon pri la seminario – pri la etoso, pri la enhavo, pri
la instrumetodo. Ankaux por mi estis bonega defia seminario kaj mi gxojas, ke en
la venonta vintra semestro mi povos oferti gxin denove. Mi esperas, ke estos
denove scivolemaj partoprenantoj.