|
Argentino ILEI
havas novan sekciestron en Argentino. La nova estro estas Teresita Alaníz, Hipólito Yrigoyen 2578 P5 Dto 30, AR-1090 Capital
Federal. Atilio Orellana
Rojas Brazilo De
la 10-a de julio gxis la 2-a de auxgusto 1995 okazis en la Universitato Estácio
de Sá en urbo Rio de Janeiro Enkonduka Kurso al Esperanto gvidita de s-ino
Telma Oliveira Ribeiro. La kurson cxeestis entute 12 gelernantoj dum 24-hora
kurso. La Universitato intencas okazigi plian fojon tian kurson, sed por instigi
la rektoron favori plian kurson tie, la instruistino sugestis leteri al la
rektoro, cxu en la portugala, cxu en Esperanto. Atilio Orellana
Rojas Kampanjo en Campinas - Sp - Brazilo En
la beletra fakultato de urbo Jaú
(sxtato San Paulo) kune kun mia fratino, f-ino Leda Gama mi faris ekspozicion kaj prelegon pri E-o - la 3-an de
majo 1995. Cxeestis cx. 140 homoj, plejparte lernantinoj. La evento vekis la
intereson ecx de tri profesorinoj: Jean M.
Sudaia, Maria Valdete O. Cestari kaj Maria
Cristina. Cxi-lasta cxiujare taskas al siaj lernantinoj fari esploron pri
artefaritaj lingvoj. Unu el sxiaj lernantinoj, s-ino Tania Pinheiro dum tia esplorado ekkonis E-on, pli kaj pli
interesigxis pri la afero, sekve sxi invitis nin el urbo Campinas
por prezenti la lingvon al la tuta Beletra Kurso. Dum miaj prelegoj mi klarigas
ne nur la necesecon de E-o, sed ankaux gxian gxeneralan gramatikan strukturon.
Auxskultinte la prelegon prof-ino Maria
Valdete deklaris: ekde nun sxi instruos morfologion pere de E-o. En
septembro oni sciigis min, ke pluraj gelernantoj de tiu fakultato organizas sin
por grupe ekstudi la lingvon. Veturante
hejmen ni tranoktis cxe la familio de s-ino Tania
Pinheiro en urbo Brotas. Ankaux
tie ni interkonatigxis kun interesemaj personoj, inter ili kun la urbestro mem.
Rezulte de tiu renkontigxo la 20-an de majo ankaux tie okazis ekspozicio kaj
prelego, poste ekfunkciis kurso por 23 personoj. En urbo Campinas mem, usonano, s-ro Pedro Maranto, lernejestro de fama katolika lernejo Notre Dame apogis la ideon organizi tie E-ekspozicion, kiu efektivigxis la 17-an de majo, helpe de esperantistinoj f-inoj Ariedne A. Davi kaj Leda Gama. Samtempe - kune kun profesoroj I. Baracho kaj d-ro J.P.O. Santos - ni ekorganizis ekspozicion ankaux en la Matematika Instituto de Unicamp (Sxtata Universitato en urbo Campinas). Ekde la 12-a de septembro mi instruas la lingvon al 42 homoj, en du grupoj, kadre de la Instituto. Prof. José Plinio O. Santos fervore apogas nian movadon, kaj kune kun sia filo diligente frekventas la kurson. Plie, li petis min esplori la universitatojn tutmonde, kie E-o estas oficiale instruata, li ja planas proponi oficialan enkondukon de nia lingvo cxe Unicamp. Juscelino Gama, Britio Esperanto Teachers’ Association (brita sekcio de ILEI, 140 Holland Park Avenue, London W11 4UF Tel: 071 727 7821) dezirus scii pri landoj, kiuj havas - kiel ni - senpagan enkondukan korespondan kurson pri Esperanto. La demando levigxas, cxar ni konscias, ke estas multaj homoj en nia lando, kiuj ne parolas la anglan kiel denaskan lingvon: al tiuj ni dezirus povi disponigi kursojn en iliaj propraj lingvoj. Sercxataj estas precipe kursoj en la cxina, hindia, pangxaba, pola, urdua, ukraina. Ni havas ecx la ideon, ke eble ILEI povos arigi kaj teni ekzemplojn de tiaj kursoj (kun rilata kontaktadreso) por almenaux povi informi pri ties ekzisto. Malcolm
Jones Senpaga kurso en la kimra Aperis
senpaga posxta kurso en la kimra, la plej vaste parolata membro de la kelta
lingvofamilio. La kurson pretigis Mari Roberts. Gxis nun ekzistis nur la bona
vortareto kimra-Esperanta de John Wells (1985), sed ne estis presita enkonduko
al Esperanto per kimraj klarigoj. La kurson administros E-Federacio de Kimrio.
laux Hilary Chapman, Britio Bulgario Esperantista
societo „Lumo” - Veliko Tarnovo, Bulgario, informas, ke la 14-a sesio de
Internacia Somera Esperanto - Universitato okazos inter la 13-a kaj la 15-a de
julio 1996. Dum la sesio okazos ekskurso al historiaj objektoj. Post la sesio
okazos 5-taga ripozo cxe Nigra Maro. Pliaj informoj cxe: Jordanka Nikolova
Ivanova, Cxehxio
Jam
de kelkaj jaroj dauxras la praktiko ke germana kaj cxehxa E-junularo havas
komunan someran E-kurson en Prago. Kutime ekzistas 3 grupoj, en 2 oni instruas
nacilingve (germane kaj cxehxe), kaj estas ankaux E-lingva progresiga kurso. Dum
la novembra MEJK (mez-euxropa junulara konsultigxo) oni ekplanis la plilargxigon
de la partoprenaj landoj. Depende de la landaj E-organizajxoj (kiuj devas zorgi
pri varbado kaj nacilingva instruisto) povos okazi samtempe pluraj grupoj,
gxuante la internacian junularan etoson. Interesigxantoj pri la partopreno
kontaktu sian landan junularan E-organizon. La preparon kunordigas CxEJ kaj Marion Grosjean, Rue du Nord 73, CH-2300 La Chaux-de-Fonds, Svisio,
Rete: 100776.130@compuserve.com Hindio Esperiga kurso en Oriento La
10-an de majo aperis en cxiuj gravaj jxurnaloj de Bangaloro, ke
Bangalora Esperanto-Centro organizas senpagan E-kurson. Gxi okazos ekde la
20-a de majo gxis la 1-a de junio 1995. La lecionoj dauxros cxiuvespere nauxdek
minutojn. En
Nacia Kolegio 75 personoj eklernis la lingvon internacian kun granda entuziasmo.
La komenca tago estis unika, cxar sinjoro Roberto
Sorto el Argen-tino prelegis pri la movado, kaj kuragxigis la lernantojn. En
la unua semajno d-ro Sxirdi
Prasad Tekur
instruis gramatikon. Li jam havas grandan sperton en gvidado de kursoj al
medicinaj studentoj. Poste S. S. Pradhan transprenis la katedron: kun lia helpo la kursanoj
praktikis konver-sacion, tradukadon, legadon en E-o. Gxis la lasta tempo
Bangalora E-Centro ne disponis pri propra instruisto, sed s-ro Pradhan
estas bone preparita: li havis la eblecon partopreni UK-79 en Seulo,
ILEI-Konferencon, Cseh-kursojn, preleg-vojagxon en Koreio. La
kursanoj varbigxis el cxiuj tavoloj de la socio. Cxeestis ekz. la mondfama
eks-kriketisto B.
S. Cxandrasxekar.
Kun granda intereso partoprenis s-ino Prabha Prabhu, instruistino de la germana
lingvo, kiu ofte informis siajn gekolegojn pri la origino de la vortradikoj.
S-ino Deepa
Mohan antaux kelkaj
jaroj lernis E-on per koresponda kurso de Brita
E-Asocio; nun sxi volas refresxigi sian scion. Estis ecx kompleta familio:
ges-roj Paramesxwara kaj ilia filino Pallavi.
S-ino
Hemalatha Ram Kumar
en oktobro intencis veturi al Londono; sxi esperis, ke Venis
krome gestudentoj de altlernejo, universitato, venis dommastrinoj, ingxenieroj,
pensiuloj... Du frauxlinoj, Savitha
kaj Sandja
instruis kanti „La Espero”-n al la tuta klaso. Radio-amatoro, s-ro Ramaswamy
prelegis duon-horon pri la rilato de E-o kaj radio-amatoroj, prezentante la
funkciadon de amatora radio. La
lasta tago estis festo. En la koridoro de la Kolegio atendis la gastojn
ekspozicio de E-aj libroj kaj afisxoj. Alvenis niaj honoraj gastoj: d-ro C. M. Francis,
la eksdirektoro de Medicina Kolegio St. John en Bangaloro, redaktoro de monata revuo
„Catalyst”. En tiu revuo li publikigis korespondan kurson pri E-o, certe la
unuan fojon en la historio de nia lando. La
kunveno komencigxis per komuna kantado - lauxdo al la Dio de Scio. D-ro Francis
solene disdonis la atestilojn al la gelernantoj, poste li parolis pri la utileco
de E-o. Li lauxdis la planon, ke la kursanoj ne por cxiam adiauxos unu la alian,
sed intencas kunveni cxiumonate por dauxre praktiki la lingvon. Fine li promesis
„katalizi” funkciadon de E-kluboj - pere de sia revuo Catalyst. S. S. Pradhan Hungario Internacia Deklamkonkurso honore al Julio Baghy -
30.03.1996 La
konkurso estas organizata en urbo Pápa jam la sepan fojon. Gxi okazos en 4
kategorioj: I. 6-10-jaruloj, II.
10-14-jaruloj III. 14-18-jaruloj IV. Plenkreskuloj. Cxiu konkursanto libere
elektas por si mem prozajxon aux poemon, kiun li aux sxi poste prezentos
parkere, antaux internacia jxurio. La
konkurson kompletigos kulturaj programoj, tiel la gastoj povas alveni jam la
29-an de marto, kaj resti gxis la 31-a de marto, posttagmeze. Aligxkotizo:
2 NLG. Programoj, du tranoktoj kaj
mangxado en studenthejmo: 25 NLG. La interesigxontoj povas ricevi pli detalajn
informojn de la organizanta bazlernejo: Nagy
László Általános Iskola, Pápa, Anna tér 1. H-8500 Hungario, tel.
36-89-324-896, aux de la redakcio de IPR. Limdato de la aligxo: la 10-a de
marto 1996.
József Németh 75 numeroj de Juna amiko festita Kadre
de la Budapesxta Zamenhof-festo en la 16-a de decembro 1995, prezen-tigxis
memora arta programo por festi la kontinuan 23-jaran aperadon de la junulara
revuo Juna amiko el la hungara
cxefurbo. Gxia
provnumero aperis en novembro 1972 de s-ro Géza Kurucz, kiu gxin pri-zorgis tra
naux jaroj, sekvata dum kvin jaroj de s-ro Oldrich Kníchal kaj dum pliaj naux
de Stefan MacGill - tri redaktoroj el tri naciecoj. Sed superas ilin je longa
servado la ilustristo Pavel Rak el Prago, kies unua desegnajxo aperis en la tria
numero kaj plej fresxaj en la jubilea 75-a numero (1995/4). La
pli ol cent partoprenintoj auxdis, ke la revuo eniras 85 landojn kun 1140
abonantoj kaj pli ol 300 pliaj ricevantoj. Mejlosxtonoj por la revuo estis gxia
oftigxo de 3- gxis 4-foja aperado jare en 1990 (baldaux post transdono de la
eldonado de HEA al ILEI) kaj gxia ampleksigxo de 24 gxis 32 pagxoj en 1993. Post
tiu enkonduko, Erika Tóth, Péter András Rados kaj la nuna redaktoro deklamis
poemetojn kaj sxercojn el la nula, deka, dudeka kaj ceteraj numeroj; kanton
prezentis Gyöngyi Mézes (Perlo Miela). La vario, cxarmo kaj koncizeco de la
eroj renkontis aklamon, i.a. auxdigxis poemoj de Ludmila Jevsejeva (Latvio) Enigmo,
Imre Szabó (Hungario) Semajno, Eli
Urbanova (Cxehxio) Cirka Cxevaleto, Bertram Potts (Nov-Zelando) La Burdo kaj Sándor Petőfi La
Ink-botelo en traduko de Miklós Fehér (Hungario). Indekso
de cxi tiu 23-jara trezoro de infana literaturo estas kompilota, kiel ankaux
ekspoziciaj afisxoj de kelkaj pli mallongaj eroj. Ne-abonanto de la revuo rajtas
peti senpagan specimenon de Juna amiko,
p.f. 193, H-1368 Budapest, Hungario Pedagogiaj Tagoj en Budapesxto
denove! Tiu
cxi tradicia kunveno de pedagogoj okazos inter la 24-a kaj 25-a de februaro
1996. Vi povas ricevi detalajn informojn de s-ino Zsuzsa Barcsay, Bem rakpart 25/B, H-1011 Budapest, Hungario. Tel. +36-1/
2012342. Islando Ekde
1974 Esperanto estas elektebla kiel libera fako en la gimnazio de
Hamrahlid, Rejkjaviko. Kvankam ne anoncis sin suficxe multaj lernantoj
cxiujare por okazigi kurson, tamen kelkaj dekoj da gejunuloj lernis la lingvon
tra la jaroj. La Esperanto-kursojn cxiam gvidis Baldur
Ragnarsson, kiu instruas islandan lingvon kaj literaturon en tiu gimnazio,. Cxi-jare
okazis en la gimnazio trimonata E-kurso kun ses lecionoj semajne. Gxi estis
eksterordinara en tiu senco, ke gxin partoprenis gejunuloj el ses landoj:
Islando, Germanio, Nederlando, Francio, Finnlando kaj Italio. Instruisto estis Baldur
Ragnarsson. La neislandanoj estis gastlernantoj kaj studis ankaux aliajn
fakojn, precipe la islandan lingvon. Multa entuziasmo regis inter tiuj gejunuloj
pri la internacia lingvo kaj ili cxiuj finis brile siajn studojn.
Hallgrímur Sćmundsson Jugoslavio Esperanta Akademio lancxita en Jugoslavio La
instruadon de Esperanto en la nuna Jugoslavio (Serbio + Montenegro) fake
prizorgas la Esperanto-Instituto de Serbia Esperanto-Ligo (SEL) kun sia
Pedagogia Sekcio, kunlabore kun lokaj esperantistaj organizajxoj. Gxi reguligas
la instruprogramojn kaj eldonas la diplomojn por la sxtupoj A (komenca), B
(dauxriga) kaj C (supera). Fakte A-ekzamenoj okazas, B nur kelkaj kaj C jam
delonge tute ne. Dum la lastaj jaroj nur kelkaj jugoslavoj pasis internaciajn
UEA/ILEI-ekzamenojn, sed ekster la zorgo de la Instituto. La instruadon
organizas E-societoj en publikaj kursoj kaj enkadre de lernejaj kromaktivecoj.
Menciindas ankaux la kursoj por fervojistoj kaj por studentoj en Belgrado. Semajnofine,
la 14-an kaj 15-an de okt. 1995 okazis esperantista renkontigxo en la sudorienta
parto de Serbio, sude de la urbo Vranje, en la monahxejo Sankta Prohor
Pcxinjski. La programo enhavis ankaux dusesian rondan tablon pri Pers-pektivoj
de plua esperantista agado en Jugoslavio kun aparta atento dedicxita al
instruado de Esperanto, al manieroj kiel interesi diplomitojn resti en la
movado, al la rolo de UEA kaj al Trijara
laborplano de ILEI. La diskuton cxeestis preskaux cxiuj 60 partoprenantoj de
la renkontigxo. Aparte varme estis aprobata la decido fondi E-Akademion
ESPROHOROVO, kiun organize kaj teknike prizorgos la Fervojista Esperanto-Societo
de Vranje kaj fake gvidos la Esperanto-Instituto de SEL, Belgrado. Kun iom
pretenda titolo, la Akademio funkcios kiel medio por realigado de la programo de
la Esperanto Instituto sur la kampoj instruada, eldona, esperantaplika kaj
primovada. Gxian sukceson garantias agemo de esperantistoj en Vranje, inklino de
la tieaj auxtoritatoj, firmaoj kaj negocistoj kaj bonegaj naturaj kaj gastigaj
kondicxoj. La unuaj arangxoj estas planataj por la somero 1996. Pli konkretaj
informoj aperos gxustatempe en Esperantaj informiloj, same pri aliaj arangxoj
planataj en aliaj lokoj kontinente kaj marborde. Radojica
Petrovicx, Bul. oslobodjenja 36. YU-32000 Cxacxak, Jugoslavio Kostariko Inter
la 12-a kaj 17-a de februaro 1996 okazos la 3-a Amerika Esperanto-Kongreso en
Kostariko. Dum la Kongreso oni arangxos ankaux ekzamensesion. Aligxadreso por la
Kongreso: Antonio Leoni de Leôn, Apartado 7603-1000, San Jose, Kostariko
m.b. Nederlando
Letero
al la Redakcio La
porinstruista seminario [vd. IPR 3/95],
kiun ni planis por la 15-17-a de marto 1996 - pro manko je partoprenantoj - NE
okazos. Anoncis sin nur kelkaj nederlandaj ILEI-membroj, sed bedauxrinde neniu
el la aliaj landoj. Mi bedaux-ras, ke malgraux nia frutempa anonco kaj vasta
publikigo en pluraj internaciaj revuoj ni ne sukcesis altiri interesituloj. Hans ten Hagen,
pt. sekr., N.G.G.E. Pollando En
urbo Elk kreigxis privata popollernejo kun klasoj 0-2. S-ino Monika Bilnik
gvidas E-kurson por infanoj. Okazos ankaux konkurso pri Esperanta poezio. La
infanoj deziras korespondi kun samagxuloj el diversaj landoj. Kontaktadreso: Monika Bilnik,
p.k. 56, PL-19-300 Elk, Polio Portugalio La
nova sekciestro de ILEI en Portugalio: Joăo
Santos, p-a Portugala Esperanto-Asocio. Rua Dr. Joăo Couto 6 r/c A, 1500 Lisboa Slovenio Pedagogia seminario kun video-festivalo Interkulturo
Maribor organizas internacian seminarion pri modernigo de E-instruado inter la
27-a kaj 31-a de julio en Maribor. Estas invitataj cxiuj, kiuj posedas ideojn
aux ellaboritajn instruilojn, materialojn, filmojn, bildstriojn, komputilajn
programojn ktp., utiligeblajn en diversaj fazoj de E-instruado, aligxi kaj
prezenti tion. En
la kultura parto de la arangxo okazos video-festivalo kun konkurso pri la plej
bona video-filmo ‘96. Ni prezentos profesiajn, pupteatrajn, pedagogiajn,
doku-mentajn filmojn en Esperanto. Cxiu povas konkursi per video-filmo en E-o
pri ia ajn temo, sed ne pli ol 20-minutojn longa. Kotizoj:
depende de la lando, agxo kaj tempo de aligxo, inter 30 kaj 150 DEM. Kompletaj
restadkostoj cx. 130 DEM, nura dormado kaj matenmangxo cx. 75 DEM. Pliaj
informoj kaj aligxo cxe: Interkulturo,
Kocxevarjeva 12, SI-62000 Maribor, Slovenio. Tel/fakso: +386-62-221371 Svislando Informoj pri
La Domparo En
1995 okazis naux kulturaj monatfinoj en La Chaux-de-Fonds. Kelkaj realigis du,
aliaj unu studrondon. Entute estis 11 studrondoj kun 90 cxeestantoj. La
monatfinojn karakterizis la miskontinueco de la studrondoj por progresantoj, la
asidueco de la germanlingvanoj kaj la ioma malmultigxo de franclingvanoj. La
meza agxo estis iom alta, cx. 45, sed malmultaj estis emeritoj. En
kadro de kultura monatfino inter la 17-a kaj 18-a de februaro 1996 Georges
Lagrange prelegos pri zamenhofologio kaj Judit
Felszeghy zorgos pri progresantoj. Inter la 23-a kaj 24-a de marto Giorgio Silfer proponos preleg-aron kaj dialogojn kun la titolo Foliumante
cent jarojn de esperanto-teatro. Rusa instruist(in)o zorgos pri pri
progresantoj. Inter
la 30-a julio kaj 4-a de auxgusto en KCE okazos seminario Komparado de instrumetodoj en Esperanto. Gxin gvidos Claude
Gacond, kiu analizos kun la partoprenantoj la plej gravajn instrumetodojn de
nia lingvo, kun la celo doti vin per propra instrumetodo. Kontaktadreso: Postiers
27 - CP 779 - CH-2301 La Chaux-de-Fonds, Svislando - telefono/fakso (41)
39-267407 La lingvo kaj ties bildoj estas
la titolo de kolokvo la 6-8-an de marto 1996 en la universitato de Neuchâtel,
Svislando. Gxin organizas: Centro pri aplikata lingvistiko de la universitato
Neuchâtel, Romanda Instituto de Esploroj kaj Dokumentado Pedagogiaj kaj Euxropa
Asocio de Lingvistoj kaj Lingvoinstruistoj. Estos
du prelegoj pri Esperanto, unu de Lili
Papaloizos, kiu doktorigxas pri KCE, kaj unu de Claude Piron. S-ino Mireille
Grosjean prelegos pri la lingvaj aspektoj de klasointersxangxoj kaj pri sia
libro „Echanges de Classes Clé en Main”. Kontaktadr.: Mireille Grosjean, Str. Temple 20, CH-2416 Les Brenets Pri „Lernejo Ilo Pacen” ("Ecole
Instrument de Paix (EIP)", "School Instrument of Peace") Julio
1995. 130 personoj el 50 landoj, monda vilagxo! Dum plena semajno la
partoprenantoj povis trejnadi en la kampo de la instruado al homaj rajtoj kaj al
la paco. Estis tri paralelaj sesioj, unu en la franca, unu en la angla, unu en
la hispana. La pauxzoj okazis samtempe, tiel cxiu grupano povis rilati kun
alisesiano. Matene estis kurso, poste ronda tablo kun 2-3 prelegantoj.
Posttag-meze venis praktikaj ekzercoj didaktikaj. La profesoroj estis (mi
parolas pri la franclingva sesio, kiun mi sekvis) universitataj profesoroj kaj
fakuloj el Gxenevo, Francio, Montrealo, Afriko, ktp. Logxado, mangxoj kaj kursoj
povis okazi samloke en Céligny apud Gxenevo, tiel la partoprenantoj povis plej
bone konatigxi kaj intersxangxi spertojn. La
"Centre International de Formation ŕ l'Education aux Droits de l'Homme et
ŕ la Paix" (CIFEDHOP), (Centro internacia pri Lertigxo je Edukado al Homaj
Rajtoj kaj al la Paco) la organizanto de tiu semajno, estas fako de
"Lernejo Ilo Pacen". Gxi ricevas subvenciojn de la svisa konfederacio,
pli precize nesvisaj partoprenontoj povas ricevi stipendion. La oficejo de EIP
situas en Gxenevo (Svislando), Simplon 5, 1207 Gxenevo, tel. 022 735 24 22. Gxi
vartas kaj pri la svisa sekcio kaj pri tutmonda kunagado de landaj sekcioj, iom
same kiel UEA. Internacia pedagogia skipo gvidas la CIFEDHOP plej efike. La
CIFEDHOPa kurso okazas cxiujare en julio; 1995 estis la 13a sesio. Lernejestroj
kaj instruistoj pri iuj fakoj povas profiti je tiu altnivela kaj samtempe tre
konkreta kurso. Mi rekomendas gxin al cxiuj instruistoj. Mi estas je dispono por
pli da informoj. Mia adreso estas pf 9, CH-2416 Les Brenets. Mi povas interalie
doni al vi la nomon kaj adreson de partoprenintoj el via lando aux de landa
sekcio, kaze ke tio ekzistas. Lasta
noto: "EIP" estas kreita de
Jacques Muhlethaler, mortinta en 1994. Li interesigxis pri Esperanto kaj
eklernis la lingvon. En siaj multnombraj kontaktoj kun politikistoj, li ofte
varbadis por Esperanto.
Mireille Grosjean, instruistino, Svislando. |