|
|
|
|
Albanio La
29-an de marto 1996, en la teknologia mezlernejo en Tiranë okazis ekzamensesio
pri E-o - elementa lernokurso. Gvidis gxin la honora prezidanto de AEL, s-ro
doc. Vasil Pistoli. El 16 kandidatoj akiris la atestilon 11 gejunuloj
15-17-jaragxaj, nome: Erald Hysa, Joana Meçe, Adriatik Dakli, Mimoza Frroku,
Saimir Begollari, Silvana Gjata, Brunilda Çeliku, Bledar Xhomaqi, Dritan
Kureta, Ira Brari kaj Elona Stringa. La 24-an de aprilo okazis alia ekzamensesio gvidita de s-ro Zamir Gjurgji, societestro de Tiranë. Akiris la atestilon jenaj aliaj gejunuloj: Elkina Dervishi, Edit Vardhami, Dorina Kuqi, Emiriana Hamiti, Alma Hamiti, Anila Troksi, Sofia Mema (de koresponda kurso). Informis:
Saimir Beqiraj Ameriko Vojagxo tra
Ameriko [fragmentoj
de vojagxraporto de Atilio Orellana Rojas] [...]
En Córdoba, mia hejmurbo, komencxigxis la aventuro kaj la plano estis atingi
Centramerikon haltante en cxiu lando survoje tien. [...] La realigeblo
sxuldigxas al malavara mecenateco de Fondajxo FAME kaj al sindonema donaco
flanke de du amikinoj: Britta Rehm el Svedio kaj Niza Kuitermann el Neder-lando. La
unua etapo estis kelktaga restado en Cxilio kaj la agado komencigxis en gxia
cxefurbo Santiago. Estante UEA-komisiito pri Ameriko, novajxoj abundaj pri la
kontinento atingis min cxiutage kaj interalie mi eksciis pri planoj revivigi
Cxilian E-Asocion dum septembra kunsido realigota en Santiago. [...] La asembleo
ne okazis, tamen s-ro Daniel Zanelli venis al la hotelo, kie mi logxis kaj
konigis al mi la avatarojn de CxEL. En Santiago, Antofagasta de la Sierra kaj
Arica mi informis la lokajn amaskomunikilojn pri mia cxeesto kaj cxio tio vekis
la atenton de la plej legata jxurnalo en tiu lando: „El Mercurio” gxis tia
grado, ke koninte pri la realigxo de la 3-a Amerika Kongreso en Kostariko, kien
mi min direktis, ties cxefredaktoro poste dumkongrese faksis al ni por ricevi
novajxojn kaj ekskluzive informi pri gxi en Cxilio. Peruo
gastame akceptis min sekve, kaj en Limo mi renkontis la UEA-cxefdeligiton, s-ron
Gustavo Segami Sasaki, kaj la delegiton Julio Zeballos. Cxi tiu lasta rakontadis
al mi pri la E-vivo en Peruo, pri la iama orepoko kaj la nunaj baraktadoj por
vivigi la Landan Asocion... [Kauxze de la pli fruaj teroristaj eventoj kaj la
nuna ekonomia krizo la loka esperantistaro perdis la internaciajn kontaktojn]
kaj iom post iom perdis intereson pri nia afero. [...] Peruo hodiaux prezentas
alian vizagxon, de kreskanta lando, kiu cxiel klopodas restarigxi post la
[terorista] epoko. La e-istoj tie estas nekredeble gastamaj, do ne hezitu plu!
Iru tien, cxar niaj homoj avidaj je internaciaj kontaktoj atendas vin, kaj se vi
deziras turismadi, vi trovos belajxojn kiaj Macxu-Pikcxu, Kuzko, la gxangalo aux
simple belega marbordo kun varmeta akvo. [...] Varme,
peze humide akceptis min Ekvadoro, meze de senfinaj arbaroj de bananujoj,
fruktoj, kiuj tiom famigas la landon. Mia restado en Gvajakilo celis specife
diskonigon pri la lingvo. Cxi tiu lando ne eskapis la skurgxobaton de inflacio,
senlaboreco kaj, plej acxe, energimanko. Cxiutage estas plurhora haltigo de
elektra energio cxie en la lando kaj kauxze de tio maleblis realigi publikan
prelegon pri Esperanto, cxar salonoj uzeblas dum vesperaj horoj, kiam natura
lumo mankas... kaj en mallumo neniu sxatas kunsidi! Mi malfacile lasas min venki
de la situacioj kaj pro tio mi tuj ekvizitis turismajn agentejojn por informadi
pri E-o kaj lasis tie flugfoliojn. Mi iris ankaux al amaskomunikiloj kaj konigis
al ili mian cxeeston, kio varme estis akceptata kaj diskonigata. De
Gvajakilo mi flugis al Panamo. Tie atendis min Alejandro Carrasquilla Jiménez,
mia perkoresponda lernanto. Li, lia edzino Carmen kaj amika paro (Saadya kaj
Omar) decidis eluzi la okazon de mia vizito por plia lernado de la lingvo kaj en
ies hejmo estis improvizita klascxambro, kie mi rektmetode enprofundigis ilin en
E-o. Tiu grupo estas plenplena je entuziasmo. Helpe de Amerika Fondajxo tiuj
kvar povis poste cxeesti la Amerikan Kongreson, kiam ili praktikadis la lingvon
en internacia medio. Ili bonvenigos donace legajxojn kaj lernomaterialon kaj
certe ankaux kuragxigajn mesagxojn de la tuta mondo. Jen ilia adreso: Apartado 5522 zona #3, Panamá, Republica de Panamá. En
San José de Kostariko atendis min la plej forta laboro, nome, helpadi en la
organizaj taskoj de la Kongreso. La grupo tie konsistas cxefe el gejunuloj, kiuj
estis dauxraj akompanantoj dum diversaj demarsxoj por kongresanoj. La landa
gazetaro pozitive akceptis E-on. Jam antaux mia alveno 3 artikoloj aperis sub la
auxtoreco de Mag. Hugo Mora Poltronieri. Plie, li, s-ro Antonio Leoni de León
kaj mi estis intervjuitaj de la plej grava kaj vaste legata kostarika
jxurnalo[...] Kauxze
de mia vizito estis gravaj sekvoj en tiu lando: unue estas la fondigxo de
Kostarika E-Asocio, nova Landa Asocio kun juna kaj laborema estraro. Gxia
oficiala adreso estas: Apartado 4981, CR-1000 San José. Dua sekvo estas la restarigo de
Kostarika Esperantista Junulara Organizo, kies nuna prezidanto estas Rodolfo
González Jones. Tria grava punkto estas, ke e-istoj estis vaste informitaj pri
ILEI, ili decidis aligxi kaj fondi Landan Sekcion tie. [...] Sukcesa sekvo de
cxi tiu laboro estas, ke la fama Universitato por la Paco decidis starigi
E-katedron en ties sino de la venonta studojaro. La kurso okazos kunordige kun
la Universitato de Kostariko. La
lasta lando vizitita antaux la Kongreso estis Nikaragvo. [...] En la
antauxmilita periodo la situacio por E-o estis pli favora ol nun. En cxi tiuj
tagoj restas apenauxaj spuroj de tio. Eddy Silva Molina gastigis min en tre
modestaj vivkondicxoj, tamen en vere familia etoso plena je amikemo kaj
bonauxguraj sentoj. Li kaj Alex Pérez Mendieta dauxre uzas E-on. [Ili lernis la
lingvon pere de vortaroj malnovaj.] Ambaux avidas ricevadon de legomaterialo,
sendebla al cxi tiu adreso de Eddy:
Clinica Santa Maria (3 cuadras al sur), Bo San José Oriental,
Managua 12. Ili tre sxatus korespondadi kun eksterlandanoj, sed memoru, ke
en Nikaragvo letero eksterlanden kostas same kiel mangxi 4 tagojn, do se vi
kontaktas ilin, nepre aldonu respondkuponojn. Instruado en Nikaragvo similis al
instruado de Platono en la Akademio: promenante, irante cxien de loko al loko,
rigardante la naturon kaj la urbon por lernado de vortprovizo ligita al iliaj
cxiutagaj agoj kaj lokoj. Kion
diri pri la 3-a Amerika Kongreso? Cxeesto de reprezentantoj el 18 landoj kaj
aktiva laboro de ili en la diversaj sesioj estas la plej valora lauxro al mia
laboro plurmonata por subteni realigon de la Kongreso. Mia cxefa tasko estis la
kunordigo de la tuta Kongreso kaj en la instrua kampo mi gvidis Seminarion pri
Cseh-metodo kaj prezidis la Sesion de la Internaciaj Ekzamenoj de ILEI, krom
prezenti Mazi-filmon kaj konsili pri ties uzo. Grava tasko estis la kunordigo de
cxiuj sesioj pri instruado, junulara agado kaj regiona kunlaborado, kiuj estis
la cxefaj aksoj de la Kongreso, kiuj funkciis kiel vera forumo por pritraktado
de strategioj sekvendaj por plivastigi la E-mondon en cxi tiu kontinento. Atilio
Orellana Rojas,
Argentino Brazilo Ekde
1965 funkcias, kadre de tiel nomataj „kulturdomoj”, E-kurso de UFC (Universitato
Federacia de Ceará). En tiuj kulturdomoj estas instruataj la ling-voj:
angla, franca, itala, portugala, rusa, germana, hispana kaj kompreneble E-o. Jam
de tri jaroj mi estas profesia instruisto de E-o, kun ekskluziva dedicxo al la
instruado de tiu belega lingvo. Cxi tie nia kurso dauxras 240 horojn, kiu
dividigxas je kvar sxtupoj. La tuta kurso estas konsiderata kiel „Baza Kurso
de Esperanto”. Jam
pasis 30 jaroj. Dum tiu tempo la estraroj de UFC apogis kaj malapogis E-on. Bedauxrinde
en Fortaleza estas granda antauxjugxo pro tio ke la nuna estraro de UFC ankoraux
ne suficxe bone konas la gravecon de nia kara lingvo. Semestre
ni enmatrikuligas cx. 70-80 gelernantojn, sed ni kalkulas je unusola instruisto,
kiu ankaux administras la sidejon. Estante sola mi tute ne povas progresigi nian
kurson. Pro tio mi petegas al vi skribi gratulleteron al la rektoro de UFC kun
kopio al la direktoro de la kulturdomoj, petante, ke ili okazigu novan konkurson
cele al dungigo de nova instruisto. Mi opinias, ke se ni havos almenaux unu
alian instruiston, ni povos baldaux oferti ecx superan kurson kaj prepari ankaux
novajn profesiajn instruistojn. Cxi
subas la nomoj kaj adresoj al kiuj, mi petegas, vi sendu leterojn: Reitor:
Prof. Roberto Claudio Frota Bezerra, Av.
da Universidade, 2853 - Benfica, BR-60020-180 Pró-Reitor
de Extensăo: Prof. René Teixeira
Barreira, Av.
da Universidade, 2932, BR-60020-180 Coordenadora
Geral das Casas de Cultura: Profa Mônica Dourado Furtado Av.
da Universidade, 2683, BR-60020-180 Kredante je via
tuja reago, mi tutkore salutas vin. Prof.
Adelson Andrade A. Sobrinho,
Cxinio Esplorado
de eduk-eksperimento en lernejoj de Tianjin La urbo Tianjin,
unu el la tri plej grandaj urboj en Cxinio kun 9 milionoj da logxantoj kaj 18
registraj distriktoj kaj gubernioj, estas haveno situanta 137 km-ojn de la
cxefurbo Beijing. Ekde la komenco de la politiko „Reformo kaj malfermo” la
esplorado de eduk-eksperimento en elementaj kaj mezaj lernejoj de Tianjin
prospere disvastigxas kaj okupas gravan lokon en Cxinio. Sub la gvido de
Tianjin-a Eduk-Akademio aperas du kategorioj: teoria skolo kaj praktika funkcia
modela formo. Ni koncize prezentas ilin jene: 1. La teoria skolo
de la eduk-eksperimento En
la lastaj dek jaroj post la fondigxo de la tutlanda eduk-eksperimenta instituto
iom post iom formigxas kvar skoloj pri eduk-eksperimento en Tianjin. La
unua estas teoria skolo pri Krea
eduk-eksperimento en element-mezaj lernejoj, kies gvidanto estas d-ro Zhang
Wusheng, vicdirektoro de Tianjin-a Eduk-Akademio. En 18 distriktoj kaj
gubernioj de la tuta urbo formigxis kelkdeko da eksperimentejoj. La teoria
skolo, okupanta firman akademian lokon enlande formigxis sur la bazo de en- kaj
eksterlandaj kreaj eksperimentaj spertoj. Gxis nun aperis multaj fakaj verkoj
pri la eksperimenta teorio en la gazetoj. Efektivigxis kontakto kun fakuloj pri
eduko el Usono, Japanio, Koreio kaj aliaj landoj. La
dua estas teoria skolo pri Speciala
eduk-eksperimento, gxia reprezentanto estas prof. Zhao
Shuduo, Tianjin-a Eduk-Akademio. La skolo studas cxefe la instruadon de
malintelektaj infanoj. Tianjin-aj fakuloj kunlaboras kun d-ro Chen Yunying de la Cxina Centra Eduk-Instituto. En la tuta urbo
trovigxas eksperimentaj bazoj por speciala eduko: kelkdeko da elementaj kaj
mezaj lernejoj kaj lernejoj por surdmutaj infanoj. Oni ricevis altan takson de
la koreaj specialistoj de la Korea Eduk-Scienca Esplorejo. La
tria estas teoria skolo pri Eduk-eksperimento
por supernormalaj infanoj, kies reprezentanto estas prof. Yu
Shengji de Tianjin-a Eduk-Akademio. La skolo atingis grandan sukceson en la
akcelado de disvolvigxo de supernormala intelekto cxe normalaj infanoj. La
eksperimentaj bazoj estas la Eksperimenta Element-lernejo kaj Yaohua Mezlernejo.
Sub la teoria gvido amaso da normalaj infanoj atingis rapidegan disvolvigxon kaj
mallongigis sian edukperiodon. Pro tio ili rajtas vizitadi famajn altlernejojn
kun altaj poentoj en la ekzameno. La
kvara estas teoria skolo pri Kontrasta
esplorado de eksterlanda eduk-eksperimento, kies reprezentanto estas prof. Zhang Qian de Tianjin-a Eduk-Akademio. Laux la kontrasta eduko la
skolo resumis la eduk-eksperimentojn de diversaj landoj en la mondo kaj faris
kontrastan reformon al la cxina kaj urba statoj en la eksperimento. Oni kondukas
teorian analizon en principo, taktiko kaj apliko de eksterlanda eksperimento. 2. La praktika
modela formo de la eduk-eksperimento Sub
la gvido de la teoriaj skoloj oni faris funkciajn studojn. Ekzistas la jenaj
eksperimentaj modeloj: 1)
Harmonia eduk-eksperimento de
Heping-distriktaj element-mezlernejoj. Gxi estas model-formo centre de tri
harmonioj „harmonio de instruistoj kaj lernantoj, harmonio de instruado kaj
lernado, harmonio de familio, socio kaj lernejo”. La eksperimento okazas en
cxiuj elementaj kaj mezaj lernejoj de la distrikto. Xinhuananlu
elementa lernejo estas la plej fama el ili pro sia harmonia eduk-eksperimento en
la tuta urbo kaj tuta lando. 2)
Plastika eduk-eksperimento de
Nankai-distriktaj element-mezlernejoj. Oni faris eksperimentan modelon
centre de „gvido de plastikaj instruado kaj lernado al la cxiuflanka
disvolvigxo”. Ili faris funkciajn eksperimentojn ankaux pri instrua reformo de
„lerna, instrua kaj ekzamena metodoj” kaj popularigis la reformon en la
element-mezlernejoj de la tuta distrikto. La 25-a kaj 19-a mezlernejoj estas
famaj tra la distrikto. 3)
Stimula eduk-eksperimento de
Hongqiao-distriktaj element-mezlernejoj. Oni faris kvalitan
eduk-eksperimenton centre de la modela formo „stimulado de lernantoj al
lerno-intereso kaj ekspluatado de intelekto de lernantoj prenante stimuladon
kiel la cxefa rimedo”. Beimalu
elementa lernejo estas fama eksperi-menta bazo en la distrikto Hongqiao. 4)
Mult-vehikla eduk-eksperimento de
Tianjin-a Eduk-buroo Gxi
signifas, ke instruistoj plenigas klascxambran instruadon per modernaj ekipajxoj
por altigi la instruan efikon. Binjiangdao mezlernejo de Heping-distrikto,
Sranghaidao elementlernejo de Hexi-distrikto kaj Eksperimenta elementlernejo de
Hepingdistrikto estas elstaraj inter la lernejoj de la funkcia modela formo. La
esplorado de eduk-eksperimento de la urbo Tianjin enhavas sian trajton en la
teoria kaj praktika flankoj. Dauxra profunda esplorado bezonas helpon kaj
subtenon de la en-kaj eksterlandaj specialistoj kaj fakuloj. Pere de tiu cxi
artikolo ni celas ekhavi kontaktojn, kaj peti proponojn de diverslandaj
specialistoj kaj fakuloj pri eduko en elementaj kaj mezaj lernejoj tra la mondo. Zhang Qian
kaj Han Zuwu Danio En
la dana urbo Ĺrhus aktivigxis la loka grupo post multjara stagnado. Pro manko
de propraj instruistoj necesas alvoki cxiam alilandan instruiston. La
unuan kurson gvidis la „fluganta Cseh-instruisto” Atilio Orellana Rojas en auxgusto 1995. Li ankaux prelegis en la
cxefa urba biblioteko pri sudamerikaj indianoj. Rezulte de tiu prelego,
tradukita rekte al la dana, estis suficxe da aligxoj por nova kurso. La dua
kurso okazis en oktobro 1995. Gxin gvidis Aristóphio
Alves Andrade el Brazilo[...] Li instruis ankaux la lernantojn de Atilio. Por
atingi ankaux aliajn celgrupojn okazis vespera kurso en aprilo 1996. Gxin gvidis
Katalin Smidéliusz el Hungario. Al
tiu kurso aligxis jxurnalisto de la loka gazeto „Ĺrhus Stiftstidende”, kiu
surbaze de siaj spertoj verkis tripagxan artikolon pri la kurso kaj E-o, nia
teksto kaj grandaj fotoj allogis multe da atento inter la legantoj. La sperto de la grupo estas, ke sklava sekvo de la originala Cseh-metodo nuntempe ne plu tauxgas por Danio. La adaptita rekta metodo tamen furoris cxe la lernantoj. La aktivuloj en Ĺrhus esperas, ke ili iom post iom povas revigligi la iamajn famajn somerkursojn en Danio. Pro tio oni sercxas kontaktojn kun aliaj kluboj. Kontaktulo: Wolfgang Kirschstein, Hvedebjergvej 30, DK-8220 Brabrand Francio Laboro cxe nacia edukado en gimnazio Elsa Triollet
de Champigny Depost
novembro-fino [1995], kun la profesorino Gueraz, ni entreprenis laboron en
klaso por ne-francparolantaj lernantoj. Temas pri junuloj kiuj jxus venis el
fremdaj landoj kaj apenaux scipovas la francan. La originoj estas diversaj, cxar
ili estas: gealgxerianoj, indiano, marokanoj, geportugalanoj, rusino,
srilankano, usonano (kiu reiris al sia lando januare) kaj vietnamano. Tie
cxi ni uzas E-on por vidigi kiamaniere la idiomoj funkcias, kiel formigxas la
vortoj. Samtempe oni, tiamaniere, lernas la I. L.-on kaj iom post iom harmonio
instaligxas. Kiam oni progresas en la nova idiomo, ankaux en sia propra lingvo
oni progresas kaj evidente ankaux en la franca. Ni ofte komparas la diversajn
lingvojn kaj tiele edukas la orelojn kaj la prononcon. Dank' al la vietnama ni
povas komprenigi kio estas izola lingvo, kie cxiu lingv-elemento nepre konservas
la saman signifon. Jarfine kune kun la profesorino ni ekzamenos nian agadon kaj
la rezulton. Ni evidente tre dankas la estraron de tiu kolegio, nome speciale S-inon
Caillet (help-kolegiestron), kiun M.L. jam konis en la liceo Jean Macé
de Vitry, S-inon Moreau kiu respondecas pri la UNESKO-klubo kaj precipe S-inon
Gueraz kiu konsentis pri tiu eksperimento kaj mem aktivigxas en tiu
speciala klaso. laux
Club Esperanto Canaverois, januaro ‘96 Germanio-Pollando Estontaj
Cseh-instruistoj translime - babilado pri la
projekta kuirejo de du junulara E-organizoj
Cxi
tiu statistiko povus tauxgi por la jxus finita Cseh-metodika, B-grada seminario
por estontaj Cseh-instruistoj. Kompreneble neniu el ni nombris la demandojn, nek
la metodikajn konsilojn, kiujn donis la kursgvidantino Katalin Smidéliusz, kiu
klopodis al ni mirakle malfermi la pordon al la kompreno de la gramatika
labirinto. Imagu,
matene ja la tria vi mallauxte eniras la studcxambron. Kaj tie - kvazaux noktaj
fantomoj, ankoraux diskutas, cirkauxataj de PIV kaj PAG, junaj poloj kaj
germanoj, cxu traira verba estas la sama kiel transitiva... Cxu nekredeblajxo?
Nekredeble, jes, sed realeco. (Je la 5-a tiam vizagxe ili ecx similis al tiuj
fantomoj.) Dauxre
luktante kontraux la teoria kacxo, preskaux dronante en gxi, tamen entu-ziasme
kaj senlace ni elsucxis la spertojn de nia kursgvidantino. Sxi infektis nin, pli
atente kontrauxbatali niajn idiomajn malgxustajxojn, kapablis sendormigi nin per
hejmaj taskoj kaj dum la seminariaj horoj ne lasis la eblecon, iomete promeni
sur la spuroj de la vojagxemaj pensoj... „Ankaux volas - kaj ankaux ne...”
damne! Kial denove la gxusta vorto trovigxas ne cxe la gxusta loko? Ah
jes, kaj ni kompreneble eluzis, ke tie estas iu, kiu povis al ni klarigi multon,
kiu povis al ni komprenigi, kial ekzemple esceptoj estas esceptoj kaj kial tamen
E-o restas logika lingvo. Ekstere
brilis la suno. En la cxambro ni sxvitis kaj penis, kapti etan radion, kiu
ekheligu la grizan teorion. „Kie en BCK-libro trovigxas...” teorio, teorio.
„Kiel vi tion instruus? Montru!” Ne, ni vere ne havis la sxancon malatenti.
La malgranda konkurso pri Andreo Cseh, inventita tiamaniere, ke la germanoj
starigu dudek demandojn al la poloj kaj reciproke dauxris ne nur - kiel antauxe
planite - duonan horon, sed tri horojn! Tio certigis profundan eniron en la
biografion de Cseh. Dum la antauxa nokto ambaux grupoj aparte sidis kaj elfosis
pli malpli malicajn demandojn... dum horoj. Dauxrigante
la statistikon aldonendas: tri el ni plenumis la B-ekzamenon, du montris modelan
lecionon por akiri la A-diplomon. Kelkaj el la resto volas skribe persisti kaj
dum auxtuno 1996 denove fari seminarion pri metodiko de instruado kaj finfine la
Cseh-B-ekzamenon. Eble tiam en Berlino aux Brandenburgio. En cxiu kazo: por mi
la pasinta arangxo jam estis modela leciono. Sabine
Trenner, projekta
managxero cxe la E-Junularo Brandenburgio/Berlino Hispanio Viglas la movado
en Katalunio La
10-an de aprilo 1996, s-ro José Manuel
Conde, la sekretario de la E-Grupo Jozefo
Anglčs de Sant Cugat del Vallčs prelegis pri E-o en la Fakultato
pri Tradukado kaj Interpretado de Cerdanyola/Barcelona. Al la prelego venis
15 gestudentoj de tiu kaj aliaj fakultatoj. El ili 8 aligxis al la baza
Cseh-kurso, sub la gvido de la brazila Cseh-instruisto, s-ro Aristóphio
Alves Filho. La
E-Grupo Jozefo Anglčs, kies prezidanto estas s-ino Trinitat Garcia, organizis E-kursojn en la urboj Rubi kaj Sant
Cugat. En la unua instruas s-ro Aristóphio Alves Filho, en la dua José
Manuel Conde havas konversacian rondon. La
20-an de marto, le Radio Sant Cugat dedicxis 30-minutan programon al E-o kaj
intervjuis s-inon Trinitat, s-ron Conde, s-ron Aristophio kaj lian edzinon Nuxbia
Alves. La 21-an de marto, okaze de la komenco de la kurso en Rubi, la loka
televido intervjuis la prezidantinon de la E-Grupo. En majo s-ro Aristóphio
disdonis atestilojn al 13 kursfinintoj de Rubi kaj Cerdanyola. La kursfinintoj
decidis dauxrigi la lernadon kun la helpo de la instruisto, Josč Manuel Conde. La
10-an de majo komencigxis E-kurso en la kulturdomo de Reus. 6 novaj lernantoj
kaj 4 esperantistoj cxeestas la lecionojn, gviditajn de s-ro Aristóphio laux la
Cseh-metodo kaj kun la vidbendo Mazi. En
Raus, cxiumarde de la 21-a gxis la 22-a horo, du e-istoj elsendas E-programon
en la radio Punt 6. La nomo de la programo estas Internacia Vocxo. En
Sant Cugat, cxiujare okazas la Auxtunaj
Festoj. E-istoj cxiam profitas la okazon kaj faras grandan ekspozicion pri
E-o. Ili jam planas la venontan, en oktobro. Se vi emas sendi salutkartojn por
montri, ke E-o estas tutmonda fenomeno, ne nur afero de la lokanoj, bonvolu
adresi ilin al: E-Grupo
Jozefo Anglčs, Apartat 336,
ES-08190 Sant Cugat del Vallčs, Barcelona, Hispanio. La
publika biblioteko El Mil. lenari de
Sant Cugat del Valles, en Katalunio disponigis al E-o du grandajn bretarojn. La E-grupo
Jozefo Anglčs jam donacis al ili centon da libroj en kaj pri la Internacia
Lingvo. La biblioteko ankoraux havas bretojn malplenajn kaj akceptas donacojn.
Se vi havas librojn kaj gazetojn, kiuj kusxas ie, pro manko de spaco en via
sxranko, ni havas lokojn por ili en nia biblioteko. Vi povas donaci ilin rekte
al: Biblioteca El Mil.lenari, ES-08190 Sant Cugat del Vallčs, Barcelona,
Hispanio, aux sendu ilin al la E-grupo
(adreso supre). Se
vi venos al Katalunio, ne maltrafu la okazon viziti la Hispanan
E-Muzeon (lauxdire, la kvara en la mondo). En gxi estas granda kolekto da
E-libroj, periodajxoj, insignoj, PM-oj kaj aliaj esperantajxoj. Ili havas ankaux
duoblajxojn kaj pretas intersxangxi ilin kun aliaj E-organizoj. Jen la adreso: Hispana
E-Muzeo, carrer Zamenhof 12, ES-08739 San Pau d' Ordal, Katalunio. Hungario En
majo finigxis la internacia koresponda E-konkurso memore al István Szerdahelyi.
Gxin denove organizis Géza Kurucz, komisiito de ILEI pri lernejaj konkursoj.
Jen la rezultoj: Bazlernejaj
komencantoj (25 konkursantoj): 1. Izabela Anquez (Outreau, Francio); ~
progresintoj (23 konkursantoj): 1. Bernadeta Tóth (Kecskemét, Hungario) kaj
Julia Hedoux (Outreau) Mezlernejaj
komencantoj (37 konkursantoj): 1. Etelka Krizsák (Kecskemét) ~
progresintoj (65 konk.): 1. Edmundo Derycke (Boulogne-sur-Mer, Francio) Plenkreskuloj:
1. Estera Olsen, Norvegio; 2. Jindrich Tomíšek, Cxehxio; 3. Maria Molnár kaj
Helena Fedor, Hungario. La
sekva konkurso komencigxos en septembro. Oni povas kiam ajn aligxi al tiu cxi
konkurso, kiu konsistas el sep taskofolioj. Aligxadreso:
Laborkomisiono de ILEI pri lernejaj
konkursoj, Gimnazio Júlia Bányai, s-ro Géza Kurucz, Nyíri u. 11. HU-6000
Kecskemét. Kubo Situacio de la
E-instruado – laux la raporto de Kuba Esperanto Asocio La
nunaj landaj kondicxoj malhelpas la homojn pli aktive partopreni la movadon. KEA
sercxas la manieron akomodigxi al la nova situacio. Regulaj
kursoj: en la
plej multaj provincoj ili havis malgrandan rezulton aux pro manko de
partoprenantoj ne funkciis. Escepto estas Santiago
de Cuba, kie dum la dua semestro 1995 estis 133 gelernantoj. Perkoresponda
kurso (PKK): en
1995 tiu instrua formo donis multe da novaj membroj por la asocio kaj helpis
disvastigi E-on en provincoj, kie alie lernformo ne ekzistas. Nuntempe gxi havas
150 gelernantojn en diversaj etapoj de memlernado. Tiurilate rimarkindas la
laboro de Gonzalo Collantes en
Santiago de Cuba, kie dank’ al lia agado 63 personoj aligxis al la kurso.
Menciindas ankaux la laboro de Pedro
Pimentel en Camaguey, kie aligxis 37 gelernantoj. Oni organizas la kurson ankaux
en S. Spiritus (kun gvido de Norberto
Díaz), Santo Domingo (kun José Luis
Montes de Oca), Guantánamo, Pedro
Betancourt kaj Santa Cruz del Norte. En pluraj regionoj - pro personaj kaj organizaj mankoj -
la kurso ne funkcias, ekzemple en Pinar
del Rio, urbo Havano, Las
Tunas, Holguin kaj Granma. En Kubo
pri la instruado respondecas la ILEI-reprezentantoj. KEA decidis transdoni la
respondecon de PKK al tiuj lokaj reprezentantoj. Ili ricevas la fotokopiitajn
materialojn, kiujn ili devas multobligi proprarimede. Tio signifas, ke la
sukceso ne plu dependas de KEA, sed de la loka ILEI-reprezentanto. Gxuste pro
tio oni devas tre singardeme elekti tiujn reprezentantojn. El la raporto de KEA
evidentigxas, ke la sistemo ne cxie funkciis perfekte. Nacia
seminario por instruistoj: La 22-24-an de junio KEA jam la kvaran fojon okazigis
seminarion por instruistoj, kiun partoprenis 10 personoj el 7 provincoj. Norvegio La
13-an kaj 14-an de aprilo 1996 okazis en Oslo pedagogia seminario, kiun gvidis
Katalin Smidéliusz. Arangxis tion la laborgrupo pri instruado de Norvega
Esperantista Ligo - ni tion faris cxar laux nia laborplano ni alte taksas la
neceson instrui, por ke la movado ankoraux ekzistu kaj ke gxi ecx kresku. Inter
la partoprenantoj estis aktivaj instruistoj kaj instruantoj kaj pluraj
instruemaj samideanoj el diversaj partoj de la lando. La
seminario estis precipe praktika. Katalin montris al ni kiel sxi mem instruas
Cseh- kaj alimetode pere de bildoj, ludoj, libroj, vidbendoj kaj uzo de mimiko
kaj gestoj. Sxi klarigis, ke Cseh-instruisto devas esti „klauxno” por ke
sxi/li estu komprenata bone en kiu ajn lando. Sxi priparolis ankaux la
gramatikon. Gravas, ke la instruanto mem bone konu la lingvon por eviti la
disvastigxon de lingvacxo. Ni
cxiuj dankas Katalin pro la bona seminario, kiu vere inspiris nin al plua laboro
por la norvega E-movado. Knut
Lyngstad,
studento de la universitato en Trondheim Svislando El la auxtuna
programo de La Chaux-de-Fonds La
28-an – 29-an de septembro prelegos Tazio
Carlevaro pri ekstreme aktuala temo: La
streso: kiel eviti kaj superi gxin? La
26-an – 27-an de oktobro prelegos Ada
Fighiera-Sikorska, cxefredaktoro de Heroldo de Esperanto. Sabate sxi
prezentos kelkajn sekretojn de la redaktado de Heroldo, dimancxe sxi prelegos
pri polaj literaturaj Nobel-premiitoj, kun speciala atento pri la auxtoro de Quo
vadis? La
23-an – 24-an de novembro prelegos Michel
Duc Goninaz, profesoro en la universitato de Aix-en-Provence, komisiita de
SAT pri la reviziado de PIV: Kio do estas
lingvo? Renkontu la posteulon de Gaston Waringhien. La
aligxo al la kulturaj monatfinoj kostas 60,- CHF kaj gxi inkluzivas ankaux
vespermangxon. En oktobro kaj novembro okazos paralelaj kursoj por progresantoj
fare de eksterlanda instruisto, discxiplo de Katalin Smidéliusz kaj Giorgio
Silfer. Postiers 27 - CP
779 - CH-2301 La Chaux-de-Fonds, Svisl. tel/fax (41)39-267407 |
