Interkulturo 2
Hejmen ] Supren ]

 

Scienca kunteksto
ICxLM
Pli viva ILEI
Interkulturo 2
IK-Trejnseminario
Varbilo
El la landoj
Recenzo

Inter vi, mi kaj niaj kulturoj

Interkulturo 2 lancxita

La projekto Interkulturo en la dua eldono (IK2) estis lancxita en eksperimentan uzon meze de oktobro 2003. IPR 03/2 raportis sur la pagxoj 1-4 pri la planoj kaj evoluo de la refunkciiga projekto kun tri prioritataj celoj por la unua jarduono cititaj sur la pagxo 3. Cxiuj tri prioritatoj realigxis. La metodika teamo de IK2 ellaboris por la projekto tauxgajn metodojn kaj proponis esplortemojn, ekzercojn, taskojn kaj ludojn por interkultura lernado kaj edukado per Esperanto kaj Interreto. Okazis metodika trejnseminario auxguste en Svedio, pri kiu iom raportis IPR 03/3. Nova IK-trejnseminario organizata de E@I, partnero de ILEI kaj kunrealiganto de IK2, okazos printempe en Sarajevo.

La retpagxara teamo de E@I konstruis la novan pagxaron www.interkulturo .net kiu subtenas la metodikon kaj kiu nun estas libere alirebla. Gxis la fermo de cxi tiu numero de IPR registrigxis al IK2 ok grupoj kaj entute 49 individuaj partoprenantoj, cxu grupanoj (kelkaj aligxintaj grupoj ankoraux ne registris cxiujn grupanojn), cxu grupgvidantoj, cxu IK-helpantoj, kiuj testos la metodikon kaj la pagxaron gxis la fino de la jaro. La grupoj partnerigxos laux similaj esplor-interesoj, elektos metodon kaj esplortemon, faros intersxangxon, plenumos taskojn kaj elprovos kelkajn ekzercojn, kaj fine raportos pri la esplorrezultoj. La teamo de IK2 kaj IK-helpantoj sekvos laboron de la partoprenantoj, konsilos, solvados problemojn kaj plibonigados la pagxaron por ke gxi estu plene preta por pli vasta aplikado en 2004. Gxia sukceso ekde nun dependas de gxiaj uzantoj E-instruantoj kiuj aligxas al la projekto kun siaj grupoj de lernantoj.

Vizitu la pagxaron nun kaj preparu vin kaj viajn lernantojn por aligxi al IK2 ekde 2004. Se vi havas ideon kaj eblecon por organizi trejnseminarion aux alispecan renkontigxon de IK-anoj en via mondoparto, skribu al teamo@interkulturo.net, aux aligxu al retlisto interkulturo@yahoogroups .com kaj diskutu tie. Viaj kritikoj, proponoj kaj konsiloj estas cxiam bonvenaj.

IK2-teamo