|
|
|
|
La cxefa mesagxo de la 36-a
Konferenco de ILEI: PLIJUNIGxO
KAJ ORGANIZA REFORTIGxO Gxeneralaj trajtoj La Konferenco havis 59
partoprenantojn el 23 landoj, el kiuj 19 komitatanoj, 10 partoprenantoj kaj 2
prelegantoj en la IK-trejnseminario, kaj 6 infanoj kiuj prezentis du
programerojn en la distra programo. En la gxenerala programo, kiu komencigxis
per unuhora malferma kunsido, oni auxdis 6 prelegojn (Lars Forsman, Humphrey
Tonkin, Mauro La Torre, Stefan MacGill, Ronald Glossop kaj kune Hokan Lundberg
kaj Sonja Petrovicx). La cxeestantoj partoprenis du unuhorajn diskutsesiojn (pri
instru-kapabligado – gvidis Radojica Petrovicx, kaj taksado de la Konferenco
– skribe kaj diskute dum la ferma kunsido), gxuis 6 horojn da vespera distra
programo, uzis 9 horojn de la ekskursa tago por cxirkauxveturi sudokcidentan
marbordon de Svedio kaj najbarajn partojn de Danio, kaj en la cetera tempo
lauxvole vizitis la libroservon de ILEI, aux gxuis la agrablojn de marborda
ripozejo kaj sveda somero. Krome, la Komitato kunsidis kvarfoje – entute 8
horojn, la Estraro kunsidis entute 3 horojn, kaj la teamo de IK kunsidis 1 horon
kaj duonon por resumi la gxisnunan laboron kaj plani la pluan. La
IK-trejnseminario havis entute 25 laborhorojn. Komitato Post la enkodukaj formalajxoj,
la Komitato komencis sian laboron per aprobo de tri novaj sekcioj: en Koreujo,
Venezuelo kaj Ukrainio. Poste, laux la ordo kutima por elekta kunsido, la
Komitato auxdis kaj aprobis raportojn de la Estraro, komisionoj, reprezentantoj
cxe Unesko, pri rilatoj kun FIPLV kaj la financan. Estis elektita nova Elekta
komisiono kaj malsxargxita la malnova Estraro. La Elekta komisiono prezentis
liston de 7 kandidatoj por la Estraro kaj, post aprobo de la listo sen aldono de
novaj kandidatoj, realigis la proceduron de elekto de prezidanto kaj 6 ceteraj
estraranoj. La Komitato elektis ankaux novajn membrojn de Kontrola komisiono.
Listoj de la elektitoj kaj iliaj postenoj legeblas sur la dua kaj tria
kovrilpagxoj de IPR. La Komitato konstatis
agadrezultojn kaj problemojn de ILEI gxenerale kaj de unuopaj sekcioj.
Analizinte la krizan staton de la Ligo en la organiza kaj financa sencoj, gxi
aprobis jenajn prioritatojn por la plua laboro: – Organiza plifortigxo de ILEI:
pli firma kunlaboro de la Estraro kun la komitatanoj, sekcioj, kaj landaj
reprezentantoj, kaj kun aliaj instancoj de Esperanto-komunumo, plijunigxo,
plivastigo de la celgrupo kaj plimultigo de la abonantoj de Juna Amiko. – Instrukapabligado kaj
plilertigado de E-instruistoj kaj instruantoj. – Interkulturo kaj aliaj
instruprojektoj. Cele al organiza plifortigxo kaj
altirado de novaj agantoj en la eduka kampo, la Komitato konkludis ke necesas
enkonduki novan membro-kategorion – membro sen revuo. Gxi ebligos membrigxon
de esperantistoj, precipe junuloj, kiuj deziras agi en ILEI sed ne povas pagi la
plenan kotizon kaj/aux ne deziras ricevadi la revuon. La Komitato taskis al la
Estraro proponi tauxgan minimuman aux nulan kotizon por tiaj membroj kaj prepari
la necesajn formalajxojn por oficiale enkonduki la novan membro-kategorion dum
la Konferenco 2004, aldone al la ekzistantaj membro-kategorioj. Rilate al la
nunaj kotizoj, la Komitato aprobis necesan plialtigon por kovri la kreskon de la
kostoj (18 EUR/ 9 EUR). Gxi ankaux aprobis eldonplanon kaj novan kotiztabelon de
Juna Amiko por la jaro 2004. La novaj kotizoj estas indikitaj sur la antauxlasta
kovrilpagxo de IPR. La Komitato pozitive pritaksis la novan evoluon de la
projekto Interkulturo kaj invitis la sekciojn al gxia aplikado. Gxi taskis al la
Estraro fari la necesajn pasxojn en la kampo de instrukapabligo. Rilate al
projekto de trejnseminario por instruistoj kiun preparis Katalin Kováts kaj
Mireille Grosjean, la Komitato pritaksis gxin grava kaj konsiderinda en la
kunteksto de la prioritato Instrukapabligado, sed ne matura por findecido cxar
mankas konkreta programo kaj bugxeto. La Komitato aprobis proponon de la Estraro
ke la Konferencoj en 2004 kaj 2005 okazu en la landoj de UK, respektive Cxinio
kaj Litovio. Estraro La Estraro kunsidis kelkfoje por
trakti kurantajn aferojn de la Konferenco kaj Komitato, kaj por organizi sian
laboron en la sekva periodo. Konforme al la aprobitaj prioritatoj kaj taskoj
ricevitaj de la Komitato, la estraranoj difinis siajn taskokampojn, kiel
indikite sur la dua kovrilpagxo de IPR, kaj interkonsentis havi novan kunsidon
en novembro 2003. Dume la Estraro funkcios per retposxta komunikado kun aparta
koncentrigxo de retposxta laboro en cxiu lasta plena semajno en monato ('retposxtaj
estrar-kunsidoj'), laux tagordo aparte interkonsentota por cxiu el tiuj semajnoj.
Gxis la semajno 22-28.09.2003 cxiuj estraranoj proponos laborplanojn por siaj
taskokampoj, kiujn la Estraro akordigos en sian agadplanon. Pritakso En skribaj kaj busxaj pritaksoj
dum la ferma kunsido, la Konferenco gxenerale estis pritaksita kiel sukcesa, kun
bona etoso kaj interesa, varia kaj ekvilibra programo, abunda tamen ne tro densa.
Plejmulto de la konferencanoj emfazis bonan elekton de la loko por la Konferenco,
agrabla kaj tauxga por ambaux, laboro kaj ripozo, kaj kun bonaj mangxajxoj.
Rimarkoj koncernis unuavice teknikajn aspektojn (manko de printilo, fotokopiilo,
retkonekto) kaj organizon de la komitatkunsidoj (manko de presita tagordo,
kelkaj punktoj ne bone preparitaj, kelkfoje mallerta gvidado de kunsido, tro
longa dauxro). Konklude, la organizantoj Bertil Andreasson kaj Boo Mee
Kim-Lindblom meritis varman dankon. Pli detala analizo de la pritaksoj donos
utilajn instruojn al organizantoj de sekvaj renkontigxoj. Radojica
Petrovicx, prezidanto |
