[ Hejmen ] [ Supren ]

Sercxata: Varba direktanto por "Juna amiko"

Nia lernejana revuo bezonas pli da laborfortoj

por teni sian elstaran lokon en la movada gazetaro

Kernaj taskoj

1. Ekkoni la gazeton kaj analizi gxian legantaron nunan kaj potencialan.

2. Verki porokazajn varbilojn (kaj ekde sept. 2001 la cxiujaran) kaj plani ilian distribuon.

3. Ekkoni la perantojn kaj iliajn bezonojn; liveri al ili varbilojn, konsilojn kaj apogon.

4. Elekti kelkajn landojn kie plej indos varbi kaj starigi tie kampanjojn.

5. Krei kaj distribui gazetarajn komunikojn al paperaj kaj retaj gazetoj kaj radio-stacioj.

Pliaj dezirindaj taskoj:

6. Arigi taksojn, komentojn kaj dezirojn de legantoj kaj instruistoj por gvidi la redakcion.

7. Liveri proponojn evoluigi la hejmpagxon de JA kaj uzi aliajn retajn eblecojn diskonigi la revuon.

8. Varbi kolektivajn mendojn, anoncojn aux arangxojn, kunsendi informilojn de aliaj organizoj.

La nova oficanto ricevos: Adresaron de abonintoj 1996-2000, instruistoj, konataj esperantaj familioj kaj gazetoj. Adresaron de la perantoj (retaj kaj paperaj) en uzebla formo. Analizon de la lauxlandaj abonciferoj 1992-2000 kaj konsiloj pri varb-strategio. Specimenojn de la revuo kaj de varbiloj uzitaj tra la lastaj jaroj.

Kompenso por 2001 estos 0,10 EUR por cxiu abonanto pli ol mil (la sumo por 2000.) Dejxoro okazu ekde antauxhieraux (jam por varbojaro 2001). La varba direktanto ne devas situi proksime al la redaktejo, sed retkonekto estas tre dezirinda. Skribu al la redaktoro aux estarano pri eldonado por peti pliajn informojn aux proponi vin. Proponojn akompanu konciza priskribo de la situacio kaj kapabloj de la kandidato kaj alvenu gxis la jarfino.

Ni sercxas ekde nun iun au iujn preta(j) transpreni la administrajn kaj ekspedajn laborojn de la revuo, kiu(j) post enkonduko, transprenos la taskojn ekde 2002 (vidu IPR 00/2, p. 11). Ni detaligos tion venontnumere. La ekspedantoj devos trovigxi apud la presejo (nun Budapesxto), la administranto ne nepre. La administranto povus esti samtempe la varba direktanto. Pri kompenso aux por aliaj informoj, turnu vin al la estarano pri eldonado, alivorte…     Smg.

ILEI-bulteno: aperas 365-foje jare!

Jen reta informilo, kiu celas porti fresxajn informojn al membroj kaj interesatoj kaj krome servi kiel publika arhxivejo por niaj bazaj dokumentoj. Vizitu gxin ajntage cxe: http://www.esperanto.nu/ileibulteno/index.html

Enhavo je oktobro 2000:

Prizorganto: smg

ILEI kontribuis ekzercojn al Pasporto

La usona asocio ELNA en oktobro distribuis al mendintoj la la trian aron da lecionoj de la vidbenda serio Pasporto al la Tuta Mondo. Tio enhavas la lecionojn 9 gxis 12. Kun la bendo iros la jxus finverkitaj suplementaj ekzercoj kontribuitaj de ILEI por la lecionoj 5-8 de la antauxa bendo. En tiuj lecionoj, la intrigo kaj la gramatiko multe progresas. Leciono ses prezentas la modalajn verbojn (volas iri, devas preni ktp.), leciono ok la komparativon (pli, plej) ktp. Helena rapidas al la flughaveno por malhelpi, ke Ruselo forflugu hejmen, Flora estas jugxata en la kortumo, Georgo detruas la auxton de la doktoro, al kiu, cetere, Karlo enamigxas. Naskigxas la ideo starigi Esperanto-kafejon, kiu farigxas cxeftemo en la jxus pretigitaj lecionoj.

La komisiito de ILEI pretigis meze 12 pagxojn da ekzercoj por cxiu leciono, kiuj, kune kun la rakontaj kaj gramatikaj resumoj, la vortlistoj kaj respondoj ampleksas 73 grandformatajn pagxojn. Ilustrajxojn liveris Gejl Lucas. Tiuj, kiuj uzas NTSC formaton de video (plej parte la kontinento de Ameriko kaj multe da Azio), la ekzercojn kaj bendo-kompletojn (kun la ekzercoj kaj scenara teksto) mendu de ELNA (elna@esperantousa.org), euxropanoj kaj aliaj, kiuj uzas PAL formaton, mendu de FEL (info@fel.esperanto.be).

Koregajn dankojn al cxiuj! Ni bonvenigas korajn subtenojn de multaj e-istoj.

Boo Mee Kim-Lindbloom, Kasisto de ILEI