|
Viktoro Gulenko: Motivoj kaj filozofioj de la 16 tipoj
|
|
Ekstravertuloj |
Introvertuloj |
Sensuloj |
PRESTIGxO: Administrulo, Bonvivulo, Militulo, Politikulo |
BONSTATO: Inspektulo, Gardulo, Majstrulo, Perulo |
Intuiciuloj |
UNIKECO: Entreprenulo, Mentorulo, Sercxulo, Psikologulo |
SIN-VALORO: Justigulo, Konfesprenulo, Kritikulo, Lirikulo |
Sensaj
ekstravertuloj. Ili bone
demonstras sin en la praktika agado kun
kreskantaj kontaktoj. Ili estas stimulataj per PRESTIGxO:
grava pozicio en la socio, sukcesa kariero, potenco kaj influo, atento kaj
respekto de aliuloj. Kiel atestas pedagogia praktiko – nia [1] kaj de la
usonaj psikologoj [2] – cxi tiuj sociotipoj tre ofte plejoftas en multaj
lerngrupoj. Preskaux duono de cxefoj de oficejoj, organizoj kaj grandaj firmaoj
apartenas gxuste al cxi tiu stimulgrupo. Kiam oni instruas al la klaso, kie
plejoftas cxi tiuj tipoj, oni devas evitadi tro teoriajn kaj “lauxlibrajn”
sciojn, alproksimigi la instruadon al la socia praktiko, uzadi multajn impresajn
ekzemplojn kaj praktikajn testojn, kaj neniam forgesi rimarkigi la sukcesojn de
la lernantoj.
Sensaj
introvertuloj. Ili sukcese
demonstras sin en praktika agado kun
stabilaj kontaktoj. Ili estas stimulataj per BONSTATO:
bona materia bazo, certeco pri la estonteco, ordo kaj komfortaj kondicxoj de la
vivo kaj laboro. Kvanto de cxi tiuj sociotipoj en lernejaj klasoj kutime okupas
la duan lokon – malpli ol la sensaj ekstravertuloj, sed pli ol la intuiciaj
ekstravertuloj aux introvertuloj. Ili formas kvazaux la “fundamenton” de la
grupo aux klaso. En la socio sensaj introvertuloj formas la tiel nomatan
“mezan klason” (middle class) – socian bazon de iu ajn prospera sxtato. Se
ili sentas sin bone, do la socio ankaux disvolvigxas stabile, sen revolucioj aux
ekstremismo. Kiam instruisto instruas al cxi tiuj tipoj, li devas doni precipan
atenton al la aplika flanko de la instruado, profesiismo kaj kvalito de la
transdonataj scioj kaj scipovoj.
Intuiciaj
ekstravertuloj. Ili sukcese
demonstras sin en la netradiciaj aux
konstante gxisdatigataj sferoj de agado kun kreskantaj kontaktoj. Ili estas
stimulataj per UNIKECO: neordinareco,
perspektivo de tasko, gxia intelekta komplikeco kaj pasiigeco, per grandaj,
“tutmondaj” rezultoj de proponataj projektoj. Kutime iom de cxi tiuj
sociotipoj okupas la trian sxtupon, sed ilia sinkonduto maltrankviligas la
instruiston ofte ecx pli ol sinkonduto de la sensuloj – per ilia
"malsxabloneco", “nekutimeco”, per ilia deziro transiri limojn de
la kutimigxo, ordinareco. Cxi tiu grupo de la sociotipoj donas al la socio
plimulton da intelektaj avanuloj de la epoko – eltrovintoj, fondintoj de novaj
sciencoj (logikuloj) aux kredsistemoj (etikuloj), ideaj inspirantoj de
novnaskigxantaj tendencoj de socia penso. Kiam instruisto laboras kun intuiciaj
ekstravertuloj, li devas neniam samniveligi ilin, neniam malakceli iliajn
sercxojn, cxiam doni al ili la oportunecon eldiri siajn teoriojn kaj ecx disputi
kun la instruisto.
Intuiciaj
introvertuloj. Ili sukcese
demonstras sin en la netradiciaj aux
konstante gxisdatigataj sferoj de agado kun stabilaj, nesxangxemaj kontaktoj.
Ili estas stimulataj per SIN-VALORO,
t.e. ebleco esplori kaj fari tion, kio estas grava por ili, laux la horaro,
kutima al ili. Ilia interna mondo de ideoj plej gravas por ili, determinas
iliajn celojn. Tiam taskoj, kiujn ili ricevadas de la instruisto, devas nepre
kongrui kun ilia specifo: metodoj de laboro, kredo ktp. Kvankam la intuiciaj
ekstravertuloj donas al la socio intelektajn avanulojn, la intuiciaj
introvertuloj donas geniulojn (tiam cxi-grupo estas la malplej kvanta). Tiam mi
konsilas al instruistoj – bonvolu permesi al ili fari tion, kion ili opinias
interesa. Instigoj de prestigxo, potenco, bonstato kaj ecx prioritato kaj
intelekta avaneco negrave influas ilin – preskaux cxiam la intuiciaj
introvertuloj distingigxas per modesteco kaj nepretendemo.
Se
oni konas la instigojn/motivojn – oni povos trovi necesan metodon de la
instruado, korekte distribui taskojn inter la lernantoj laux iliaj kapabloj kaj
interesoj.
La
problemo de la instigoj interligigxas kun la problemo de la vivaj motivoj –
pli profunda kaj abstrakta kategorio. Mi, kiel reprezentanto de la intuicia
sociotipo, klopodas ne preteratenti la “idean” flankon de la problemo. Cxiu
sociotipo havas siajn ideojn pri tio, kio direktas la mondon kaj la homaron –
alivorte, sian filozofion.Unu el la plej gravaj filozofiaj problemoj estas la
problemo de la materio kaj ideo: kiu estas la plej grava?
Mi
nomos materiistoj la tipojn, kies
instigoj kaj motivoj estas precipe materiaj, t.e. la 8 sensuloj
(t.e. la sensaj tipoj). La intuiciaj tipoj, aliflanke, nomigxos ideistoj,
cxar ili motivigxas precipe per ideoj (rigardu la Tabelon 2).
Atentu!
Bonvolu ne kompreni min tro lauxvorte: mondaj filozofiaj kaj ideologiaj sistemoj
ofte ne kongruas kun la individuaj sistemoj de stimuloj. Certe, mi nur simpligas
la socionikan teorion por vi, kaj tiamaniere faciligas la komprenon.
Mentorulo: la mondo direktatas per fato, providenco. Li estas la plej
mistikema aux religiema sociotipo, kiu ofte sincere kredas pri sia
“elektiteco”, certas, ke li estas predikanto de la Diaj, kosmaj aux aliaj
supernaturaj fortoj.
Sercxulo: la mondo direktatas per tutmonda racio, intelekto. Cxi tiu
sociotipo kredas pli ol la aliaj la eblecon de ekkono de la plej komplikaj
fenomenoj, la racian strukturon de la objektiva mondo, gxian kompreneblecon per
gxustaj logikaj principoj ("Dio ne ludas jxetkubojn" - Einstein).
Psikologulo: la mondo direktatas per la sento, kiu estas pli forta ol la
persono mem; li estas la plej altruisma personeca tipo, kiu povas helpi homojn,
ecx ne postulante dankon rekompence. Tio ankaux klarigas lian fortan emon al la
kompato.
Entreprenulo: Viva Naturo kreas cxion. Cxi tiu sociotipo “animigas”
materiajn fortojn de la naturo, kaj tiam povas esti nomata “idea
materiisto”.
Justigulo: la mondo direktatas per la penso ("Mi pensas, do mi
estas" – Descartes). Se oni komprenos, kiaj sistemaj legxoj direktas la
socion, tiam la socio povas esti justa. Li estas la plej logika sociotipo, kiu
opinias, ke iu ajn fenomeno determinigxas per la universalaj ideoj (arketipoj,
ejdosoj, aprioraj kategorioj) kaj iliaj interligoj.
Kritikulo: la mondo direktatas per la sxanco. Malsimile al Justigulo, li
kredas, ke la objektivaj legxoj praktike ne ekzistas, cxio estas relativa kaj
determinigxas per la probableco. Li estas la plej ema al agnostikismo ("Mi
scias nur, ke mi scias nenion" - Sokrates). Ekscio estas ebla nur dank’
al la kondicxo de la plena ena klareco kaj trankvileco, kion oni povas atingi
per meditado.
Lirikulo: la mondo direktatas per humoro, kondicxo. Li estas la plej
sxangxigxema psikologia tipo, kiu tre dependas de sia interna humoro. Nur tiam
oni facile povas konvinki lin pri multaj ajxoj, se oni suficxe persistos. Tamen
li ankaux facile abdikas la altruditajn ideojn.
Konfesprenulo: la mondo direktatas per bonkoreco. Ili estas la plej kompatema
sociotipo, kvankam ecx iliaj sentoj ne cxiam realigxas per agoj. La humana socio
povas ekzisti, se cxiuj direktatos per idealoj de la bonkoreco kaj justeco dum
la tuta vivo. Sed idealoj devas naskigxi en la animo de la homo mem, kaj esti ne
altruditaj.
Militulo: la mondo direktatas per forto kaj potenco. Li estas la plej
volforta el cxiuj sociotipoj. Li komencas lukton nur tiam, kiam li trovas
malfortecon de la oponanto, aux sekurigos sian avantagxon. Oni devas kredi nur
la objektivan realecon, kiun ni posedas per niaj sensoj, cxio alia estas nur
iluzio.
Politikulo: la mondo direktatas per famo, homaj rilatoj. Dum lia infaneco li
faras multajn erarojn dank’ al sia granda iniciato, kaj tiam kredas nur al
siaj sentoj. Cxio alia – vortoj, ideoj, konceptoj – estas nur instrumentoj
de influo al la homoj.
Bonvivulo: la mondo direktatas per la ardo, impeto, pasio. Li estas la plej
emocia persona tipo, kiu povas ankaux influi humoron de aliuloj. Oni povas ecx
miskompreni lin esti “ideisto”, cxar li povas fari bone nur tion, kion li
aprobas kaj konsideras “bona”. Sed lia dependeco de la emocia stato de
aliuloj estas plene materia, same kiel liaj kapabloj defendi interesojn de siaj
familio kaj proksimuloj.
Administrulo: la mondo direktatas per laboro kaj faro. Li estas la plej materie
pensanta sociotipo, kiu gvidas sin en siaj rezonadoj nur per faktoj kaj praktike
provitaj legxoj. Li cxiom dependas de labora proceso, subigas siajn planojn al
gxi. Li refutas iujn ajn elpensitajn teoriojn kaj skemojn, se ili ne estas
reprezentataj kiel funkcianta teknologio.
Inspektulo: la mondo direktatas per ordo kaj disciplino. Li estas ulo la plej
dependanta de organizo de konkreta spaco, kiu cxiam subigxas al estanta sistemo.
Li refutas iun ajn grandan alternativon, cxar abdiko de konata strukturo
signifas por li perdon de la grundo, nedirekteblan kaoson.
Gardulo: la mondo direktatas per moralo kaj devo. Cxi tiu psikologia tipo
kiel neniu alia dependas de siaj enaj moralaj principoj. Oni rajtas tiel konduti
sin koncerne aliulojn, kiom tiuj meritas. La stabila sistemo de la rilatoj kaj
moralaj valoroj devas esti gardataj kontraux iuj ajn eksteraj atencoj. Ecx
neatendita forta pasio povas estingigxi per vola penado.
Perulo: la mondo direktatas per plezuro. Cxi tiu sociotipo faras bone nur
plezuran kaj ne lacigantan laboron. Li estas suficxe konforma, facile adaptigxas
al aliuloj, kredas, ke aliuloj volonte konsentos kun liaj interesoj, se li kreos
al ili komfortan etoson kaj proponos tion, kio mankas al ili, por ke ili ankaux
povu vivi por ilia plezuro.
Majstrulo: la mondo direktatas per la utilo. Laux sia filozofio li neniam
faros ion neutilan, kaj ne proponos tion al la aliuloj. La principo de minimuma
ago, kiu direktas la fizikon, estas ankaux lia propra principo. Kiel la plej
teknologie pensanta persona tipo, li opinias, ke la plej grava argumento estas
la alvoko al homa sobra penso.
1.
Gulenko V.V., Tysxcxenko V.P. Jung en lernejo (1997, ruse).
2.
Lawrence, Gordon. People types and tiger stripes. Center for Applications of
Psychological Type, Inc. Second edition, pages 39-40 (1984).
3.
Lytov D.A. Socioniko: talentoj kaj rilatoj: IPR, 2002, No. 3.
La
auxtoro: Viktoro Gulenko (surfote;
nask. 1957) – ukraina psikologo, publikis kelkajn librojn („Socioniko por
estroj“ – 1990, „Abocoj de socioanalizo“ – multaj eldonoj,
„Administrado de harmonia laborgrupo“ – 1996, „Jung en lernejo“ –
1997, „Struktura kaj funkcia socioniko“ – 1999) kaj pli ol cent
artikolojn. Konsultas kaj instruas en la sferoj de infana psikologio kaj
profesia preparado. Fondinto de la psikologia skolo de socioanalizo. Logxas en Kievo, Ukrainio.
Sociotipo:
Justigulo
(logikema-intuiciiva introvertulo).
|
Raciaj |
Raciaj |
Malraciaj |
Malraciaj |
Sensaj |
|
|
|
|
Sensaj |
|
|
|
|
Intuiciaj |
|
|
|
|
Intuiciaj |
|
|
|
|