Ĉefpaĝo
   Instancoj
   Agado
   Dokumentoj
   Revuoj
   Adresoj

   

Kontaktu ILEI!

Spomenka STIMEC
Virinoj en Esperanta kulturo

Ekde la unua momento kiam Lazaro Ludoviko Zamenhof finpretigis la unuan lernolibron, virinoj staris cxe la lulilo de la lingvo: la dota mono de lia novedzino Klara Zamenhof naskita Silbernik (1863 - 1924) helpis presi la unuan lernolibron de la lingvo. La filinoj subtenis la patron. La patrino aktivis en varsovia Esperanto- rondo Konkordo: kuracistino Sofia Zamenhof (1889-1942) ordigis la ampleksan bibliotekon de la patro. La plej juna filino Lidia Zamenhof ( 1904-1942) lernis la lingvon, kiun la patro inventis. Ekde sxia 9a vivo jaro sxi posedis la lingvon, kaj poste instruis gxin, gvidis kursojn, cxefe per Cxe-metodo. El la pola literaturo sxi tradukis el la verkoj de Boleslaw Prus kaj H. Sienkiewicz, sxi kunlaboris je Enciklopedio de Esperanto. Kiel adepto de bahaa religio, sxi tradukis cxefajn verkojn de la bahaa religio
Ambaux filinoj de Lazaro Ludoviko Zamenhof, samkiel lia fratino Ida Zimmermann-Zamenhof pereis en la koncentrejo Treblinka. Kiel jaron de ilia morto ni notas la jaron 1942.
Kiam Esperanto farigxis publika afero, virinoj ekuzis gxin: ili verkis, kantis, teatris en Esperanto. Kaj tion ili faras kontinue 120 jarojn.
La prezento por la bezonoj de ILEI- konferenco en Ranzan limios al virinoj en Esperanta literaturo: Marie Hankel, Hasegawa Teru (Verda Majo), Vida Jerman, Marjorie Boulton, Clelia Conterno - Gugliamenti, Hilda Dresen, Ludmila Jevsejeva, Vesna Skaljer-Race, Lucija Bori, Anna Lowenstein, Sabira Shun kaj Lena Karpunina.