Ĉefpaĝo
   Instancoj
   Agado
   Dokumentoj
   Revuoj
   Adresoj

   

info@ilei.info

Vera BARANDOVSKA-FRANK
Virinoj kaj lingvokreado

Lingvoj estas kreataj por diversaj celoj. Iuj servas por homa interkomprenigxo, iuj ekestas dum religia aux filozofia meditado, iuj kreigxas kiel eksperimentoj, iuj por artaj celoj. Inter iliaj auxtoroj estas malmultaj virinoj, kiel montras enciklopedio de inventitaj lingvoj (cx. 2%), listo de konstrulingva tradukkonkurso (10%) aux reta listo de lingvokreantoj (6%). La plej multaj virinoj kreas lingvojn kiel parton de fikcia mondo, por poezio, romano, filmo aux interreta pagxo, kun diversa stato de ellaboriteco kaj diversaj fontoj. En Cxiu kategorio de lingvokreado eblas trovi iun interesan virinan personecon: kiel entute unua euxropa auxtorino de artefarita lingvo estas konata sankta Hildegardis, kiel plej fama lingvo-mediumo Helene Smith, kiel auxtorino de speciala porvirina lingvo Suzette Haden Elgin, kiel verkistino de fantazia literaturo Ursula Le Guin, kiel kunauxtorino de funkcianta internacia lingvo "Glossa" Wendy Ashby. Male, oni apenaux scias, ke, J.R.R. Tolkien faris siajn unuajn spertojn kun inventitaj lingvoj cxe siaj kuzinoj Mary kaj Marjorie Incledon. Inter Esperantistoj eble konatas kanadanino Sonja Elen Kisa kaj sxia lingvo Toki Pona. Junaj auxtorinoj, publikantaj en interreto, havas foje tre interesajn ideojn, ekzemple auxstralanino Jayelinda Suridge inventas lingvojn por komputilaj ludoj, la fabela mondo de Aaven Serleun inspirigxas cxe legendoj de nomadaj triboj, artistino Yoshiko McFarland klopodas komprene kunigi japanan kaj usonan kulturon, Sylvia Sotomayor inspirigxas cxe elfaj lingvoj de Tolkien … ni simple rigardu kelkajn interesajn virinojn - lingvoauxtorinojn.