Ĉefpaĝo
   Instancoj
   Agado
   Dokumentoj
   Revuoj
   Adresoj

   

info@ilei.info

Internaciaj Ekzamenoj de ILEI/UEA
en Esperanto-Garden, inter la 17-a kaj 18-a de majo 2007

Por la unua fojo nun eblas trapasi internaciajn Esperanto-Ekzamenojn en Svedio, laux la reguloj de ILEI/UEA.

ILEI-se kaj SEF kunlaboras pri la arangxo. La ekzamenoj - la elementa kaj la meza - okazos jxauxde la 17-an de majo kaj vendrede la 18-an de majo en Esperanto-Garden lige al la SEF-kongreso, kiu okazos la 19an kaj la 20an de majo.

La niveloj estas analogaj al la niveloj B1 kaj B2 de la gradaro por modernaj lingvoj aprobita de la Konsilio de Euxropo.
La ekzamenantoj estos Mireille Grosjean, Svislando, membro de IEK (Internacia Ekzamena Komisiono), Agneta Emanuelsson kaj Roland Lindblom.
La gramatika antauxtesto komencigxas jxauxde, je la deka. Posttagmeze okazas la skriba parto kaj la vendredo estas rezervita por la individua parola parto. Se oni malsukcesas en iu parto, oni ne rajtas pluiri al la sekva.
La kandidatoj pagas la ekzamenkotizon al la PlusGiro de SEF: 2012-3. La kotizo estas 60 % de la MA-kotizo, en la lando de la kandidato. Por svedoj: 320 SEK.
Informoj pri la kostoj por mangxo kaj logxo en Esperanto-Garden kaj pri la programo de la SEF-kongreso estas trovebla en www.e-g.se .

Kandidatoj por la ekzameno en Esperanto-Garden, Lesjöfors, anoncu sin al Siv Burell siv.burell@telia.com; +46 302 41149, kiel eble plej baldaux. Atentu ke la limnombro estas nur 15 personoj por la elementa ekzameno kaj 15 personoj por la meza!
Vere estas unika ebleco trapasi internacian ekzamenon en Svedio!
Bonvenon!
Siv
http://ilei.info/svedio/