|
Internacia Ligo de Esperantistaj Instruistoj. ...ni instruas Esperante! |
|
Ĉefpaĝo
Instancoj
Agado
Dokumentoj
Revuoj
Adresoj
| Novaĵoj |
ILEI en la Beneluksa Kongreso
La tritaga Beneluksa Kongreso en Antverpeno (majo 13-16), arigis cent dek
partoprenintojn. ILEI aktivis signife en la programo, gvidinte la interkonan
vesperon kiu konsistis plejparte el partopreniga kvizo pri la ligo kaj instruado.
La programo inkluzivis fakan prelegon de Katalin Kovats begin_of_the_skype_highlighting
end_of_the_skype_highlighting pri la europ-konformaj KER-ekzamenoj, la lastaj
evoluoj en edukado.net, diversaj kursformoj, inkluzive de 45-minutaj orientigaj
fulmkursoj kaj la programoj por instruista trejnado en Poznan (Pollando),
baldau suplementota per preparata reta kurso. En tiuj iniciatoj ILEI proksime
kunlaboras. Aldone al tio ILEI skizis la situacion en siaj najbarlandaj sekcioj
finante per la bezono trovi novan sekciestron por la belga sekcio. Malgranda
membrokunveno sekvis post la prelego, kie oni diskutis pri la ebloj reenkonduki
oficialajn kursojn en Belgio, kiel okazis dum pluraj pasintaj jaroj. Fine,
inter la kunsidintoj unu anoncis sin preta akcepti la postenon, la kunvenintoj
akceptis tion, do la nova belga sekciestro estos Marc Cuffez el Ostendo –
konfirmenda en la sekva sekcia jarkunsido.
La cetera programo estis bunta, kun tuttaga lingva festivalo malferma al la
publiko, pluraj prelegoj kaj vasta ekskursa oferto. Koncertis la nederlanda
trupo Kapriol'.
Partoprenis la tuton la ILEI-prezidanto, kune kun du pliaj estraranoj parttempe.
Zsofia Korody kun grupo el Herzberg prezentis la centron en tiu urbo, kune
kun iliiaj kunlaboraj programoj kun ILEI - specife la seminario pri subvencipetado
(SPSP), kiu okazos tie oktobre. Nia kasisto Julija Batrakova partoprenis dum
unu tago, do multaj praktikaj estraraj temoj estis diskutitaj - precipe pri
la financoj kaj la perspektivo por honorariataj kunlaborantoj por altigi la
agadnivelon de la ligo.
Sekve, bonetosa kunveno de esperantistoj, kaj tre produktiva semajnfino por
ILEI.
SMG.
Jen kelkaj fotoj de la kongreso kaj la ekskursoj en Ipernity:
Albumo de Agnes Geelen:
http://www.ipernity.com/doc/26916/album/188965/?lg=eo
Ekskurso al Saeftinghe (albumo de Paul Peeraerts)
http://www.ipernity.com/doc/paul_peeraerts/album/189454/?lg=eo
Arkitektura vizito al la Antverpena stacidomo (Eddy van den Bosch)
http://www.ipernity.com/doc/biciklanto/album/189414/?lg=eo
Bicikla ekskurso al Doel kaj Saeftinghe (Eddy van de Bosch)
http://www.ipernity.com/doc/biciklanto/album/189323/?lg=eo