|
Internacia Ligo de Esperantistaj Instruistoj. ...ni instruas Esperante! |
|
Ĉefpaĝo
Instancoj
Agado
Dokumentoj
Revuoj
Adresoj
| Novaĵoj |
Instruista kurso en Poznan ja okazos
Kun plezuro ILEI kune kun la univeristato UAM el Pollando anoncas, ke la unu-jara
kurso pri instruista trejnado ja okazos, kun la surloka unusemajna studsesio
okazonta ekde la 12a de septembro, 2009. Efektive alvenis dek alighoj, kun ankorau
kvar interesighantoj, kiuj espereble ja partoprenos. La kursanoj venas el tre
varia kolekto de europaj landoj.
Klare la lastmomenta kampanjo de stipendioj ludis gravan rolon en la atingo
de la necesa nombro da kursanoj. Alvenis seso da petoj kaj du lokoj estas jam
deciditaj. La ricevantoj estas informitaj, interkonsultado kaj informkolektado
okazas ankorau pri la du restantaj lokoj kaj la rezulto estos komunikita al
la koncernatoj ene de tago.
ILEI volas danki al partneroj kiuj konsentis apogi la iniciaton, unue UEA kiu
tre rapide konsentis preni egalan financan rolon kun ILEI, kaj due al la Budapeshta
Medicina Esperanto-Fakgrupo kiu, eksciinte ke ni havas du indajn enlandajn kandidatojn,
tuj – ech pli rapide - konsentis oferti kvinan stipendion por ke ambau
povu partopreni.
Sekve, el la kvin stipendiaj lokoj tri estas deciditaj; subtenon ricevos juna
pola aktivulo, instruistino el Litovio kaj hungarino. Chiuj aktivas movade kaj
havas klarajn planojn uzi la kursospertojn por plenumi instruadon.
La instruista trejnado formas esencan elementon en la celaro de ILEI, kaj la
nova celaro akceptita en Krakovo por la periodo 2009-2012 konfirmas tion. La
kursaro en UAM estas sendube la chefa nuntempa konkreta projekto de ILEI por
la plenumo de tiu celo. Logike do, ke la Ligo investu en ghin kaj finance, kaj
per la kontribuo de organizaj kaj diskonigaj fortoj.
Ni deziras al la baldau alvenontaj kursanoj tre produktivan kaj stimulan semajnon,
sekvata de jaro de diligenta distanc-studado. Ni sekvos kaj raportos la progreson
de la kurso!
smg. Bp, Sept 1, 2009.