Ĉefpaĝo
   Instancoj
   Agado
   Dokumentoj
   Revuoj
   Adresoj

   

info@ilei.info

‘Ne forgesu ludi’

Jen la titolo de Juna amiko numero 2009/2, kiu jhus aperis. Ghis ilustras titolfotoj de Saliko el Finnlando, kun enkonduko de redaktoro Geza Kurucz el Hungario. La internan kovrilpaghon desegnis Karina MacGill por ilustri poemon kun fabeleca rakonto, daurigata el la antaua numero. Sekvas kvino-kvizo, kiu provizas facile plenumeblajn ekzercojn pri amuza rakonteto.Sekvas teksto, kiu helpos al la legantoj kompreni komputilojn kaj iliajn kapricojn, kune kun krucenigmo per kiu oni pruvu sian komprenon. Por etuloj, rubriko LUME proponas tre simplan enigmon kune kun charma poemeto chirkauata de bildoj kiujn infanetoj povos fingromontri unu post unu dum iu legas al ili la versajhojn. Por 9-12-jaruloj la rubriko LUDE estas pli ampleksa ol kutime kaj permesas al lerneja grupo en Svislando prezenti siajn pentrajhojn kaj rakontojn sub la titolo ‘En la teatro’. En la antaulasta epizodo de la bildstrio pri Emilo kaj Erni, la kuraghaj vojaghantoj tro kuraghe pushas la Universalan Ligvigligilon, kun suprizaj rezultoj. Revumeze, eksciu pri la signifo de la koloro ‘blua’.

Sekvas kvizo, ezopaj respondoj, artikolo pri fama sviso, alia pri nestokesto por birdoj (kun bildo dorskovrile). Poste fabelo el Afriko kun maldorlot-bestoj, artikolo pri dorlot-bestoj en Rusio kaj rakonto pri helpema horoskopo. La priesperanta parto de la revuo dokumentas klas-intershanghojn pere de projekto Komenio; nia rubriko pri Interkulturo turnas la lumon al la Internacia Infana Kongreseto. Lingva doktoro, la serio pri movada historio kaj la Verda Pagho portas nin ghis la fino.

La ekspedo okazos tra la sekva semajno. Ni memorigas vin, ke la abonkotizo por 2010 restos sama kiel nun, do 14 euroj por A-landanoj kaj 9 euroj por B-landanoj, kun kvantorabatoj.

Stefan MacGill
Prezidanto, ILEI