Ĉefpaĝo
   Instancoj
   Agado
   Dokumentoj
   Revuoj
   Adresoj

   

info@ilei.info

Okazis la Esperanto-stagxo en Timisxoara

EAR (kunlabore kun la rumana ILEI-sekcio) organizis la unuan Esperanto-stagxon por la rumanaj
esperantistoj en la periodo 1-5.09.2006, en Timisxoara. Cxeestis cxirkau 40 personoj el pluraj
Esperanto-kluboj/asocioj. La Programo estis suficxe ricxa kaj interesa. Okazis kursoj por
komencantoj kaj progresintoj. Cxeestis ankaux 3 lernejanoj, al kiuj mi proponis kurseton kaj
disdonis al ili multajn printitajn materialojn, por ke ili povu dauxrigi la memlernadon hejme. Dum
la unutaga Simpozio oni prezentis kelkajn interesajn prelegojn. Mi parolis pri ILEI kaj pri la
"Agadprioritatoj kaj gvidlinioj de ILEI por la periodo 2006-2009". La rezulto estis ke mi varbis
du novajn membrojn (komence de la jaro 2007) por la rumana ILEI-sekcio; unu inter ili deziris (kaj
pagis al mi la kotizon) havi ankaux surpaperan IPR-n. Do en la jaro 2007 nia sekcio havos 19
membrojn.

Ni decidis okazigi en 2007 la EAR-Kongreson kaj eventuale Internacian Metodikan Seminarion (kadre
de la dua E-stagxo), kun invito al kelkaj eksterlandaj profesoroj, eventuale membroj en la
Internacia Ekzamenkomisiono. La evento devus okazi en trankvila kaj pitoreska loko VATRA DORNEI.
Jam ni taskigis la kolegon Nicolae MACOVEI por kontakti la lokajn auxtoritatulojn kaj esplori pri
la eblecoj kaj kondicxoj de tiu grava evento. Dume necesus disponigi al la dezirantoj la
informmaterialon por internaciaj ekzamenoj de ilei/uea?

Alia novajxo estas ke mi instigis mian kolegon Nicolae MACOVEI (kiu logxas kaj agadas en la
Moldava parto de Rumanio), por ke li pretigu 5-6 infanojn, kun kiuj li partoprenu printempe la
Projekton FRINGOJ, cxe Kastelo Grezijono. Mi mem intencas pretigi 4-5 infanojn por vojagxi al K.
Grezijono, cxar en Florenco okazis kunveno de la instruistoj en la Projekto AKEL1 (neakceptita en
la Programo Sokrates), kaj ni decidis trovi novan formon por kunlabori, do ni kunigos la du
projektojn, AKEL kaj FRINGOJ. Jam mi kontaktis gesinjorojn Elizabet` Barbay kaj Ludoviko Ladeira
kaj informis ilin pri mia decido, tiel ke de nun ni devos detali la planon...

Je la 8-a de oktobro alvenos en Biksadon sinjoro Jean-Pierre BOULET kun franca teamo, kadre de nia
komuna projekto helpi la lernejon kaj la logxantoj de Bixad, pere de helptransporto de la franca
Fondajxo COURNON SANS FRONTIERES. Ni planis tion dum la ILEI-Konferenco kaj UK en Litovio kaj dum
la jaro ni korespondis por disvolvi la planon... Pri cxio-cxi ni parolis detale ankaux kun sinjoro
Profesoro Ronald J. Glossop, kiu vizitis la lernejon de Bixad kaj ankaux la logxlokon de
Jean-Pierre BOULET.

Tiel, pasxo laux pasxo, kreskas la prestigxo de Esperanto. Per niaj komunaj/internaciaj agoj ni
montras, ke Esperanto ne estas nur simpla lingva fenomeno, sed gxi estas ankaux socie utila.
Gxuste pro tio la inspektoraro de mia distrikto subtenas morale mian E-agadon, cxar pere de gxi
mi/ni multe helpis la lernejon. Do ne suficxas la vortoj, ni devas dauxre agi, tiel Esperanto
vivas...

Mihai Trifoi (Rumanio)