|
Internacia Ligo de Esperantistaj Instruistoj. ...ni instruas Esperante! |
|
| Novaĵoj |
Pri la okazinta ILEI-konferenco
La 37-a ILEI-Konferenco okazis en la urbo Bratislava (Slovakio) inter la
14-a kaj la 21-a de awgusto. Aligxis 49 personoj el 20 landoj.
La konferenca temo estis 'Kultura kaj lingva diverseco en edukado' kaj gxi
estis pritraktita de Radojica PETROVIC.
Du seminarioj okazis: de
Interkulturo kaj de Flugiloj de Malfacila Vento, dum kiu la partoprenantoj
enprofundigxis en la celojn de ambaw projektojn.
Grave estas, ke en la konferenca programo estis tempo dedicxita al la
pridiskuto de Strategio por ILEI kaj tio okazis en 2 sesioj.
La programo estis ricxigita de kontribuoj de Nina DANILJUK: 'Lingvokultura
leksiko en la instruado de la denaskaj kaj fremdaj lingvoj', Sándor HORVÁTH:
'Monda instruado de la angla. Faktoj, mitoj, ekscesoj, problemoj', Hokan
LUNDBERG kaj la lernu!-teamo pri la projekto 'lernu!', Tereza KAPISTA pri
'Instrulaboroj kaj spertoj en Irano', Atilio ORELLANA ROJAS: 'ILEI 55-jara',
kaj Josef VOJACEK: 'Projektoj pri la instruado de Esperanto'.
Eblis renkontigxi kun la redaktoroj de la ILEI-revuoj, IPR kaj JA kaj eblis
tiam trakti pri la evolubezonoj kaj planoj por ambaw eldonajxoj.
En la posttagmezo de la lasta konferenca tago, okazis 'Lingva Festivalo',
dum kiu estis prezentitaj 20 diversaj lingvoj. Gxi vekis la atenton de la
lokaj amaskomunikiloj.
Ankaw sesio de la internaciaj ekzamenoj de ILEI/UEA okazis kaj el la 8
kandidatoj, sukcesis 2 en la elementa kaj 4 en la meza niveloj.
Diversaj ekskursoj kaj tuttagaj kaj duontagaj permesis al la cxeestantoj
konatigxi kun la urbo Bratislava kaj aliaj regionoj de Slovakio.
La samtempeco kaj samlokeco de la Konferenco kun la SAT-Kongreso donis la
okazon al la Plenum-Komitato de SAT kaj al la Estraro de ILEI renkontigxi
kaj diskuti pri eventuala kunlaboro en kampoj komunaj, kiel eventuale
kunlabori en taskoj ligitaj al la teksto de la reeldonota PIV.
Pri la Konferenco raportis 5 TV-stacioj, 7 radiostacioj kaj 6 gazetoj.
La ILEI-Komitato kunsidis dum pli ol 7 horoj. Cxeestis reprezentantojn el
Cxehxio, Finnlando, Hungario, Italio, Kroatio-KEU, Kubo, Nederlando kaj
Ukrainio.
La cxefaj decidoj de la Komitato estas la jenaj:
-akcepto de nova Honora Membro: S-ino Adriana MIDDELKOOP el Nederlando;
-aprobo de la jara kaj financa raporto por la jaro 2003;
-aprobo de bugxeto por la jaro 2004;
-fondado de Azia Komisiono por prizorgi la rilatojn kun la aziaj kolegoj;
-malfondo de la Lerneja Komisiono;
-aprobo de la teksto de la Regularo de la Internaciaj Ekzamenoj de ILEI/UEA;
-aprobo de sxangxoj al la Interna kaj la Konferenca Regularoj;
Cetere, estis traktitaj temoj kiel la bone ekzistantaj rilatoj kun
E-organizoj kiel UEA, TEJO kaj ne-Esperantistaj kiel UNESKO kaj FIPLV.
© Internacia Ligo de Esperantistaj Instruistoj