ILEI
La logotipo de ILEI.
   Internacia Ligo de Esperantistaj Instruistoj.

  ...ni instruas Esperante!


   Ĉefpaĝo
   Instancoj
   Agado
   Dokumentoj
   Revuoj
   Adresoj

   

 

Kontaktu ILEI!

Novaĵoj

Planata retkurso pri instruado

    Venis al fino la tritaga estrarkunsido de ILEI en Roterdamo. Pri la unua tago ni jam raportis, kiel ankau pri la prezento de la estraro kaj la ligo al la partoprenantoj de la malferma tago de la Centra Oficejo (gazetaran komunikon de UEA legu en ilia retpagho, kie troveblas ankau la plena prezentajho en filmita formo).

    Mankas nun tempo plene raporti pri la decidoj kaj diskutoj de la lastaj kunsidotagoj, sed ni raportu pri unu lanchata iniciato: instruisto-trejna retkurso. Ni okazigas kelkloke cheestajn kursojn, sed ne chiu povas aliri ilin. Retkurso valoras pro la vasta alireblo, ech se la profundeco de viva kurso estas malfacile konservebla. La intenco estas lanchi ene de ses monatoj pilotan prov-kurson, liverata tra dedichita fako che la nova interfaco de 'edukado.net'. La kurso havos modularan strukturon kun libera lerno-ritmo. La kernkurso estos pri metodiko, antauvideble je du niveloj, al kiu necesos aldoni almenau du kromkursojn el elekto de eble kvin, ekzemple: gramatiko, fonetiko, lingvistiko, movado, literaturo. La kursotaskoj estos pritaksitaj de kvalifikitaj gvidantoj, kiuj samtempe mentoras. Filmitaj modelaj lecionaroj ludos gravan rolon en la kurso, kiel ankau multaj ekzercoj kaj la devo pretigi lecionplanojn. La kurso finighos per ekzameno, kutime per fizika cheesto en renkontigho kaj plenumo tie de modela leciono. La lanchaj partneroj estas ILEI kaj 'edukado.net', kiuj eldonos diplomojn al kurs-finintoj. Ili plie esploros eblojn partoprenigi oficialan edukejon en la diplomado. La kurso ne estos senpaga, sed per diversaj ofertoj ni vastigos la alireblon kiel eble plej vaste. Shlosilaj agantoj estas Katalin Kovats de 'edukado.net' kaj Duncan Charters por ILEI - tiu mobilizos la necesajn fortojn por ke la ligo kontribuu sian parton de la laboro.

    --
    Raportas: Stefan MacGill,
    Prezidanto, ILEI