|
Internacia Ligo de Esperantistaj Instruistoj. ...ni instruas Esperante! |
|
| Novaĵoj |
SUKCESA DEBUTO DE LA NOVTIPAJ EKZAMENOJ EN BJALISTOKO
Dum la 94-a Universala Kongreso en Bjalistoko okazis, unuafoje kadre de UK,
Esperanto-ekzamenoj laux la nova ekzamensistemo de UEA, konforma al la Euxropa
Referenckadro. Pli frue jam kvardeko da esperantistoj ricevis diplomon laux
tiu sistemo de la Konsilio de Euxropo, kies Esperanto-version oficiale UEA
sola provizas pere de sia kontrakto kun la Lingvoekzamena Centro (ITK) de
la prestigxa universitato Eötvös Loránd en Budapesxto.
En Bjalistoko ekzamenigxis je tri niveloj entute 47 personoj el 20 landoj,
inter kiuj elstaris Francio kun 10, kaj Brazilo kaj Germanio kun po 5 kandidatoj.
La plej populara nivelo estis C1 (supera), kiun trapasis 23 kandidtatoj. La
skriba parto de la ekzamenoj okazis en jxauxdo (30 julio). Pri la parolaj
ekzamenoj du komisionoj, konsistantaj el 8 membroj, laboris plenenergie en
jxauxdo kaj vendredo (30-31 julio). La sukcesintoj ricevos oficialan diplomon,
asignitan kaj registritan en ITK en Budapesxto.
Paralele okazis ankaux trejnado de ekzamenontoj, dum kiu 7 novaj kolegoj kune
kun pli frue trejnitaj ekzamenantoj partoprenis 8-hora kurson kaj observis
poste la parolajn sesiojn. Ekde nun dudeko de ekzamenantoj pretas okazigi
sesiojn lige kun grandaj Esperanto-arangxoj. La sekvaj sxancoj por ekzamenigxi
laux la Referenckadro estos dum ARKONES en Poznano (18-20 septembro) kaj dum
la tradiciaj jarfinaj arangxoj en Germanio. Interesitoj bv. kontakti Katalin
Kováts, katalin@ikso.net.