|
Internacia Ligo de Esperantistaj Instruistoj. ...ni instruas Esperante! |
|
Ĉefpaĝo
Instancoj
Agado
Dokumentoj
Revuoj
Adresoj
| Novaĵoj |
Taskalvokoj
La kapablo kaj stato de ILEI dependas kritike je la laborfortoj kiuj estas
troveblaj. La celo de taskalvokoj estas detaligi taskojn, kiuj ne havas plenumantojn.
Proponantoj bonvolu mesaghi al la sekretario (margareta.ilei.pollando) kaj
al la prezidanto (stefan.macgill@gmail.com) de kiu vi tamen atendu prokrastitan
respondon.
Wikipedio
Respondeculo por kontroli kaj aktualigi informojn en Wikipedio pri ILEI kaj
la instruado de Esperanto kaj instruista trejnado. Tiu persono krome ricevos
komunikojn pri la agado de ILEI kaj aliron al ILEI- kaj IPR-arkivoj, kaj kreos
novajn enciklopediecajn artikolojn.
Retliga prizorganto
Respondeculo por rigardi la ligojn en niaj hejmpaghoj al eksteraj paghoj,
por kontroli la aktualecon de la ligoj kaj la enhavo kiun ili prezentas. Tiu
persono krome kontrolos chu tiuj celataj hejmpaghoj havas ligon al la hejmpagho
de ILEI, kaj chu ligitaj informoj pri ILEI estas aktualaj. Inkluzivas aktualigon
kaj ampleksigon de la informoj pri ILEI en hejmpaghoj de UEA, TEJO kaj similaj.
Varba aganto
Respondeculo kun sperto pri komunikado kaj ret-eldonado, kiu okupighos pri
la arigo kaj pretigo de varbaj materialoj en Esperanto kaj naciaj lingvoj.
Inter la taskoj estos arigo de fotoj pri instruado ajnspeca kaj esperanta,
kaj la laboro de ILEI kaj ghiaj sekcioj, por aperigo en nia varbiloteko. Bildoj
estu en retpagha kvalito (96 dpi) kaj preskvalita (400 dpi).
Retformulara eksperto
Respondeculo kapabla starigi retajn formularojn por registri membrojn, konferencanojn,
abonantojn de Juna amiko au kandidatojn por konkursoj, kies plenigitaj datumoj
automate eniros datumbazan sistemon.
Komisiito pri eldonado
Respondeculo kun fakaj, eldonistaj, redaktoraj kaj organizaj kapabloj, kiu
pretigos ligajn eldonajhojn por presado; tio povas inkluzivi lernilojn, simpoziajn
kajerojn el niaj konferencoj kaj apogajn materialojn por instruista trejnado.
Aldone aperis alvokoj por ghis kvar helpantoj por Juna amiko – vidu la
enkondukon de Juna amiko 2009/3 (legebla ankau en nia hejmpagha enirpagho).
Ni jam havas du kandidatojn, kiujn ni nun enkondukas en la laboron.
ILEI ne estas en pozicio oferti salajrojn, sed por akceptitoj de iuj el tiuj
oficoj, ghi povos oferti modestajn honorariojn – chio lau negoco.
Stefan MacGill,
17 marto2010.