|
Mi batalis la bonan batalon, mi finis
la kuradon, mi gardis la fidon... II. Timoteo 4.7. Memore
al BARCSAY
Zsuzsa Post
plurmonata, nekuracebla malsano, la 29-an de septembro 2000, en Budapesxto
forpasis kolegino BARCSAY Zsuzsa. Ni
funebras pedagogon, kiu estis pedagogo ne nur lauxprofesie, sed en la tuta
personeco. Per sia tuta vivo sxi instruis: gelernantojn, kursanojn – kaj nin,
cxirkauxvivantojn, kunlaborantojn. Sxi instruis al ni per propra ekzemplo, kiel
labori, organizi – kaj kiel zorgi pri aliaj, kiel rimarki ke iu bezonas nian
helpon, kiel havi forton por okupigxi pri alies problemo. Ni
ricevis ekzemplon, kiel esti forta en strebado – kaj kiel akcepti la destinon;
kiel esti obstine aktiva – kaj kiel cedi al la volo de la plej Potenca. Sxi
havis tre klarajn vivprincipojn, kaj same klarajn principojn por sia laboro. Sxi
plentempe laboris en mezler-nejo (dum 30 jaroj en la sama!), instruinte komence
la rusan lingvon kaj la hungaran, poste sxi igxis bibliote-kistino. Ekde 1971
sxi okupigxis pri Esperanto.Sxi edukis sian filinon denaska esperantistino. La
plej vasta kampo de sxia enlanda agado estis la prizorgo de la lerneja
instruado, la egalrajtigo de Esperanto kun la aliaj instruataj lingvoj. Sxi
sukcesis atingi, ke Esperanto restu instruebla je cxiu nivelo, gxiaj lernantoj
havu samajn eblojn kiel la aliaj cxe konkursoj kaj abiturientigxo. Tial sxi
akceptis diversajn funkciojn en sxtataj institutoj. Sxi multon faris por la
formado kaj perfektigo de instruistoj (metodikaj kursoj cxe Hungara
Esperanto-Asocio, helpo al pedagogiaj altlernejoj por fondi aux vivteni
Esperanto-fakon, la iniciado kaj organizado de Pedagogiaj Tagoj en Budapesxto).
Majstra en la konceptado de programoj kaj en la gvidado de diskutoj, la nivelon
de tiuj fakkunvenoj sxi influis ankaux per elstare bona lingvouzo, kaj
ekzemplodonaj prelegoj kaj prezentoj. Sxia granda merito estas la kunligo de
porinstruistaj kaj porlernantaj programoj, danke al kio la pedagogiaj trejnadoj
proponis lingvan praktikadon kaj amikan kunestadon al niaj lernantoj, kaj al la
instruistoj vivajn pedagogiajn situaciojn. Cxiuauxtuna “lukto” estis redakti
kaj sendi cirkuleron al la gekolegoj. La fama slipar-adresaro enhavis ecx 600
adresojn en la glora tempo. Sxi respondis la leterojn de gekolegoj, vizitis
ilian lernejon, prelegis, instruis la lingvon kaj metodikon. Ankaux
internaciskale sxi klopodis disvastigi la “hungaran modelon” gvidante
metodikajn kursojn, iniciatinte kaj kunorganizinte Internaciajn Metodikajn
Seminariojn en Meza Euxropo. En la estraro de ILEI same sxi eklaboris por
lernantoj kaj fondis por ili la t.n. Gimnazion. La tre konscie akceptitaj taskoj
do ege multis. Sxi tion plenumis, tiom, kiom la malsano ebligis tion. Iom
post iom sxi disdonacis ilin inter ni, pluraj kunlaborantoj dum multaj jaroj. Ja
sxi havis ankaux la talenton labori en teamo kaj esti la estro tiel, ke oni
sentu sin apude egalrajta, oni kuragxu iniciati, kapablu labori memstare kaj
respondece. Ni
funebras la fizikan, korpan malaperon de kolegino, amikino. En la memoro ni
gardas sxiajn rideton, vocxon, movojn. Kaj cxefe ni gardu tiun flamon, kiun sxi
heredigis al ni. Faka
biografio de BARCSAY Zsuzsa
Sxi esperantistigxis
en 1971. Sxi finstudis Esperanton en la Esperanto fako de Universitato ELTE, en
Budapesxto. 1975-1987. Sxi
gvidis la lernejan sekcion de la Instrua Komisiono de Hungara Esperanto-Asocio
(HEA). 1987-1990. Sxi estis
vicprezidanto pri instruado kaj ekzamenoj de HEA. Ekde
1982 sxi estis nomumita landa inspektoro de la Hungara Eduka Ministerio, ekde
1988 landa konsilanto pri metodologio de Esperanto en Landa Pedagogia Instituto.
Ekde 1987 sxi estis eksperto pri Esperanto en la fremdlingva kolegio de Landa
Pedagogia Instituto. Ekde 1988 sxi instruis metodologion de Esperanto en la
cxeestaj, malcxeestaj kaj postuniversitataj kursoj de ELTE. Dum preskaux dek
jaroj sxi estis sekciestro de ILEI en Hungario, gxis 1985. Skema
vicigo de sxiaj aktivecoj: ·
sxi
zorgis pri tio, ke Esperanto estu kaj restu instruebla je cxiu nivelo de la
hungara lerneja sistemo (ekde la bazlernejo gxis la universitato, ecx
postuniversitatgrade) ·
kunlaboris
en la verkado de la instruprogramoj de diversaj instruformoj ·
ellaboris
la postulojn kaj gvidilon por la abiturienta ekzameno, cxiujare sxi verkis la
testfoliojn ·
dum
du jardekoj sxi organizis la cxiujarajn sxtatajn lernejajn konkursojn por
bazlernejanoj, preparis la taskojn kaj gvidilojn, membris en jxurioj ·
organizis
internaciajn tendarojn por lernejanoj ·
mem
gvidis multajn lingvo-kursojn al cxiuagxuloj, en- kaj eksterlande ·
gvidis
kaj organizis la kunlaboron de gekolegoj el 8 landoj por prepari metodikan
videobendon por instruantoj, prijugxis kaj korektis plurajn eldonajxojn, verkis
fakajn informmaterialojn ekz. por la Kultura Komisiono de la Hungara Parlamento ·
regule
informis la hungarajn gekolegojn pri aktualajxoj, sxi kolektis informojn pri la
instruado kaj publikigis statistikon pri gxi ·
cxiujare
sxi kunorganizis Pedagogiajn Tagojn (cxi-jare la 15-ajn), t.e. lingvopedagogian
semajnfinon por hungaroj, sed ofte kun internacia partoprenantaro Sxi gvidis
metodikajn seminariojn en Hungario dum pluraj jaroj, sed ankaux eksterlande
(Finnlando, Bulgario) ·
iniciatis,
organizis pedagogiajn, metodikajn kunvenojn (ekzemple Internaciajn Metodikajn
Seminariojn por ligi instruistojn de la tiamaj socialismaj landoj), sxi prelegis
pri diversaj fakaj temoj ·
estrarano
pri instruado de ILEI en 1991-92, poste estrara komisiito gxis 1998 ·
iniciatis
kaj organizis Gimnazion de ILEI-Konferencoj ekde 1992. Kovács
Márta |