|
Balkanaj
landoj
E-instruaj
iniciatoj en Balkanaj landoj La projekto Interkulturo (IK) estis
inspira por pluraj E-instruaj projektoj en Rumanio, Jugoslavio, Bosnio
kaj Albanio. Ekzemple, en elementaj lernejoj en Biksado, Rumanio, kaj
Zajecxaro, Jugoslavio, farigxis dauxraj E-instruaj centroj ligitaj al la
ttt-lernejo "Tibor Sekelj" kaj aliaj esperantistaj arangxoj.
Biksadanoj partoprenis en IIK kaj partoprenas en "Euxroludejo",
specifa subprojekto de IK, kunlabore kun aliaj klasoj en Italio kaj Francio.
Zajecxaraj IK-anoj gajnadas premiojn de fabelkonkurso. En Timisxoaro, krom
IK-klasoj, organizigxis ankaux E-klaso de Euroscola. Junaj esperantistoj el
Albanio ekpartoprenis AIS-studadon kaj interesigxas pri TEJO-agado. Rimarkindas
la kunlaboro de Bosniaj E-lernantoj kun amikoj el Francio. IK-klaso en Beograd
produktis novajn aktivulojn de SerbEJO kaj TEJO kiuj, interalie, organizis
Danuban Lingvan Festivalon kadre de DESKF-5, partoprenis en TEJO-seminarioj en
Varno, Budapesxto kaj Upsalo, kaj kunorganizis partoprenon de esperantistoj kun
E-kurso en la Tria Euxropa Junulara Festivalo en Ankaro, Turkio, decembro 2001. La internacia seminario Interkulturo en
Cxacxak, Jugoslavio, kunlaborigis neesperantistajn organizajxojn kaj
instituciojn kiuj transprenis plejan parton de organizlaboroj pri la Balkana
Lingva Festivalo okazinta en oktobro 2001, post kiu kelkaj privataj lernejoj de
lingvoj (cxefe sed ne nur la angla) kaj la sxtata Gimnazio en Cxacxak
ekinteresigxis pri dauxra E-istruado por siaj lernantoj. Nova IK-klaso, aligxinta komence de 2002,
venas el Polski Trambesh, Bulgario, kun ambicio organizi internacian infanan
E-renkontigxon. La Balkana Komisiono de UEA dauxre
traktas Interkulturon en siaj agadplano kaj iniciatoj, kiujn karakterizas
klopodoj al sinergiigo de agado de UEA, TEJO kaj ILEI en cxi tiu mondoparto
surbaze de la gvidlinioj de Strategia plano de UEA. La aktualaj cxi-regionaj cxefiniciatoj
estas: -
Balkana E@I:
seminario pri kunlaboro per interreto, organizota kunlabore kun TEJO, E@I-fondajxo
kaj subvenciantoj ekster Esperantujo, cxefe traktonta interretajn E-kursojn kaj
pluevoluigon de IK per interreto -
Seminario "Lingvo de komunikado, komunikado de lingvoj"
organizota kunlabore de TEJO kaj GSM (turka junulara organizo), kun E-instruaj
kaj porinstruistaj kursoj inter la programeroj. -
Infana E-renkontigxo. Por subteni tiujn kaj similajn
iniciatojn, UEA malfermis apartan konton de Balkana Komisiono de UEA, al kiu
helpemaj esperantistoj kaj institucioj povas enpagi sian monan kontribuon. Radojica
Petrovicx, <radp@ptt.yu> Finnlando
Al Euroscola-en-Esperanto, pere de
sekciestrino de la E-Ligo de Finnlandaj Instruistoj, anoncigxis grupeto el
Rauxmo, kiu nun diligente progresas en E-o. Pro la euxropa lingvotago kaj Jaro
de lingvoj (2001) okazis ne malmultaj reprezentadoj de E-o kaj aliaj lingvoj en
finnaj lernejoj kaj universitatoj. La lingva diverseco dauxre mirigas. Ekzemple
en Tampereo, la kongresurbo en 1995, la enmigrintaro havanta 16 gepatrajn
lingvojn bezonas instruadon en la albana (12), araba (32), armena (7), bosnia
(8), bulgara (11), hispana (14), cxina (12), greka (13), kurda (28), pasxtua (5,
el Pakistano), persa (farsa, daria 34), somala (24), taja (10, Tajlando), turka
(9), rusa (155), vjetnama (40).
Raita
Pyhälä Hispanio
Instruisto
sercxata Estas bezonata instruisto, kiu instruos
Esperanton kaj la hispanan lingvon, dum unu semajno (lasta semajno de junio
2002). La instruado okazos cxiutage (ses tagojn), po du horoj entute, por grupo
de eksterlandanoj kiuj okaze de la SAT-kongreso venos al Valencia. La instruisto ricevos por tiu semajno
logxadon kun tri mangxoj tage, en junulara restadejo, tre bela kaj bone ekipita,
situanta cxe la plagxo de la bela turisma urbo Benicassim (apud Castellón), kaj
cxirkaux 30.000 pesetojn. Interesigxantoj
kontaktu A. Casquero: augustocasquero@infonegocio.com |