|
|
|
|
Albanio Dank’
al prizorgo de f-ino Marija Belosxevicx, sekretario de ILEI, grupo de junaj
albanaj e-istoj denove sukcesis vojagxi al Kroatio, entute kvin 16-18-jaraj
junulinoj kaj ilia instruisto, Bardhyl Mezini. Ili
pasigis ses tagojn en Zagrebo vizitante kune kun kroataj knabinoj plurajn
kulturajn, historiajn kaj turismajn lokojn. Ili kune rigardis “Mazi en
Gondolando”. La albanaj kaj kroataj lernantoj interamikigxis kaj praktikis la
internacian lingvon. Certe estonte ili ne nur korespondos sed ree kunigxos en
Albanio aux en Kroatio. Laux
la informoj de Bardhyl Mezini Brazilo Brazila
Esperanto-Ligo de la jaro 1991 proponas bazan perkorespondan kurson, kies
auxtoro estas Prof. Euxclides Geraldis de Carvalho, kiu gxentile rajtigis BEL-on
uzi gxin. La kurso, kiu povas esti farita individue aux grupe, konsistas el 16
lecionoj kun ekzercoj. La gelernantoj ricevas 4 lecionojn, resendas la solvitajn
ekzercojn al BEL kaj la monitoroj kontrolas la solvojn kaj resendas ilin al la
gelernantoj, kune kun pliaj 4 lecionoj. La kontrolitajn ekzercojn akompanas:
folio kun komentarioj; folio kun la gxustaj solvoj de la ekzercoj; fald-folioj
priskribantaj aspektojn de la E-movado, kiel ekz.: Kio estas E-o?; Kio estas
BEL?; E-o en radio; Havu milionojn da amikoj en la tuta mondo; Mito kaj realeco
(de Claude Piron, portugallingva traduko); Kiel mi povas uzi E-on?;
informoj pri Koresponda Servo Mondskala; Listo de revuoj kaj gazetoj
aboneblaj cxe BEL; BEL- kaj UEA-aligxiloj; Listo de libroj disponeblaj en
BEL- Libroservo, Informaj materialoj pri la baza perkoresponda kurso; folio kun
orientigo por la solvo de la ekzercoj (laux akirita sperto, BEL donas
kelkajn klarigojn pri punktoj ordinare malbone solvitaj de multaj lernantoj). Gxis
la fino de la pasinta jaro, matrikuligxis 1389 gelernantoj, nome: 13 en la jaro
1991; 572 en 1992; 146 en 1993; 394 en 1994; kaj 265 en 1995. Ricevis atestilon
gxis nun: 52 gelernantoj en la jaro 1992; 59 en 1993; 68 en 1994 kaj 79 en 1995.
Multaj el ili jam farigxis membroj de BEL kaj de UEA, abonas revu-ojn, acxetas
librojn cxe nia Libroservo kaj partoprenas naciajn kaj universalajn kongresojn.
La kursaj laboroj estas plenumataj de unu kunordiganto kaj du monitoroj . La
plej bonaj sekvoj de la kurso en nia kontinenta lando estas ke gxi atingas
homojn, kiuj ne havas la eblecon viziti klascxambron aux logxas en loko, kie ne
estas esperantaj instruistoj. Lastatempe multe kreskis la nombro de brazilaj
urboj kun esperantistoj.
BEL-estraro CER
– nova E-kurso en Internet Kultura
Centro de Esperanto-Campinas (KCE) lancxis en junio ’96 la perretan kurson CER
- Curso de Esperanto pela Rede, por portugallingvanoj. Gxi estas la kvina el la
serio de E-kursoj, kiuj funkcias de kelkaj jaroj en Internet, nome: FEC (en la
angla), CGE (en la franca), KEK (en la germana) kaj MSK (en la cxina). La
kurso estas adapto el la franclingva CGE - Cours Gratuit d’ Esperanto, kreita
el la kurso de Kebekia E-Societo. Same kiel la aliaj, gxi estas senpaga kaj
enhavas 10 lecionojn kun ekzercoj. Oni aligxas per elektronika mesagxo al la
kunordiganto de la dezirata kurso. Kiel respondon la interesito ricevos la
unuan, enkondukan lecionon, kune kun la adreso de sia persona korektanto. Tiu
estas volontulo, kiu okupigxas pri la ricevado kaj korektado de ekzercoj, kaj
samtempe sendado de klarigoj kaj nova leciono, samkiel ordinara perposxta
sistemo. [...] Karakterizo
nove prezentita de CER estas la aldono de eta teksto pri esperantismo kaj
historia movado al la fino de cxiu leciono. La tekstoj verkitaj de David
Bianchini celas emfazi al la lernanto, ke E-o estas lingvo kun kultura
kaj movada fonoj, kiuj garantiis gxian pluekzistadon. En la fino de la
kurso la respondeca teamo liveros al la lernanto cxiujn informojn por uzi E-on
en la reto kaj dauxrigi la lernadon kaj por uzi la plej tauxgajn E-programojn. La
leganto povas imagi, kiel malfacilas instrui per tute gramatika kurso, sen
bildoj, sen parolaj ekzemploj kaj ecx sen supersignoj! Gxi tamen atingas sian
publikon, kiu malversxajne okupigxus pri tuja lernado de la lingvo se tiu ebleco
ne ekzistus en la reto. Multaj el la nunaj korektantoj estis iam lernantoj de la
kursoj. [...] La
kunordiganto de CER estas d-ro José J. Lunazzi (de KCE kaj Universitato
de Campinas), kiu ricevas aligxojn tra la adreso: kultura@luring.unicamp.br.
Pliaj informoj en: http://www.aleph.com.br/kce. Posxtadreso:
KCE, Caixa Postal 1097-BR-13001-970 -Campinas, SP - Brazilo Informis:
Atilio Orellana Rojas Finnlando Fine
de junio ’96 en Finnlando okazis Nordlingua, kongreso por skandinaviaj
lingvoinstruistoj. Nia finna sekciestro, s-ino Raita Pyhälä preparis
E-ekspo-zicion por la kongreso. En tiu laboro sxi ricevis helpon de Renée
Triolle kaj de svisaj, norvegaj, germanaj, italaj, brazilaj, usonaj, svedaj kaj
danaj ILEI-anoj. Sxia celo estis montri, ke E-o havas propran kulturon kaj la
internaciismo kaj multlingveco estas io alia ol posedo de la angla lingvo. El la
450 kongresanoj haltis cxe la stando cx. 60-70 personoj. Sxi donis al ili
nacilingvajn inform-materialojn kaj kune kun tri helpantoj interparolis kun la
interesigxantoj. Krome, s-ro Ahomäki prelegis angle pri Esperanto. S-ino
Pyhälä opinias, ke nia movado bezonas personojn, kiuj havas meritojn kaj
auxtoritaton ankaux en aliaj terenoj. Tiuj personoj helpos nin eniri en
ne-esperantistajn terenojn, kiel ekzemple Nordlingua. Laux
la informoj de Raita Pyhälä Germanio 13-a
Printempa Semajno Internacia + 3-a Printempa Lernejo Internacia 28
marto – 4 aprilo 1997, DUDERSTADT, Harc-Montaro
Kelkaj
tradiciaj programeroj: diskutgrupoj, prelegoj, kursoj (pri ludoj, dancoj, kantoj
ktp.), lingvokursoj por cxiu agxo, nacilingvaj kursetoj, artaj manlaboroj,
ekskursoj, kineja horo, vespera kultura programo, vespera trinkejo. Duderstadt
estas bela mezepoka urbeto kun 23000 enlogxantoj, pli ol 500 antikvaj
trabfakaj domoj meze de Germanio. La logxado kaj programo okazos en Jugendgästehaus
Duderstadt. La partoprenkotizoj varias inter 0 kaj 440 DEM. Aligxoj
kaj pli detalaj informoj, ekzemple pri rabatoj kaj krompagoj: Germana
Esperanto-Asocio, Wolfgang Bohr, *
* * La
eldonejo ILTIS sercxas kelkajn antauxmilitajn numerojn de
Internacia Pedagogia Revuo,
krome gxi sercxas la numerojn 90/1,2 kaj 91/1. Kiu povus liveri ilin?
Adreso: ILTIS-Eldonejo, Postfach 600130, DE-66067 Saarbrücken, Germanio Tel.
kaj fakso: (0681) 81 67 13 Hungario Post
la demisio de la gxisnuna sekciestro, la 19-an de oktobro ’96 la asembleo de
la Hungara ILEI-Sekcio elektis novan estron. Li estas József Németh, redaktoro
de nia revuo. Dankon al Márta Kovács pro la gxisnuna sekciestra laboro. Internacia
koresponda lingvokurso Se
vi havas malmulte da tempo, se vi ne povas viziti lingvokurson, se vi mem volas
difini vian rapidecon en la lernado, partoprenu la
internacian korespondan lingvokurson de progresantoj. La partoprenkotizo
diferencas laux la jara nacia enspezo. Ekzemple por nederlandanoj gxi kostas 150
guldenojn, por hungaroj 40 guldenojn, por pakistananoj 12 guldenojn, por
brazilanoj 36 guldenojn aux egalvalorojn. Se vi ne povas transpagi, aux pagi,
tamen vi sxatus perfektigi vian lingvoscion, skribu al ni kaj ni klopodos trovi
solvon por vi. La kotizo estas pagenda post la ricevo de la unua taskfolio al la
konto cxe UEA aux al la Hungara Nacia Banko. Pliaj
informoj cxe Hungaria Esperanto-Asocio HU-1386 Budapesxto Pf. l93 Italio La
infanoj de kelkaj klasoj en lernejoj apud la centr-itala urbo Aquila lernas E-on
kaj volonte korespondus kun eksterlandaj lernejanoj (inter 9 kaj 11 jaroj). Sendu
viajn korespondproponojn al Padre Quirino Salomone, Centro Celesti-niano,
Piazza Collemaggio, Santa Maria di Collemaggio, IT-67100 L'Aquila, Italujo.
Li pludisdonos la korespondajxojn laux la agxo kaj la deziro al la italaj
lernejanoj. Eblas ankaux tut-klasa korespondado. Kroatio Pluraj
e-istoj kun belaj sentoj rememoras iamajn somerlernejojn en kroata cxemara urbo
Primosxten. Instiganta je tio, Kroata Esperantista Unuigxo cxi-jare okazigis la
somerlernejon, sed pli norde, en Pula. Fakte estis organizita ankaux
“kontinenta” en Zagrebo. La somerlernejon partoprenis e-istoj el Kroatio kaj
Italio. Dum la semajno, krom perfektiga kurso, funkciis laborgrupoj: muzika kaj
drama. Dank’ al la pozitivaj spertoj, KEU jam nun planas okazigi la
somerlernejon venontjare. Cxiuj interesuloj povas jam nun aligxi letere cxe la
kroata ILEI-sekciestro aux rete cxe la sekretario de ILEI (vd. la
kovrilpagxojn). Marija
Belosxevicx Kubo Grupo
de prizonuloj en Kubo ekinteresigxis pri la IL. La ideo venis de la Ministerio
de la Interno kaj la taskon tuj alprenis entuziasma teamo de Habano del Este.
Nuntempe cx. dudek malliberulojn instruas s-ino Justa Piñera, kiu sukcese
vivtenas la scivolemon de tiuj personoj. Ilia unua instruistino estis Alicia
Romay, kiu pro labormotivoj devis rezigni pri tiu cxi pionira laboro. Sxi
starigis kontakton kun la loka kulturdomo kaj de tiam cxiumonate oni organizas
tie esperantlingvajn vesperojn.
Laux
La Noktuo 1/96 Nederlando La
11-an de februaro la jarkunveno de la Nederlanda Grupo de Geinstruistoj
pri Esperanto (NGGE)
malfondis la unuigxon kaj decidis dauxrigi la agadon kiel fakgrupo de Esperanto
Nederland. La 16-an de marto la fakgrupo unuafoje kunvenis. Gxi elektis la
nomon "Fakgrupo NGGE" kaj decidis, ke trikapa estraro gvidos la fakan
sekcion. Du membroj de la antauxa unuigxo pretis plu funkcii, unu membro estas
ankoraux sercxata. Sekretario/kasisto restos Hans ten Hagen. La kunveno akceptis
"Interkonsento"-n kun la estraro de Esperanto Nederland kaj
priparolis la modelon de la sekcia regularo, kiun gxi aprobis. Ankaux la
bugxeton por 1996 la membroj akceptis. Ampleksan diskutadon elvokis la proponita
agadplano de la fakgrupo. Gxi enhavas i.a. la kolektadon de cxiuj donitajxoj
koncerne la instruadon de Esperanto en Nederlando. La fakgrupo dissendos
enketilojn al cxiuj personoj pri kiuj gxi scias, ke tiuj instruas aux pretas
instrui. Gxi invitos cxiujn lokajn sekciojn kaj grupojn informi gxin pri
okazantaj kaj/aux okazontaj kursoj. Gxi transdonos al la Instrua Servo la nomojn
de instruantoj kiuj pretas korekti hejmtaskojn de lernantoj kiuj partoprenas
skriban kurson. Gxi dauxrigas la organizadon de studotagoj kaj aliaj
por-instruistaj studkunvenoj. Gxi klopodos instigi komencintojn kaj
progresintojn dauxrigi la studadon kaj celas varbi novajn instruontojn. La
bulteno NGGE Sciigas dauxre aperados. Gxi enhavos plejparte artikolojn
pri instrumetodoj kaj studiloj. Hans
ten Hagen
(laux la revuo FEN-X, 4-1996) Norvegio The
2nd European Education for Peace Congress Lillehammer, 26-30.07.96 Educating
for human rights Mi
partoprenis la kongreson de la organizajxo Teachers for Peace en Lillehammer
kiel reprezentanto de Norvega Esperantista Ligo. Tio estis euxropa kongreso.
Partoprenis cxirkauxe 400 personoj, kelkaj ecx el Afriko. Mi
estis kolektinta grandan stokon da informoj kaj historiajn eseojn pri la evoluo
de la Esperanta politiko, ekde la prezento de E-o en La Ligo de la Nacioj en
Gxenevo en 1922, kiam la franca ministro pri instruado malpermesis la instruadon
de E-o en francaj lernejoj, kaj kiam la franca delegito en Gxenevo sukcesis
prokrasti la intertraktadon pri E-o kaj fine nuligi gxin, spite al la konsilo de
la faka Internacia Konferenco por Instruado de Esperanto en Lernejoj. En
la kongreso en Lillehammer, kies kongresa lingvo kompreneble estis la angla,
kunvenis nur homoj kun universitata eduko. Ili ja cxiuj parolis la anglan
lingvon, tamen ne cxiuj flue. Sed la ideo ke la angla lingvo estus
diskriminacianta aliajn lingvojn kompreneble ne ekzistis en iliaj kapoj. La ideo
ke artefarita lingvo povus kontribui ion gravan al la monda kulturo estis
infaneca lud-ideo; kaj tusxi la pozicion de la angla lingvo estas kvazaux
sakrilegio. Krom
la cxefaj prelegoj de elstaruloj el la euxropa aro da batalantoj por paca
politiko kaj novaj procedoj por tiu politiko (procedoj estis la prelegoj kiujn
auxskultis nur la samopinianoj en la kongresejo), la kongreso ofertis al la
partoprenantoj 75 programojn por laborgrupoj dividitaj inter la 400-a anaro. Mi
pretigis du kaj duonhoran seminarion pri lingva diskriminacio kaj faris
demonstracion de rekta instruado de E-o. Cxeestis nur ses auxskultantoj, sed tia
estis la situacio de la plej granda nombro de la seminarioj kaj laborgrupoj,
kiujn vizitis inter dek kaj tridek kongresanoj, kaj kelkaj el la grupoj nuligxis
pro manko de intereso. Mi
almenaux havis la etan sukceson varbi du personojn por la E-movado. Ili estas du
finnoj el Helsinki. Unu diris ke li multe sxatas tiun rektan prezentadon, kiun
mi faris je nova lingvo. La alia estas lingve multescianta instruistino. Sxi tuj
kaptis la sencon kaj esencon de E-o, kaj petis min letere sendi necesajn
informojn por plua studado, kion mi jam faris. Krom
la esperantigo de la du finnoj mia vizito al Lillehammer estis tute senvalora.
Sed la antauxa laboro kolekti materialon ne estis senvalora, cxar nun mi havas
materialon en mia ring-koverto kusxanta preta por eblaj poste pli valoraj
renkontoj kun pli bona reprezentado de la Esperantista Ligo. Estas ja tute
stulta afero sendi unu solan personon al tia grava evento, kie li sentas sin
perdita en la ejo de la leono mem. Mi do estis la sola reprezentanto, kiun la
tuta euxropa E-movado sendis al euxropa kongreso pri homaj rajtoj. Aspekte je
tiu cxi okazajxo tiu movado tenis sin ene en sia ludejo kiel iu Dornrozinjo ne
partoprenante en la komuna vivo de la euxropa ide-batalo.
Odd Tangerud Svislando
Pri
la gxenerala asembleo de Svisa ILEI sekcio 7.9.1996 Cully/Lausanne Cxeestis
5 el 17 membroj. La prezidanto ricevis informojn de la sekretario de ILEI en
Zagrebo pri kunsido en Gxenevo de la Internacia Buroo pri Edukado, fako
de UNESCO, kie ILEI rajtas kunlabori. Cxar ILEI ne povas pagi vojagxkostojn, gxi
deziras, ke svisoj klopodu transpreni tiun taskon. Post diskuto oni decidis, ke
la arangxon partoprenos Claude Gacond, Alain Favre kaj Mireille Grosjean. Claude
Gacond kaj Mireille Grosjean, kiuj
parte cxeestis la julian seminarion cxe KCE pri ekzamenoj en Svislando raportis
pri la diskutoj kaj pri la efika kunlaboro kun KCE-anoj kaj SES-anoj. Instruiloj
de Claude Gacond.
Ili tauxgas por grupo de 12 lernantoj. Portilo malmuntebla kaj A3-formataj
kajeroj trovas lokon en iu normala ujo: la instruisto povas facile iri al
kursejo kaj uzi ilin. Dum 1997 C. Gacond prezentos kaj la metodon kaj la ilojn
dum renkontigxoj cxe KCE en La Chaux-de-Fonds. La kajeroj kaj la portilo
acxeteblos, kune kun klarigoj precizaj por la instruisto. Konstato:
renkontigxo kaj diskuto pri la rolo kaj la agado de SES mankas. Ili okazos en
1997 dum seminario pri la instruiloj de C. Gacond en KCE. |
