|
El
la landoj kaj sekcioj Auxstralio Io
neordinara
La
unuan somerkursaron de 1999 en Melburno, Auxstralio partoprenis 82 esperantistoj
el 5 kontinentoj + du altuloj: ne nur la prezidanto de UEA, sed ankaux Mazi. Atilio
Orellana Rojas instruis pri, aux per, horoskopoj kaj hipokampoj; Marcel
Leereveld alfrontis netransitivajn verbojn; Franciska Toubale [Sxian
artikolon vidu sube – NdlR] popoldancis kaj aktoris. Ecx Jaux (Amponah
Baclu Frimpong) finfine alvenis por instrui, post koSxmara vojagxo el Ganao. Boi
Hoang Ngoc prelegis pri la venonta Azia Kongreso en Vjetnamio. Krom
la kutimaj eroj de E-arangxo, okazis lokaj tradicioj; "sapskatola"
vespero (deklamado pri io ajn); dauxrigota rakonto de diversaj verkistoj en la
kursara kuriero; arboplantado. Vespere, du junulinoj konkursis pri rapida
trinkado (mi ne povas imagi ilian vojagxon en Cxinio), kaj fruktovespertoj
flugis el arboj. Kelkaj el ni lernis, ke brigxo estas pli ekscita, kiam oni
konfuzigxas inter keroj kaj karooj. Lokaj
bahaanoj distris nin per muziko kaj dancado. Tutklare - surprize - la movado en
Auxstralio supervivis la Universalan Kongreson... Margaret
Furness
Kial
somera lernejo estas nur sezona afero!!!
Mi
akceptis la defion instrui al komencantoj kadre de la somera lernejo en
Melburno. Mi konsideras tion defio, cxar kiam oni instruas E-on, plej ofte,
ekzistas nek libro, kiu klarigas kiel uzi la metodon pasxon post pasxo, nek
ekzercaro, dum tiu lasta abundas – ekzemple – por instrui la anglan. Mi
elektis “Mazi en Gondolando”, fotokopiis la bildojn de la angle skribita
ekzercaro kaj per tio strebis paroligi la lernantojn, celante ne nur intelektan
malkovron de la lingvo, sed ankaux konkretan alproprigon. La
situacio favoris al tuja uzado de la jxus lernita lingvajxo, pro la partopreno
de eksterlandanoj. La etoso en la klaso estis vigla, la lernantoj volonte
aktivis, aktoretis. La progreso evidentigxis tagon post tago. Cxe la fino la
lokaj, novbakitaj esperantistoj petis, ke mi dauxrigu la kurson. Mi plezure
konsentis instrui ilin tri fojojn monate. Sed… kia diferenco! Dum la
somerlernejo lerni la lingvon estas cxies intereso, la cxeestantoj vivas
Esperante. Poste la cxiutagaj okupoj venkas. La lernantoj ne donas al si la
tempon ekzerci sin inter du kurshoroj. Ili multon forgesas. La ritmo de la
progreso malrapidas. Kion fari? Kiel konscienca instruanto kutime faras, mi
instigis ilin korespondadi kun eksterlandanoj, iri al iu eksterlanda arangxo –
eble al la dua Azia Kongreso. Mi certas, ke la entuziasmo ne malaperis, cxar la
membroj de tiu grupo renkontigxas pli ofte ol mi renkontas ilin, ecx ili petas
helpon de pli sperta esperantisto dum tiuj renkontigxoj. Iom post iom kreigxis
amikega etoso. La demando estas nun: cxu ili baldaux atingos fluecon en la
lingvo aux cxu ili farigxos tiuj eternaj komencantoj,… kiuj tamen trovis
amikojn per E-o? Laux
tiu sperto mia, klaras, ke kiel eble plej longa studperiodo – semajnfine,
ekzemple pli efikas ol kelkaj horoj
da studado intermiksitaj kun laboro, la cxiutagaj zorgoj, la diversaj okupoj por
ke la lernantoj atingu kiel eble plej rapide konon de la lingvo, kiu ebligas
ilin vaste uzi gxin. Franciska
Toubale
Brazilo TV
FILME apogas Esperanton La
TV-kabla entrepreno TV Filme, partnero de TVA en Brasília, Goiânia, Belém kaj
aliaj urboj, apogos la diskonigadon de la novaj bazaj kursoj de Esperanto de
EAB: cxiuj abonantoj de TV Filme logxantaj en la regiono de Plano Piloto ricevis
propagandan folion de EAB, kune kun la marta numero de la revuo kiu prezentas la
filmo-programaron kiun oni povis spekti dum marto. Temas pri entute 25.000
ricevontoj (bedauxrinde EAB ne havas nuntempe strukturon por sendi la
propagandan folion al cxiuj preskaux 100.000 abonantoj de TV Filme en Brasília,
sed por la dua semestro ni jam preparas nin por tiom vasta agado.) La
folio estas unukolora kaj havas la jenan reklaman frazon: "Com a globalizaçăo, o mundo ficou dividido entre os que falam
Esperanto e os que ficam falando sozinhos" (Pro la globaligo, la mondo
dividigxis inter tiuj, kiuj parolas Esperanton kaj tiuj, kiuj restas parolantaj
solaj". Aperas ankaux terglobo duondividita kaj ceteraj informoj pri la
kurso, kaj ankaux la grafika marko de TV Filme sub la devizo "Apoio
cultural" (Kultura apogo). Ni pretas sendi specimenon per helika posxto
al cxiuj petantoj. Gravas ankaux informi, ke la instruado de Esperanto cxe EAB
ne estas senpaga, kaj la instruisto rajtas enposxigi parton de la enspezo. Fabrício
Valle, Direktoro pri Informado de Brazila E-Ligo Britio Jarkunveno
de ETA Esperanto
Teachers’ Association (ETA), la brita sekcio de ILEI, jxus okazigis gxian
jarkunvenon, komence de aprilo. La plej malbona novajxo estis, ke nur kelkajn
tagojn antauxe mortis gxia multjara membro kaj kunlaboranto, Joan Dawson. Krom
tiu perdo, la tuta komitato kun oficistoj reelektigxis post plejparte
kontentigaj raportoj: prezidas D-ro Paul Gubbins, sekretario estas D-ino Roselyme Edwards, kaj la kason prizorgas s-ro Ian Mac Dowall. Gxuste pro la financaj zorgoj la komitato
eksperimente kunvenas malpli ofte ol en la antauxaj jaroj kaj provas labor(ig)i
perposxte kaj/aux interrete. Precipaj taskoj el la jxusa jaro, kiuj dauxros en
la venonta, estas: -
La lauxebla plivastigo de la publiko pri la porinfana ’Urso-Kurso’:
cxiuj kvar partoj estas ekde pasinta julio haveblaj kaj grade vendigxas – sed
plia, dauxra reklamado endas. -
La cxiujara semajnfina seminario, fine de januaro, cxe la Wedgwood
Memorial College, Barlaston, kadre de ’Ni festivalu!’. Malgraux organizaj
problemoj, la seminario okazis komence de 1999, kaj kolegoj tie ekkonsideris la
diversajn korespondajn kursojn de E-Asocio de Britio, cele al ilia renovigo/
modernigo. -
Laborgrupo starigxis por dauxrigi tiun laboron kaj pretigi novan
informbrosxuron por la gxenerala publiko. -
La revuo ’Esperanto Teacher’ aperis eble por la lasta fojo: la
redaktoro dum 15 jaroj, Arnold Pitt, ricevis grandan dankon de la membroj pro
sia laborego, sed je lia bedauxrinda – antauxanoncita – demisio ne tuj
trovigxis anstatauxanto. Se tiel restos, la membroj devos kontentigxi per
bulteneto. la ILEI-sekciestro kuragxigis anojn membrigxi individue al ILEI por
gxui IPR-n! La
cxiujara ’Somerlernejo’ cxe Barlaston bonstatas, kaj denove dum la 39-a
eblos fari la mezgradan ekzamenon de UEA/ILEI (la 14-20-an de auxgusto). Malcolm
Jones Estonio E-Instituto
de Estonio (EIE) dauxrigas la laboron En
januaro 1998 E-Instituto de Estonio okazigis E-Kulturtagon por estonaj
esperantistoj, cxefe por E-instruistoj. La arangxon enkondukis la direktoro de
EIE, Vjacxeslav Hromov. Li substrekis la gravecon, ke la E-instruistoj uzu
novajn, modernajn metodojn, kiel ekz. Mazi kaj aliajn videbendojn. Aliaj
parolantoj ekz. emfazis la propedeuxtikan kaj kulturperan valorojn de E-o. Oni
prezentis ankaux metodikajn tabelojn uzeblajn dum instruhoroj. En
februaro EIE organizis ekspozicion pri E-lernolibroj en la Centra Urba
Biblioteko de Tallin. laux
Helgi Hromova, sekretariino
de EIE, reprezentantino de ILEI en Estonio Finnlando Kursoj
en 1998 ·
En Karis-Billnäs
Gymansium kaj Högstadiet finigxis la kursoj komencigxintaj en 1997. ·
En Enontekiön lukio
okazis 38-hora volontula E-kurso, kiun partoprenis 15 gelernantoj kun gvido de
Pekka Välimäki. ·
En Raahe Kaije
Liimatainen havis 12 gestudentojn en sia kurso “Jen nia mondo” en la
Laborista Instituto. ·
En la Civitana
Instituto de Vesanto Kimmo Hakala gvidis 24-horan E-kurson printempe kaj 6-horan
kurson auxtune kun 5-7 gestudentoj. ·
En Orimattila Börje
Eriksson gvidis 10-horan studrondon kun 4-6 partoprenantoj. ·
En Tampere Pentti Järvinen
jam de jaroj instruas en la Laborista Instituto. En 1998 li havis 5-8
studantojn. Li gvidas ankaux pensiulan grupon kun 5 membroj. ·
En Turku Anna-Liisa
Ali-Simola havis (14+14) * 2-horan studrondon por 5-6 personoj. ·
En Tampere 22 skoltoj
estis gvidataj al la Internacia Lingvo fare de Sylvia Hämäläinen. ·
Por instruistoj kaj
instruantoj estis organizita Eduka Semajnfino en Jyväskylä. Instruis Márta
Kovács el Hungario. Laux
la Agadraporto de ELFI 1998
Francio Korespondpeto
por klasoj Mi
gvidas E-kurson cxe la universitato de Lille (Norda Francio). Tiu cxiu-semajna,
90 minutojn dauxranta kurso estas malfermata al cxiuj kiuj deziras lerni la
lingvon, do, ne nur al gestudentoj. Gxi ne estas vere oficiala kurso sed, tamen,
gxi estas subtenata de profesoro pri lingvistiko.
Mi dezirus montri al miaj 25 gelernantoj ke Esperanto vere tauxgas kaj
utilas kiel internacia komunikilo. Mi do proponis al ili kolektive korespondadi
kun aliaj universitataj E-klasoj tra la tuta mondo. Ili tuj entuziasmigxis pri
tiu projekto. Cxu vi opinias tiun ideon interesa? Cxu vi havas klason kiu
deziras tiel korespondi kun ni? Arnaud Debeurme, rete: Florianne.Scheers@sni.fr
Germanio Korespondpeto Mi
estas komencanta esperantisto, jxurnalisto, kiu volonte korespondus kun
instruistoj de diversaj landoj. Momente mi laboras pri la analizo de la
didaktika lernado de skribado kaj legado. Mi sxatus intersxangxi opiniojn ne nur
pri la unua klaso en la lernejo. S-ro
Klaus Riemann, Flurstr. 13. DE-54570 Niederstadtfeld, Germanio
Hispanio
(Katalunio) Internacia
E-Semajno de la Kulturo kaj Turismo
La
supra arangxo okazis jam la sesan fojon, inter la 3-a kaj 10-a de oktobro 1998
en Calafell. El inter la 64 aligxintoj estis 21 eksterlandanoj. En la inauxgura
festo en la nomo de ILEI la cxeestantojn salutis nia estrarano, Carla de
Lorenzi. Dum la Semajno sxi gvidis tre sukcesan Cseh-kurson. La
sepa E-Semajno okazos en Cambrils (Tarragona – Katalunio) de la 2-a gxis la
9-a de oktobro 1999 sub la auxspicio de Hispana E-Muzeo. Pliajn
informojn petu de H.F.E.A. Apartado 15027
ES-08080 Barcelona (Hispanio).
Retadreso: luis_serrano@mixmail.com Kursoj en Sabadell
En
urbo Sabadell dauxre okazas E-kursoj kun nuna partopreno de entute 15 homoj.
Menciindas la jam kelkjara-tradicia porinfana kurso, en kiu per spektado de Mazi
en Gondolando, desegnado de bildoj kaj aliaj distrajxoj tri infanoj lude lernas
la lingvon cxi-jare. Elementa kurso kun 7 partoprenantoj kaj meza kun 5
kompletigas la liston. Ankaux
en Tarragona funkcias kurso kun partopreno de dek homoj. Interese estas ke la
kurson organizis sindikato kaj okazas en la loka hospitalo. Gxin gvidas s-ro
Joan Marimon. Hungario Esperanto
- denove akceptita dum lingvistika konferenco Dum
la 9-a hungarlanda konferenco de gxenerala kaj aplikata lingvistiko denove estis
lancxita interlingvistika sekcio. Tio povis okazi danke al tio, ke pasintjare
partoprenis la laboron de tiu nova sekcio, per altnivelaj prelegoj, konsiderinda
nombro da esperantistoj. La
cxi-jara konferenco de hungaraj lingvistoj okazis en la urbo Veszprém (8-10.
aprilo) kaj inter la 460 partoprenantoj cxeestis denove ankaux pluraj
esperantistoj. Dum
la unua vespero cxe la rondtabla diskuto pri la temo: Mondlingvo
kaj regionaj lingvoj la gvidanto György Szépe, la prezidanto de la landa
lingvista asocio, pozitive parolis pri la rolo de Esperanto, prezentante nian
lingvon kaj la anglan kiel nurajn realajn kandidatojn por farigxi mondlingvo kaj
klare agnoskante la jaman
(delongan) ekziston kaj ekzistorajton de Esperanto entute. En
la Interlingvistika sekcio, kiun estris Ilona Koutny, okazis la sekvaj prelegoj: -
Katalin Smidéliusz: Lingvoplanado
kiel pedagogia rimedo en la edukado de filologoj, interlingvistiko vivproksime; -
Francesco Felici: La internacia
komunikado kaj proponoj de la jarcentfino: “euxroklonoj”
kontraux logikaj lingvoj; -
Ilona Koutny: Interkultura
komunikado kaj Esperanto; -
Michael Farris: La TTT kaj la
disvastigo de la internaciaj helplingvoj; -
Blazio Wacha: Dulingveco,
variantoj, Esperanto; -
Zsuzsa Varga-Haszonits: La teorio
de lingvopriskribo kaj Esperanto. La
prelegojn auxskultis kaj partoprenis en la postaj diskutoj ankaux lokaj
esperantistoj. Dum
la konferenco estis disdonata la tria volumo de la pasintjara konferenco en kiu
legeblis la prelegoj de D. Blanke, I. Koutny, O. Prytz, Á. Rátkai, K. Smidéliusz,
B. Wacha. La volumon plurfoje trafoliumis dum tiuj tagoj centoj da lingvistoj
kaj povis legi en gxi pri kaj ankaux en Esperanto plurajn interesajn artikolojn.
Tio estis sendube bona propagando por la internacia linvo. Diskutante
pri la pluaj pasxoj kaj estonteco la cxeestantaj samideanoj interkonsentis
sekvontjare aligxi ne al la interlingvistika sekcio, sed prefere disvastigi per
siaj prelegoj informojn pri Esperanto kaj ties valoroj en aliaj sekcioj de la
konferenco. La ideala solvo, evidente, estus, se partoprenus la altnivelan konferencon tiom da esperantologoj, ke suficxu el ili kaj por la interlingvistika sekcio, kaj por partopreno en la laboro de la aliaj sekcioj. Por realigi tiun idealon ni bezonus almenaux dek-dekdu prelegojn kaj antauxan strategian kunlaboron, kiun volonte kunordigos la verkinto de la supra raporto. Interesigxantoj turnu sin al Katalin
Smidéliusz (redakcia adreso) Amasa
E-instruado en orienta Hungario
En
februaro komencigxis nova semestro en KLTE (Scienca Universitato "Lajos
KOSSUTH" en Debrecen, Hungario). La gestudentoj cxi-foje rekordnombre
enskribigxis por la baza Esperanto-kurso, ja 125 gejunuloj komencis lerni nian
lingvon. La kursestro estas Tibor PAPP. La kurso finigxos en junio per t.n.
studfina ekzameno.
Tibor
Papp, <db@satrax.hu> Prelego
en ELTE La
8-an de marto en la Budapesxta Universitato ELTE, Zsuzsa Varga-Haszonits,
gvidanta la E-fakon cxe la katedro pri gxenerala kaj aplika lingvistiko,
prelegis antaux auxskultantaro cxefe el la kolegaro kaj gestudentoj, pri la temo
Teorio de lingvo-priskribo kaj la planlingvoj. Liverinte la plej
esencajn informojn pri Esperanto, sxi pli detale okupigxis pri evoluo de la
rilatoj de la ne-esperantista, (ekstera?) lingvoscienco al Esperanto. Apogante
sin ankaux je iamaj eldiroj kaj eseoj de István Szerdahelyi kaj László Antal,
sxi emfazis unuflankecon de pluraj lingvistikaj skoloj: la 19-an jarcenton
interesis nur historio de lingvoj, la post-Chomsky-an epokon interesas
specialajxoj de rilato inter profunda kaj surfaca strukturoj – jen kampoj, en
kiuj oni ne atendis teoriajn malkovrojn surbaze de Esperanto. Laux
informoj de Blazio Vaha
Kubo Sagxa
Sago
Aperis
la unua, 8-pagxa (A/5) numero 1/98 de “Sagxa Sago, la oficiala organo de Kuba
ILEI-Sekcio. Jen du frazoj de gxia titolpagxo: “La lernejoj nialande estas la
enirpordo al la E-movado. Estas nia respondeco kiel instruistoj teni gxin
malfermita.” Kaj la klarigo de la titolo: “Tiel prudente kiel sagxuloj,
tiel rapide kiel sago, ni semos kaj
semos konstante.” Lauxplane,
la revuo aperos trifoje jare. Gxin eldonas Kuba E-Asocio PF 5120, CU-10500
Havano, Kubo. Telefonnumeroj: 53 7 40-1364 kaj 53 7 40-4484; fakso: 53 7 338729.
Retadreso: kubesp@ip.etecsa.cu. Cxefredaktoro: Héctor
Jiménez Batista. Latvio Rigaj
studentoj lernas Esperanton
Studentoj
de Ekonomika kaj Kultura Altlernejo (kie studas ankaux studentoj de la
Intersxtata Universitato “Ruthenia”), unue en Latvio, lernas E-on kiel
devigan studobjekton kun gvido de Alida Zigmunde. En 1994 sxi jam instruis cxi
tie E-on por 9 studentoj, sed tiam ankoraux ne devige. La estro de la
altlernejo, V. Surkov apogas la instruadon de la internacia lingvo. Oni lernas
gxin dum 40 horoj. (Post cxiuj 20 horoj sekvas studkontroloj.) Alida Zigmunde
instruas ne nur la lingvon, sed parolas ankaux pri gxiaj historio, literaturo,
movado. La studentoj ricevas dulingvan diplomon de la Universitato Ruthenia kaj
Klerigejo de la Akademio Internacia de la Sciencoj San Marino, cxar la teksto
aperas ankaux Esperante. En 1998 la duan studkontrolon sukcese plenumis 67
studentoj. laux
informoj de Alida Zigmunde, prezidanto
de Latvia Esperanto Asocio Pollando Liceanoj
lernas en Bielsko
E-o
estas enkondukita en la liceon “Żeromski”, mezlernejo en la sudpollanda
urbo Bielsko-Biała (Silezio). La lernejo estas asociigxinta en UNESCO. Tie
okazis auxtune sestaga intensa Cseh-kurso por 30 personoj, gvidita de Maria
Majerczak, pola ILEI-sekciestrino, instruistino en la fama Jagiellona
Universitato en Krakovo. Jam
post la unua lerntago la gelernantoj skribis kontrollaborajxon, post la tria
memstare leteron kaj la sesan tagon – poemetojn en Esperanto. Dum
la ferma solenajxo la gelernantoj kantis, deklamis kaj facile konversaciis en
Esperanto. Pluraj kursanoj ricevis libro-premiojn kaj cxiuj, ankaux la lerneja
biblioteko libro-donacojn el la loka eldonejo “Kleks” de G. Handzlik. Tiu
lasta krome koncertis por la kursanoj. Okazis ankaux prelegeto pri E-o por la
instruistaro de la lernejo. Post la kurso la instruadon dauxrigas Elizabeta
Biskup, intsruistino de kemio en cxi tiu liceo, al kiu oni sxuldas la enkondukon
de E-o tie. La lernejo sercxas korespond-kontaktojn individuajn kaj grupajn
(i.a. kun proksimaj cxe§aj urboj kaj vilagxoj). Bonvolu skribi al la lernejo: III.
LO im. S. Żeromskiego, ul. Boh. Warszawy 20, PL-43-300 Bielsko-Biała, Pollando. Adreso
de la instruistino: Elizabete Biskup, ul.
Wojnara1, PL-43-316 Bielsko-Biała. Fakso: (033) 8 14 46 23. Interlingvistikaj
Studoj dauxre cxe UAM
La
dua sesio de Interlingvistikaj Studoj okazis inter la 8-13-a de februaro 1999 en
la Lingvistika Instituto de Universitato Adam Mickiewicz (Poznan, Pollando). La
gestudentoj el diversaj landoj - post la ekzamenigxo el la unua semestro - povis
auxskulti prelegojn de kaj diskuti kun: ·
D-ino hab. Vera
Barandovska-Frank (Germanio) pri la problemaro kaj historio de interlingvistiko; ·
D-ro Blazio Vaha
(Hungario) pri la bazaj nocioj en morfologio kaj sintakso; ·
S-ino Lidia Ligeza pri
la dua periodo de e-a literaturo kaj ·
D-ino Ilona Koutny pri
esperanta gramatiko. La
sciencan programon kompletigis teatra vespero de Jerzy Fornal, organizita kune
kun la loka grupo de PEA. En la sekva studjaro (unua sesio 19-24.09.1999), UAM
denove atendas novajn aligxontojn (aligxdato: 15-a de auxg.). Interesigxantoj
turnu sin al: D-rino
Ilona Koutny, Lingvistika Instituto, Adam Mickiewicz Universitato, Miedzychodzka
5, PL-60-371 Poznan, T/F (hejme): +48-61 817-28-73, rete:
<ikoutny@amu.edu.pl> Usono Universitato
"San Francisco State" [en la urbo San Francisko, Kalifornio]
La
mondfama 3-semajna 3-kredita kursaro cxe SFSU okazos cxi-somere de la 6-a gxis
la 23-a de julio kaj enhavos 4 nivelojn: baza, meznivela lernado, meznivela
instruado, kaj supera.
Por
pli da informo pri kursoj, stipendioj, logxado, kaj aligxiloj, kontaktu: Ellen
Eddy, 11736 Scott Creek Dr. S.W., Olympia WA 98512; tel. 360-754-4563;
rete:
<eddyellen@aol.com>
Doroteo Holland
|