|
|
|
|
Dr.
Katalin Smidéliusz Raporto
pri la lastaj atingajxoj de la ID-projekto
Post
nia lasta IPR-raporto (99/4) pri la stato de la projekto okazis multaj gravaj
aferoj pri kiuj ni nun mallonge raportu al la legantoj de IPR, menciante ke cxiu
ero meritus plurpagxan raporton, analizon (kiuj fakte estas farataj en nia
dokumentaro).
Post
la unuaj du mondskalaj kursoj, kiuj okazis en Nederlando kaj dum kiuj trejnigxis
33 reprezentantoj de indigxenaj popoloj, konstruigxis reto inter ili, pli ol
duono de ili havas dauxran kontakton kun la teamo kaj inter si per la reto kaj
aliaj komunikiloj, kaj uzas Esperanton kiel komunan lingvon. La projektorganiza teamo dauxre laboras, konstantaj celoj estas teni la komunikadon viva, sercxi sponsorojn, informi pri la projekto, malkovri novajn terenojn, konstrui nian ttt-ejon, plibonigi la kursmaterialojn, distanc-instrui E-on. Ne pasas tago sen kontaktigxo inter unuj kaj aliaj, do la projekto farigxis nia cxiutaga vivo. Teama
kunsido: Por
havi superrigardon kaj harmoniigi la kunlaboron la teamo havis sukcesplenan
labor-semajnon en aprilo 2000 en Nederlando. Ni intersxangxis ideojn kaj
spertojn kaj pripensadis diversajn aspektojn de la projekto kaj ties
perspektivoj. Ni dedicxis grandan atenton al transkultura komunikado, kiel
plenskala tria instrumento de la ID-ambasadoro krom Esperanto kaj la modernaj
komunikiloj.
Regionaj
kursoj: La
teamo plue kontaktigxis kun indigxenaj organizajxoj, trovis pliajn kandidatojn
por la sekvaj mondskalaj kursoj, sed aperis bezono okazigi ankaux regionajn
kursojn, renkontigxojn kaj trejnadojn. Kadre de tiu koncepto Atilio Orellana
Rojas gvidis kurson en Barato (raporton pri tio vi trovas en IPR 99/4) kaj
okazis simila regiona kurso ankaux en Kostariko en la printempo 2000, sub la
gvidado de Atilio kaj Antonio Leoni de Leon. La
unua afrika ID-regiona kurso okazis en Burkina Faso, inter la 20-a kaj la 30-a
de junio. Sylvain Lelarge kaj Katalin Smidéliusz gvidis ID-kurson por dek kvin
reprezentantoj de dek organizajxoj, plejparte tuareg-aj, sed ankaux peuxl-aj kaj
be-aj. TIN HINAN, organizajxo por la disvolvigxado de nomadaj virinoj, gastigis
la kurson. La kurs-gvidantojn helpis Jean Codjo, esperantisto el Benino. Krom la
Esperanto-kurso, pri kiu respondecis Katalin, estis detala prezentado de la
projekto kaj viglaj diskutoj pri: kiu estas la rolo de
ID-ambasadoro; kiel plej bone enkonduki la projekton al kolegoj; kiel pensi kaj
komuniki transkulture. Ankaux
en Komilando (Rusio) starigxis nova generacio! - Inter la 25-a de junio kaj la
8-a de julio 2000, okazis en Syktyvkar grava regiona ID-kurso, en la Komia
Respubliko (nordo de Rusio). La kurso estis plejparte organizata de Vasilij
Kiselev (ID1 - Komia popolo). La kursejo estis la Finn-Ugra kultura centro.
Amikigxis ok partoprenantoj el kvar popoloj: la komia, la vepsa, la maria kaj la
karela. Aleksandro Melnikov gvidis la Esperanto-kurson kaj Sylvain Lelarge
prezentis detale la projekton kaj ties novajn perspektivojn, kaj faris
intervjuojn de cxiu partoprenanto. Pluaj
planoj por disvolvigi regionajn kursojn estas
jam faritaj, Ruben Ortiz (Gvatemalo), Vasili Kiselev (Komio en Ruslando) kaj
Jebra Muchahary kaj Maria Mangte (Barato) kunlaboras kun la ID-teamo por doni
formon al la tri venontaj regionaj kursoj. Estas por la sekvaj jaroj bonaj
kontaktoj en Vietnamo, Ruando, Peruo, kaj Oceanio. Sed unue la unuaj! ID
en Gxenevo
Inter
la 22-a kaj la 30-a de julio okazis la semajno de la UN-Laborgrupo por la
Indigxenaj Popoloj en Gxenevo. Tiu Laborgrupo estas la plej malalta kaj
malgranda UN-subsekcio, sed gxia cxiujara laborsemajno estas la (lauxnombre)
plej granda evento en la UN-sidejo. La cxi-jara semajno estis speciale grava pro
du kialoj: Okazis cxiutage diskutoj en
Esperanto inter la ID-delegatoj, kaj ili povos rekte raporti al la aliaj ID-anoj
kaj pontlingve respondi iliajn demandojn, plenumi
petojn tra la reto (estis instalita ID-oficejo kun unu komputilo en cxiu
pont-lingvo). Partopreni tiun semajnon povis entute 11 ID-anoj, kaj povis
interkonatigxi ecx tiuj, kiuj trejnigxis en diversaj sesioj. La ID-okazintajxojn
gvidis Sylvain Lelarge, Antonio Leoni de Leon kaj Katalin Smidéliusz, vizitis
nin kaj kunlaboris ankaux Mark Fettes flanke de ESF (Esperantic
Studies Foundation),
ja la fondajxo planis subvencii la projekton. Antaux
kelkaj semajnoj venis la bona novajxo: ‘Dauxra
Forumo’ de indigxenaj popoloj cxe UN estas adoptita, kio signifas agnoskon kaj
pli da ebloj por la indigxenoj en la estonteco.
La
sekva mondskala kurso Pro
la fakto ke Narwal (nia gxisnuna gastiganto) nun estas tro multekosta por nia
pagpovo, ni devis trovi alian bazon por la sekvaj kursoj, sekve de tio ID3 ni
planas organizi en Hungario, en la hejmregiono de Katalin. En "Velem"
(nomo de la vilagxo) la mondskalaj kursoj de ID povus okazi en aparta domo kun
parko, meze de natura regiono. La elekton de la loko multe influis ne nur
financaj konsideroj sed ankaux la fakto ke la universitata lingvistika fako de
Katalin pretas subteni la projekton kaj oficiale inviti la partoprenontojn. Sur
la kandidatlisto reprezentigxas la sekvaj popoloj: tuaregoj el Burkino,
Mauxritanio kaj Nigxerlando, be el Togolando, batvao el Ruando, majaoj el
Meksikio kaj Gvatemalo, adivazoj el Barato, sxosxono kaj Tlingito el Usono,
maorio el Nov-Zelando, janesxa el Peruo, mapucxo el Cxilio, miskito el
Nikaraguo, karelio, komio, vepso, mario el Rusio. La
ID3 kurso en multaj aspektoj malsimilas de la antauxaj: ·
ni
donos pli da prioritatoj al la pritraktado de interkulturaj problemoj ·
dedicxos
pli da tempo por la lernado kaj aplikado de elektronikaj rimedoj kaj al la
hejmpagxo ·
la
kurso havos fiksan temon: edukado, kiun ni pritraktos plurnivele teorie kaj
spertos praktike ·
ni
dedicxos pli da tempo por la ekkono de la medio kaj problemoj de la
reprezentataj popoloj, kaj iom malfermigxas al la loka medio, ekhavos kontaktojn
kun kelkaj el la hungariaj minoritatoj kaj planas komunajn programojn kun la
loka studentaro ·
krom
la kutima lingvokurso okazos paralela trejnado de la regionaj ttt-ejestroj La
kurso ID3 unue estis planita por januaro 2001, sed devis prokrastigxi, parte pro
manko de suficxe da mono, parte pro la sanstato de Bessie Schadee, direktorino
de la projekto. Lauxplane la kurso okazos en auxgusto 2001 en la antauxe planita
loko.
Kernotagoj
en januaro Post
la decido prokrasti ID3 gxissomere ni decidis pripensi la situacion de ID, tiri
la konkludojn kaj klare ellabori la pluan strategion, kies kerno devus esti
envolvi la indigxenajn ambasadorojn en la fluo de komunikado inter si. Do la
teamo kune kun la plej aktivaj ID-anoj decidis organizi gravajn ‘kernotagojn’
en Nederlando inter la 12-a kaj la 27-a de januaro 2001. Mem la kunvenoj okazos
en IEI, instituto kiun gvidas Atilio. Dum tiuj tagoj 10 aktivaj ID-anoj (Barato,
Afriko, Rusio, Kostariko) donos pliajn formon al ID kaj montros ke gxi vere
funkcias, valoras, kaj vivpovas. Tiuj tagoj estos momentoj de vero. Ni kontaktos
lauxeble dume cxiujn ID-anojn kaj ID-subtenantojn por inkludi ilin en la
pensprocezon. Okazos dauxraj komputilaj lecionoj kaj ankaux Esperanto
parolekzercoj.
Sercxado
de sponsoroj, apogantoj La
funkciigo de la projekto bezonas multe da mono, kaj ties trovado
estas la plej malfacila tasko por la teamo. Dauxre cxasi subvenciojn,
organizi informvesperojn kun prezentoj kaj monkolektado, kontakti grandajn
firmaojn, monhavajn individuojn kaj potencajn organizajxojn prenas multe da
tempo kaj energio. Ni dauxre informas niajn subtenantojn per elektronikaj
cirkulleteroj. (Se ankaux vi interesigxas pri tio, bv. turni vin al
sylvain.lelarge@usa.net).
ID
estis premiita dum la Universala Kongreso de Esperanto, kaj apogata de scienca
fondajxo ESF:
la Esperanta mondreto agnoskas ID kiel tre valoran projekton kaj – kvankam la
financoj de Esperantistoj ne estas grandaj – regule mone apogas nian
projekton. Krom la ‘Cigno Premio’ kiun japana entreprenisto laux la konsilo
de UEA donacis al ID ankaux la scienca Fondajxo ESF (Esperantic Studies
Foundation) decidis subteni la dokumentadon, la TTTejon, kaj la pedagogian
aspekton de ID. Ni dankemas! Ni
atendas respondon al nia subvencipeto sendita al la FAME-fondajxo, kaj
kompreneble gxojas pro la individuaj monhelpoj kaj laborhelpoj de unuopaj
esperantistoj, plejparte instruistaj kolegoj, membroj de ILEI, kiuj per
tradukoj, korespondado, konsiloj, sercxado de pliaj sponsoroj, aux komputiloj
multe kontribuas al la projekta laboro. Estis
tre bonaj formoj de apogo, kiam niaj ID-anoj povis kaj povos partopreni
lingvokursojn, okazintajn en ilia (relativa) proksimo. Tiel estis invitita majaa
junulino al la somera kursaro en San Francisko, kaj en januaro 2001 partoprenos
auxstralian kursaron du ID-anoj el Papuo. Alia ekzemplo: novzelanda kolegino
pretis doni enkondukajn lecionojn pri Esperanto por iu el niaj estontaj
kandidatoj. Dankon por tiutipa subteno. Diversaj
tre seriozaj ne-esperantistaj partneroj – kaj dekoj da individuoj -
multmaniere subtenas la projekton kaj kuncerbumas. Inter pluraj aliaj, estas
nomindaj: ¨
Nederlanda
Centro por Indigxenaj Popoloj NCIV (www.nciv.net):
helpas precipe por selekti la kandidatojn kaj havas nun du gravajn projektojn
kune kun ID ¨
Internacia
Instituto por Komunikado kaj Evoluo IICD (www.iicd.org)
subtenas la disvolvigxon de la teknika flanko de ID kaj trovas novajn partnerojn
tiukampe ¨
ITU
(International Telecommunication Union = Internacia Telekomunika Unio) (www.itu.int) ebligas kunlaboron, trejnadon de
teamanoj pri distanca instruado kaj trejnadon de kelkaj indigxenaj ambasadoroj.
¨
EECALL
(Eastern European Computer Assisted Language Learning Center =
Orient-Euxropa Kompute Helpata Lingvolernado) (HU), funkcianta en la katedro pri
aplikata lingvistiko en Hungario, Szombathely, ebligas sian komputilejon dum la
hungariaj kursoj ¨
Sekretario de HCHR (High Commisariat for the Human Rights)
en Gxenevo: organizas la semajnon de la Laborgrupo por la Indigxenaj Popoloj,
kaj ebligas al ni prezenti la programon tie. La sponsoroj (inter aliaj du bankoj: ASN kaj Triodos
kaj la Nederlanda Ministerio de Eksterlandaj Aferoj) donacis aux pruntedonis
grandegan sumon por la unua periodo. Aliaj sponsoroj versxajne pretas subteni la
sekvajn pasxojn. Eble
indus cxi tie raporti pri kurioza postsekvo de iu sponsorsercxado. Post la
prezentado de la ID-projekto dum kunveno de nederlanda Rotary-klubo venis
intereso ne nur pri la situacio de indigxenoj, sed ankaux pri Esperanto.
Entuziasma grupo de la membroj decidis provi lerni la lingvon kaj ankaux mem
sperti ties facilecon, komunik-rimedojn kaj pere de tiu lingvo ekkontakti la
ID-anojn kaj la mondon de esperantistoj. Sylvain kaj Katalin okazigis al tiuj 9
personoj unusemajnan intensan E-kurson, kies rezultoj estas tre kuragxigaj. Ni
sendube allogis novajn, tre entuziasmajn esperantistojn kiujn ni dauxre instruos
rete. Kelkaj el ili jam en Zagrebo volas sperti la uzon de E-o. Kaj ni ecx ne
parolu pri la financa helpo per kiu ili kontribuis al la ID-budgxeto!
Agado
de ID-anoj Kelkaj
el niaj ambasadoroj multe aktivas en siaj terenoj, Rusio-Komikongreso: modelo
por politika agado (de Vasili Kiselev – ID1); lukto kontraux la Boruca barajxo
en Kostariko (Gilbert Gonzales Maroto – ID1) pri kies rezultoj vi povas havi
pli da informoj sur nia ttt-ejo (www.idnetwork.nl). La
Sebalinda-projekto Ni
menciu cxi tie nur unu el inter la subprojektoj de ID, kiu ekis unue por subteni
la gefilojn de nia forpasinta amiko Gaspar Sebalinda, kiu kun la edzino Clotilde
partoprenis la unuan ID kurson. Poste la afero pli vastigxis kaj ni celas krei
lernejon por la Twa-(batvaj)-infanoj en Ruando, kies organizadon transprenis
Clotilde. Nun kreigxas kompleta ag-plano, mi citu nur la cxefajn celojn de la
projekto:
CELOJ
DE LA PROJEKTO 1.
eduki junajn batvajn profesiulojn, kiuj kapablas unuflanke perlabori la
propran vivon, kaj aliflanke kontribui je la kresko, disvolvigxo, kaj je la
harmonia integrigxo de la batvaoj en la ruanda socio 2.
ebligi al la batvaj junuloj koni sian propran kulturon kaj fierigxi pri
gxi, kaj doni al ili la rimedojn por sukcese alfronti la faktan diskriminadon,
tiel ke ili povu igxi plenvaloraj civitanoj 3.
doni novan sxancon al tiuj batvaj infanoj kiuj estis ekskluditaj el la
publika eduksistemo 4.
inicii plibonigxon de la
vivkondicxoj (ekonomiaj kaj kulturaj) de la tuta batwa komunumo 5.
helpi konservi, protekti kaj evoluigi la batvan kulturon cele kontribui
al la nacia kaj internacia kultura ricxeco 6.
valorigi kaj disvolvigi la diversajn batvajn metiojn tiel ke ili
plidauxrigu kaj ke la metiistoj ekhavu stabilan ekonomian bazon Konkludo:
Cxiujn
aspektojn de la projekto estus malfacile priskribi. Kiel en granda familio
ankaux cxe ni cxiutage okazas kaj farendas io grava. Se
ankaux vi volas helpi nin, partopreni en tiu mirinda laboro, bv. kontakti nin. La
ID-teamo (Bessie Schadee, Sylvain Lelarge, Atilio O. Rojas, Antonio Leoni de
Leon, Ana Montesinos, Aleksandro Melnikov, Katalin Smidéliusz kaj Snjejxana
Cimic) estas kontakteblaj laux la narwal@usa.net -fakso + 31 70 51 77 682 –
telefono+ 31 70 51 77 523 - adreso: Oud Clingendaal 7, NL 2245 CH Wassenaar,
Nederlando, cxe la oficeja adreso de la projekto kaj volonte respondos al viaj
demandoj. Nia
kontonumero cxe UEA: idid-r.
|
