|
Miklós Fehér: Instruado
per poemoj Jam la 2-3-jaraj
infanoj volonte lernas kaj deklamas-kantas
poemetojn, kantotekstojn,
5-6 jaruloj jam povas eksxati pecojn de la nacia poezio. Ili volonte
lernas poemojn ankaux en la lernejo, tiel bonrezulte, ke la plej sxatatajn ili
gxismorte rememoras. Cxi tiun poemsxatemon proponas mi uzi en la
lingvoinstruado. Se la infanoj atingis jam iometan lingvoscion,
oni kuragxe sur-tabligu por ili bonegan tradukon de poemo,
kiun ili nacilingve sxatas, parkere scias. Se la esperantigo estas
eminenta, la infanoj gxojplene rekonos gxin tuj post la eklego,
kaj ili volonte lernos tiun ankaux en E-o. Por la fiksa lingvoscio
necesas parkerigitaj tekstoj. Tial mi havas
peton al Vi, karaj pedagogoj: eksciu, kiujn nacilingvajn poemojn sxatas la
infanoj, kopiu tiujn, poste skribu ilin tiel, ke sub cxiu verso staru gxia
preciza, lauxvorta, kruda esperantigo kaj lauxeble la signoj de la ritmo. Se
trovigxas jam esperantigo de la poemo, sendu
ankaux tiun, kun la nomo de la
tradukinto. Ni kontrolos la tradukon kaj — se necese — proponos korektojn,
kaj aperigos la tradukon en nia periodajxo Euxropa
Poezio en Esperanto. Ni petos kritikojn, novajn proponojn, kaj cxi-metode
naskigxos tiuj eminentaj tradukoj, kiuj havas jam en E-a vesto la saman efikon
al la infanoj, kian la originalo. Se mankas la traduko, ni faros gxin. Lingvo sen vivanta
poezio ne estas vivkapabla! Vivanta poezio postulas ne nur poetojn,
tradukistojn, sed ankaux kritikistojn kaj cxefe poemsxatantan publi-kon. Per nia
metodo edukigxos cxiuj tri. Al tiu strebo bonvolu esti helpemaj. Sendinto de
uzebla peco ricevos honorekzempleron, en kiu aperis lia/sxia sendajxo! Euxropa
Poezio en Esperanto
estas kvaronjara fakperiodajxo, kiu strebas esperantigi kaj publikigi la kremon
de la Euxropa poezio sur la plej alta nivelo. En la unuaj kvar numeroj (unua
jarkolekto) aperis 52 poemtradukoj el 8 diversaj lingvoj kaj tial ne el pliaj,
cxar mankas materialo. Provnumero al Hungario kostas 90 forintojn, al
eksterlando du internaciajn respondkuponojn. La plej multekosta estas la
posxtkotizo, tial estas favore mendi tutan jarkolekton (kvar sinsekvajn
numerojn) en unu sendajxo. Prezoj: a1 Budapesxto 300 forintoj, al Hungario
province 320 forintoj. Al najbara lando 4 IRK-oj, al nenajbara lando
5 IRK- oj. Aerposxto postulas plusan 1 IRK-on. Bonvolu mendi cxe mi: dr. Miklós Fehér, Budapest, Ugró
Gyula 17, H-1046, Hungario |