|
Instruinda
cxehxa somero ILEI
dum LA UK Jam
tradicie ILEI aperadas cxe la UK-oj kun diversaj programeroj. Plej versxajne la
cxi-jara kongresejo ne nur al ILEI, sed cxiuj aliaj mendintoj de la budo liveris
tre agrablan tutsemajnan laborejon. La sxildoj videblis jam de sabata mateno,
tion ni ne povis sperti dum pli fruaj UK-oj. Cxe la budo krom aktualaj informoj
pri la aktivado de ILEI, oni povis acxeti t.n. „intelektan” loterion
elpensitan de Géza Kurucz, kiu i.a. provizis la unuan kongresan kurieron per la
aparta konkurstasko. Krome oni povis foliumi la ILEI-eldonajxojn kaj tiujn de
IEI. Kunsido de
ILEI-anoj Dum
la kunsido estis koncize prezentitaj la atingoj de la Ligo inter du UK-oj. Kiel
kutime, surpodiigxis dudeko da lernolibroj kaj aliaj lerniloj acxeteblaj en la
Libroservo. Pluraj partoprenantoj atentigis pri la atingoj en la sfero de la
E-instruado tra la mondo (novaj lernolibroj, lerniloj, projektoj). Tago de la
Lernejo Trihoran
senpauxzan programon ne povis gxui cxiuj interesuloj pro manko de la spaco. Iuj
diris ke tiu programero estis unu el la plej vizitindaj kaj plej bonaj dum la
UK. Cxu tiuj pravas, eble vi mem povos konkludi, se ni nur mallonge prezentos la
programerojn. Tradicia
punkto de la „Tago” igxis la prezento de la eduksistemo de la gastiganta
lando. Gxin prezentis Miroslav Malovec. Sekvis eroj ligitaj al la temo
„Rimedoj por bona lernado kaj memlernado de Esperanto”: nova video-kurso
preparata en Usono de s-ino Harmon, „Rolo de E-radioelsendoj en la memlernado
de E-o” prezentis A. Pettyn, motoro de la E-elsendo de Pola Radio. La
lasta kaj plej longa ero estis dedicxita al „Mazi”. Pri gxia historio oni
preskaux cxion scias, sed cxi-foje en la prezentado de Katerina Bodnárová oni
povis pli profunde ecx eklerni kiel uzi la materialojn al kiuj aldonigxis
didaktita libro-ludilo. Cxe la fino, al la programo tre trafe kontribuis f-ino
Emily Barlaston kun memtradukita fabelo „el la regxa palaco”. Krome,
ILEI-anoj aktivis en pluraj sferoj: gvidis konversaciajn kursojn,
komitat-kunsidis, partoprenis la unuan forumon de la fak- kaj sciencaj
organizoj. Ekzamensesioj Duan
fojon, la Kongreso de blindaj Esperantistoj gastigis la ekzamensesion. Cxi-jare
abundis ne nur la kandidatoj, sed ankaux iliaj scioj estis pli altnivelaj.
Grandan penon por la sukcesa sesio faris ges-roj Moerbeek, kiuj ne nur prizorgis
la brajligon de la testoj, sed ecx provizis la kandidatojn per amaso da utilaj
informoj. Cxe
la ekzamenoj aperis entute sep kandidatoj el kvin landoj: 2 cxe la elementa kaj
5 cxe la meza niveloj kaj cxiuj sukcesis. Venontjare oni planas ne nur ripetigi
la sesion dum la LIBE Kongreso, sed same proponi gxin dum la E-kongreso de
handikapuloj. La UK-a sesio, kiel kutime, estis la plej nombra: de 16 kandidatoj
sukcesis 13 el 10 landoj, inter kiuj 9(10) elementa kaj 4(6) meza niveloj. Tria
sesio okazis dum la ILEI-Konferenco kaj al gxi aligxis 7 kandidatoj el 5 landoj,
el kiuj 5 sukcesis: 4 je elementa kaj 1 je meza niveloj. Sume
la ekzamenojn sukcese trapasis 25 kandidatoj el 20 landoj (Afriko, Azio,
Ameriko-suda, Euxropo): 15 elementa kaj 10 meza. 30-a ILEI
Konferenco Dum
la tuta semajno 74 E-instruemuloj konferencis en la cxehxa urbo Tábor. La temo
de la 30-a ILEI-Konferenco estis „Rimedoj por la bona lernado kaj memlernado
de Esperanto”. Al la inauxguro de la Konferenco venis la vic-prezidanto de UEA
s-ino Renee Triolle kaj la prezidanto de la Akademio de Esperanto d-ro Werner
Bormann. Ambaux vizitoj tre gxojigis la partoprenantaron, cxar post longa tempo
la Konferencon partoprenis la reprezentanto de UEA kaj por la unua fojo oficiale
tiu de la Akademio. Ni
nur listigu titolojn de la prelegoj en la espero, ke pluraj iam trovos lokon en
IPR aux en aliaj E-revuoj: Instruado en
Ganao (Yaw Frempong), Kiu prover-bojn
ne uzas, ties parolo obtuzas (Till Dahlenburg),
Lerniloj por infanoj verkitaj en Usono (Ronald Glossop), E-instruado
en Alp-Adrio (Marija Belosxevicx), Lingvo-lernado
kiel rimedo de personeca disvolvigo (Pavla Dvorakova). Dum
la Konferenco funkciis du Mazi-studgrupoj kaj ankaux Cseh-metoda C-seminario.
Deko da junuloj partoprenis la programon de la 4-a ILEI Gimnazio. Komitatkunsido
ankaux cxi-jare formangxis belan parton de la programo. Tuj cxe la komenco, la
Komitato unuanime akceptis novan honoran membron, s-inon Mila v.d.
Horst-Kolinska - motoro de la „Mazi-projekto”. Krom la raporto pri la jaro
1995, la partoprenantoj tre vigle pridiskutis la laborplanon por la jaro 1997
(gxin vi trovos en iu posta numero de la revuo). Devigaj
estraraj elektoj ankaux cxi-jare alportis novajxojn. Nova-malnova kasisto igxis
Bertil Andreasson kaj la estraron eniris Raymond Wylleman, belga sekci-estro. Ni
uzas la eblecon kaj dankas pro la kunlaboro al la gxisnuna estrarano Till
Dahlenburg kiu forlasis la Estraron. La
Komitato pridiskutis kunlaboron de la Ligo kun movadaj kaj nemovadaj organizoj.
Oni notis pozitivan dauxrigon de la kunlaboro kun UEA kaj LIBE, kaj komencon de
la kunlaboro kun la Akademio de Esperanto, kun kies prezidanto la Estraro aparte
kunsidis. Ni esperas, ke ankaux aliaj E-organizoj kiuj estas tre proksimaj al la
E-instruado, edukado aux kiuj simple donas servojn al kursanoj estonte pli firme
ekkunlaboros kun ILEI. En
la sfero de nemovada kunlaboro kun granda atentigo oni auxskultis la raporton
pri la kontaktoj kun UNESKO. Unuanime, la komitatanoj decidis ke la ILEI-teamo
atenteme sekvu la evoluon cxe tiu organizo. Nova estrarano jam kolektis plurajn
utilajn adresojn al kiuj oni baldaux forsendos informojn pri ILEI kun la invito
al la kunlaboro. Estis
fondita la komisiono pri eksteraj rilatoj en kies kerno eniris gxisnunaj
aktivuloj cxe UNESKO kaj aliaj nemovadaj instancoj. La
venontjara ILEI-Konferenco okazos de la 27-a de julio gxis la 2-a de auxgusto
1997, en la cxirkauxajxo de Melborno kun la temo „Multkultureco kaj
lingvo-lernado”. La Gimnazio okazos, se aligxos suficxe da kandidatoj. La
komitatanoj pridiskutis ankaux la informkampon de la Ligo. Estis menciitaj
pluraj eblecoj, sed ni cxi tie menciu espereble baldauxan aperon de la ILEI
TTT-pagxo kaj informilo pri la agado kiu estos prilaborita ne nur en E-o, sed
ankaux en aliaj lingvoj, kio certe multon helpos en la varbado de novaj membroj,
kaj diskonigo de la gravaj atingoj de la Ligo en- kaj ekstermovade. Marija
Belosxevicx, sekretario
de ILEI Rezolucio La
30-a ILEI-Konferenco, okazinta en Tábor, Cxehxio, de la 27-a de julio gxis la
2-a de auxgusto 1996, kun 74 partoprenantoj el 31 landoj de cxiuj kontinentoj, – diskutinte
la Konferencan temon „Rimedoj por la bona lernado kaj memlernado de
Esperanto”; –
konsciante pri la
minacanta pereo de malpli grandaj lingvoj kaj kulturoj; kaj – certigante
ke la instruado de Esperanto celas demokratian komunikadon, transnacian
edukadon, pli efikan lingvo-instruadon, konservon de lingvaj rajtoj kaj
diverseco kaj homan emancipigxon, alvokas
la edukistojn,
kunlabore kun Tutmonda Kunagado, per siaj lerniloj kaj kursoj atentigi al
kulturaj, sciencaj kaj edukaj UNESKO-programoj cele al paca socio tutmonda, petas
UNESKO-n a)
atenti la klerigan rolon de Esperanto – la sola lingvo memlernebla por cxiu
homo – por internacia kunlaboro kaj reciproka aprezo kaj protekto de cxies
kulturo; b)
helpi en la evoluigo kaj disponigo de Esperanto-lerniloj al membroj de popoloj
kaj socigrupoj en malavantagxaj situacioj. |