Notlibro 99/3
Hejmen ] Supren ]

 

Konferenco 99
Rezolucio 99
Komitatkunsido
Biografio de Boo Mee
Kvazaulernejo
Seminarioj
El la landoj 99/3
Eseo lauxtlegita
Lingvaj ludoj
El niaj metiejoj 99/3
Nian karan...
Propedeutiko
Notlibro 99/3
Urso-kurso
Kvarteto

Por via notlibro

Sercxado de ekzerc-produktantoj


En la Pedagogia Eksperimentejo de Tria Roma Universitato ni estas konstruantaj Interretan Lingvan Laborejon (LIL), por trejni la lingvajn kapablojn de esperanto-instruistoj (kaj estonte uzebla ankaux por aliaj celoj, kiel projekto Interkulturo). Nun ni planas la strukturon de LIL, kiu antauxvidas multajn ekzerco-tipojn pri la parola kaj la skriba lingvo, krom konsultejoj de lingvaj materialoj. Temas interalie pri: teksto-kompreno, priskribado, diktado, teksto-kompletigo, signif-elekto, sintaksa transformado, ktp.

    Por cxiu ekzerco-tipo ni mem pretigos kelkajn prototipojn por provi la sistemon. Poste, por starigi la instruan kaj komputan strukturon de LIL, ni bezonos tauxgan nombron da aliaj divers-nivelaj lingvaj ekzercoj por cxiu tipo. Tio ja superas niajn modestajn homajn fortojn. Cxu trovigxas kunlaboremuloj, kapablaj pretigi kromajn ekzercajxojn laux donita modelo?

   Rimarkindas ke la enhavo de LIL estas cxiom esperantlingva; tial ne gravas la denaska lingvo de la ekzerc-auxtoroj. Ecx male: bonvenos alilandaj kontribuoj.

Por tia kunlaboro, retaneco preferindas, sed ne nepras. Fidante la mondan solidarecon, amike:                 Mauxro La Torre, <m.latorre@uniroma3.it>

Pri KVINPETALO

La ejo de nia sekva konferenco

Kvinpetalo estas la stagxejo, kulturcentro kaj studocentro de Societo Yvonne Martinot (SYM). Gxi kusxas en piktova regiono je 38 kilometroj de Poitiers. Eblas atingi gxin cxu  trajne tra Poitiers [puatie] aux Lussac-les-Chateaux cxu auxte por malkovri la regionon. La centron estras Georges Lagrange kaj Suzanne Bourot.  

Jen historieto pri la deveno de Kvinpetalo: Kiu estis Yvonne Martinot, la instiginto de Kvinpetalo? Sxi estis virino kripligita kiam 2 jara, kiu havis fortan volon. Sxi konatigxis kun Suzanne Bourot okaze de Freynet-renkonto. Sxi eklernis esperanton en 1971, sukcese trapasis ekzamenon «kapableco».. En 1984, dum kunveno pro preparo al "Altaj studoj' en la domo de Suzanne Bourot, kreigxis Esperanto-centro sub instigo de Yvonne Martinot.

    Sxi forpasis la 4an de januaro 1985, sed jam la bazo estis firma. Per la kapitalo kiun Yvonne Martinot postlasis, Suzanne Bourot instaligis jam tranoktejon, klascxambron kaj ecx dusxejon en iama bovinejo, kusxanta en la sama korto kiel sxia domo. 6 tranoktadoj eblaj, tiutempe kaj 20 membroj proviziis 2 somerajn stagxojn. En 1985, tiu gxermo farigxis Societo, laux franca legxo 1901 kaj komencis granda starto. En 1987, oficiala inauxguro de Gaston Waringhien kaj la stagxejo dauxre kreskas, pli da stagxanoj, pli da stagxoj, kaj pli komfortigo de la stagxejo, nun nomita Kvinpetalo. Post acxetado de aliaj dometoj en la korto, arangxado, plikomfortigo la nuna situacio estas jena: 25 tranoktadoj eblas, 15 stagxoj disvolvigxas, kun 250 membroj inter kiuj pli ol 150 dumvivaj. Sume por 1998, 200 stagxanoj, 1100 tranoktadoj, kaj 3000 mangxo-preparoj. Gxi estas vizitita de multaj alilandanoj, kaj gxi ricxigxis pere de heredo de bibliotekoj de Gaston Waringhien, kaj Roger Bernard.

La celoj de la societo estas (lauxstatute):

-          instruado kaj praktiko de esperanto,

-          preparado pro internaciaj kaj francaj ekzamenoj,

-          organizado de stagxoj kaj lingvaj restadoj por la formado de esperantistaj kadroj,

-          partopreno al promocio de Esperanto, eventuale kunlabore kun aliaj asocioj aux kulturaj organizoj.

Spegulante tiun statuton, stagxoj diversaj okazis, de ABC gxis PIVo, de baza lernado gxis preparo al ekzamenoj, de historio de la lingvo gxis historio de Zamenhof, de literaturo gxis konatigxo kun eminentaj verkistoj, de redaktado de jxurnalo gxis hispana poezio, de flauxristoj jogantaj gxis ornitologoj piedmigrantaj, cxiu povas elekti sian preferatan temon. Gxi organizas perkorespondan kurson kvarnivelan. La unua nivelo tauxgas por komencantoj, la dua por progresantoj. La aligxintoj ricevas lecionojn kaj taskojn, la taskon ili devas resendi por korektado.

     Stagxoj dauxras 5 tagojn, vi povas peti programon pere de adreso: Kvinpetalo, Esperanto-centro, rue du lavoir, FR-86410 Bouresse, Francio aux pere de interreta adreso: <members.aol.com/yannick.dum/kvinpetalo.html>

Marie MALEZIEUX-HUNNINCK el Bouresse, Francio

 

Kompletigu vian kolekton de "La Praktiko"!

Ili estas plenaj je interesaj legajxoj en modela stilo, taskoj por lingva ekzercado kaj kontrolo, sxercoj, anekdotoj kaj enigmoj. Ili ilustras interesan kronikon de la tiutempa tutmonda Esperanto-Movado. Ili estas nepre legindaj! La prezo de binditaj jarkolektoj estas NLG 18,00. En stoko estas ankoraux ekzempleroj de la jaroj 1933, 1934 kaj 1950. Ni havas je dispono ankaux kelkajn nebinditajn jarkolektojn de la jaroj 1939, 1940, 1941, 1946, 1948, 1949, 1951, 1952, 1953, 1955, 1956, 1957, 1958, 1959, 1960, 1961, 1963 kaj ili kostas po NLG 15,00.

Haveblaj estas ankaux lozaj numeroj de diversaj jaroj kaj ili kostas po NLG 2,00.

Al cxiuj netaj prezoj aldonigxas 10% pro sendokostoj. Minimumaj sendokostoj estas NLG 5,00.

Internacia Esperanto-Instituto, Riouwstraat 172, NL-2585 HW Den Haag, Nederlando. Tel +31 70 355 66 77. Fakso + 31 70 358 44 22

 

Interesa SEK-statistiko


Unu el la plej laboremaj instruantoj en la anglalingva senkosta E-kurso (SEK) sendis al mi sian statistikon de la jaro 1998. Gxi helpas al ni taksi la efektivan sukceson de la SEK-oj:


Leciono                 Cxesigis (%)                Faritaj(%)                Fortimigas(%)

0                              64,5                         100
1                              9                              35,5                         65
2                              4,5                           26,5                         26
3                              2,5                           22                            17
4                              2                              19,5                         12
5                              3                              17,5                         10
6                              2,5                           14,5                         17
7                              0                              12                            17
8                              0                              12                            0
9                              1                              12                            0
10                            11                            11                            8

Legu la statistikon jene: La kolumno "cxesigis" montras, ke 64,5% el tiuj, kiuj ricevis la kursmaterialon, ne sendis ecx unu ekzercaron al la instruanto. Naux procentoj sendis precize unu ekzercaron. Unu procento sendis precize naux ekzercarojn. La kolumno "Faritaj" montras, ke 35,5% el tiuj, kiuj ricevis la kursmaterialon, sendis almenaux unu ekzercaron al la instruanto. La kolumno "Fortimigas" montras, ke ok procentojn el tiuj, kiuj sendis la ekzercojn de la nauxa leciono, fortimigas la fifama deka leciono.


    Do, sxajnas, ke triono el tiuj, kiuj petas la kurson, efektive komencas gxin. Kaj triono el tiuj, kiuj efektive komencas la kurson, finas gxin. (Aktuale la kurson petas po 70 homoj cxiusemajne.) Kompreneble, cxi tiu statistiko montras la nombrojn de nur unu instruanto, sed oni rimarku, ke la nombro 35,5% tute ne dependas de la instruanto, cxar la instruanto ne kontaktas la kursanon antaux la unua ekzercaro.


    La sama instruanto raportas, ke la finintoj bezonis de 1 gxis 259 tagojn (meze 68) por fini la kurson.

Marko Rauhamaa

<marko.rauhamaa@iki.fi>