|
Ni
kondolencas
Elstara
kaj gxisosta esperantisto forlasis nin. La 12-an de marto 1999 forpasis en la
agxo de 75 jaroj, post kelkmonata malsano, U OENE HOEKSTRA[Une
Hukstra] Honora Membro de ILEI, UEA kaj la Nederlanda ILEI-sekcio. Esperantisto
de 60 jaroj, li dedicxis sian tutan vivon al Esperanto. Li multe instruis
Esperanton aux, kiel li mem diris, li ne instruis la lingvon, sed faris la
lernantojn esperantistoj. Li iniciatis kaj lancxis kampanjon
"Esperanto-100", en la kadro de la centjarigxo de la lingvo. Li
kompilis varbilon por la libro "Esperanto Programita" (tiam ankoraux
kun gramofondisketoj) kaj forsendis centojn da ekzempleroj. Tiel li gajnis
multajn novajn adeptojn. Li tre aktivis por ILEI, precipe por la Nederlanda
sekcio. Lin interesis novaj instrumetodoj. Konvinkite de la valoro de la
"Esplor-kreiva vojo", iniciatita de d-ro Knibbeler, li organizis
kurson por studentoj en la universitato de Nijmegen kaj studotagon en sia
logxloko Schoorl. Li prezentis la metodon ankaux dum studotago en Hago. La
funebran ceremonion cxeestis plurdekoj da esperantistoj, reprezentantoj de la
loka grupo, de la landa asocio, de la Nederlanda ILEI-sekcio kaj de UEA. Ni
danke rememoros lin. Hans
ten Hagen
|