ILEI
La logotipo de ILEI.
   Internacia Ligo de Esperantistaj Instruistoj.

  ...ni instruas Esperante!


   Ĉefpaĝo
   Instancoj
   Agado
   Dokumentoj
   Revuoj
   Adresoj

   

 

Kontaktu ILEI!

Hungara sekcio de ILEI

Sonmaterialoj kun Istva'n Szerdahelyi (kompilis Ma'rta Kova'cs)

En 1972 ekis trijara koresponda kurso en la Esperanto-fako de la Universitato Eo:tvo:s Lora'nd (ELTE) en Budapesxto. Naux personoj diplomigxis en 1975. Inter ili trovigxis BARCSAY Zsuzsa (prononcu: barcxai jxujxa), kiu ekhavis la ideon magnetofone registri kelkajn prelegojn de profesoro SZERDAHELYI Istva'n (prononcu: serdaheji isxtvan). Zsuzsa ilustris per la registrajxoj memorprelegon pri profesoro Szerdahelyi, kaj antaux sia morto sxi testamentis ilin al mi. Kiel unu el la komisiitoj zorgi pri la heredajxo de Zsuzsa, mi pensis publikigi tiujn registrajxojn omagxe al ili ambaux.

Nia kolego NE'METH Jo'zsef (prononcu: nemet jojxef) entreprenis la teknikan arangxon. La tuta materialo aperis sur KD en MP3 formato kaj nun gxi estas auxskultebla ankaux interrete. Alia KD (en tradicia auxdformato) enhavas fragmentojn el la parto Esperantologio.

Kaj la enhavon kaj la kvaliton de la registrajxoj influis, ke ne temas pri prelego destinita al publiko pli vasta ol la tiamaj studentoj de la seminarioj. Temas vere pri fragmentoj el tiuj prelegoj, registritaj por privataj celoj, aldone al skribaj notoj. Ili tamen povas esti interesaj por revoki la etoson de la kursoj de profesoro Szerdahelyi por tiuj kiuj havis la felicxon partopreni ilin aux havigi iun ideon pri ili al tiuj kiuj ne havis la bonsxancon koni lin persone. Pere de ili oni povas rekoni la brilan preleganton, eksenti la rilaton inter profesoro kaj studentoj, vidi iom la sistemon kaj postulojn de tiuj kursoj, la nivelon de la studoj. Kolorigas la materialon la fremdaj sed memorataj eksteraj bruoj: la trafiko de la strato Pesti Barnaba's cxe malfermitaj fenestroj, la grincado de la pordo, la tajpbruo de la sekretariino, ktp.

Okazas devojigxoj de la cxeftemo, menciatas ekzemple fumado, kaj lacigxo foje paroligas en la gepatra lingvo. Por gardi la cxarmon de auxtenteco mi decidis ne tusxi la enhavon de la registrajxoj. La redaktado signifis kreon de cxapitroj en la materialo kaj aldonon de enhavtabela priskribo de tiuj partoj.

Do, karaj auxskultantoj, bonvolu konsideri tiujn prelegerojn kiel dokumenton el unika dudekjara periodo de la universitata instruado de Esperanto, ligita al profesoro Szerdahelyi.

(Pri Istvan Szerdahelyi aperis artikolo de dr-ino Ilona Koutny en IPR 1997/3 okaze de la 10-a datreveno de lia morto, krome en la numero 1998/1 tri artikoloj okupigxas pri tiu cxi temo, jen la verkintoj: d-ro Detlev Blanke, d-ro Blazio Vaha kaj d-rino Katalin Smideliusz)

Enhavtabelo

I. Esperantologio

  1. La enhavo de la ekzameno pri Esperantologio (1.889.550 bajtoj)
  2. La apero de Esperanto sur diversaj geografiaj teritorioj (2.550.762 bajtoj)
  3. La apero de Esperanto en Rusio (4.768.035 bajtoj)
  4. La apero de Esperanto en Germanio, Svedlando kaj Francio (3.316045 bajtoj)
  5. Lingvoprojektoj de Zamenhof (15.667.157 bajtoj)
  6. Kial nur Esperanto povis tutmonde disvastigxi?(7.934.912 bajtoj)
  7. Reformprovoj kaj solidigxo (11.822.350 bajtoj)
  8. La dua kongreso - prelegas BARCSAY Zsuzsa (7.934.912 bajtoj)
  9. La kvina kongreso - prelegas CSERNE Tibor (8.554.745 bajtoj)
  10. La sesa kongreso - prelegas BA'NA'TINE' NAGY Katalin (6.393.896 bajtoj)
  11. La oka kongreso (4.548.607 bajtoj)

II. Lingvopriskribo

  1. La verbo. (Finajxoj. Modoj. Tempoj. Kompleksaj verboformoj.) (16.622.653 bajtoj)
  2. La verbo. (Vocxo. Aspekto.) (16.988.368 bajtoj)
  3. La participoj (6.348.339 bajtoj)
  4. Derivado. Aspekto. Prefikse uzataj prepozicioj. Infinitivo. havi/esti. (16.940.678 bajtoj)
  5. La lingvopriskribo en Eo (Metalingvo. La morfologia karaktero de Eo. Sintagmaj rilatoj.) (21.292.469 bajtoj)

III. Interlingvistiko

  1. Objekto de interlingvistiko. Interlingvistikaj teorioj. (Apologio de Eo.) (30.025.727 bajtoj)
  2. Kelkaj demandoj de la ekzameno (Semiotiko. Pazigrafioj. Aprioraj lingvoj. Volapu:k. Latino sine flexione. Minimumlingvoj. La kompromisaj kaj zonaj lingvoj.) (24.482.376 bajtoj)
  3. La Delegacio kaj Ido (32.166.137 bajtoj)

 


© Internacia Ligo de Esperantistaj Instruistoj