|
[stato fine de 1998] Bertil
Andreasson:
Jennifer
Bishop:
Naskigxinte Anglion, en E-parolantan familion (avo kaj gepatroj),
mi unue konsciigxis pri nia lingvo en 1947 kiam vizitis nin francaj
esperantistoj. Tiu sperto vekis intereson pri lingvolernado, tiel ke mi studis
la germanan kaj francan lingvojn cxe Universitato de Southampton, kie mi
diplomigxis ankaux kiel instruisto. Edzinigxinte en la sama jaro, 1962, mi
vojagxis kun mi edzo tuj al Universitato Harvard, Usono. 1965, reirinte al Anglio, mi komencis instrui la francan cxe
unuagrada lernejo kaj poste la germanan al plenkreskuloj. Post pli ol dudek
jaroj, organizinte intersxangxojn inter Kembrigxo kaj gxiaj diversaj
gxemelurboj, mi reinteresigxis pri E-o. Mi membrigxis al la Kembrigxa E-o Klubo. Elmigrinte kun mia edzo en 1992 al Auxstralio, mi decidis dedicxi
min kiom eble plej multe al E-o. Konscie pri mia entuziasmo, mia edzo, nun
Prof-o pri Edukado, decidis kune partopreni Auxstralian Esperanto-Somerlernejon,
kaj por lerni la lingvon kaj por poste prezenti al AEA novan
esplor-eksperimenton, nomata EKPAROLI. Ekde la venonta jaro, 1995, mi instruis
E-on cxe tri publikaj unuagradaj lernejoj, uzinte niajn proprajn
lernmaterialojn, kreitaj por akompani la unuan provvideon de Mazi en
Gondolando. Mi instruas al cxiu klaso, al la nula gxis la sesa de unu
lernejo, Carrum PS. Tre bonsxance 15 gelernantoj povis partopreni la 82-an UKE
en Adelaide, kie ili prezentis skecxon dum Tago de la Lernejo. Carla
De Lorenzi: Mi
naskigxis en Milano (Italio). Mi diplomigxis kiel librotenisto,
steno-daktilografisto, sociaedukisto. Mi laboris en diversaj fakoj, kiel
administranto, sekretario, instruisto de la angla lingvo, estrino de usona
komerca entrepreno. Dum 40 jaroj mi okupigxis volontule pri maljunuloj, sed
lasttempe mi dauxrigis tion profesie en regiona agado, ankaux kun junuloj kaj
kiel estrino de sociaj kursoj por sociaj asistantoj kaj plenkreskuloj. En
la E-a agado: en 1970 mi helpis organizi la nacian kongreson sur la sxipo
Caribia, kiel kasistino. En 1984 mi organizis en Torino la ekspozicion pri
lerneja korespondado. Mi prelegis en Chiavari kaj Rapallo pri Cxinio. En Francio
mi prelegis “Kiamaniere maljunigxi bone” kaj en Hispanio pri “La vivo de
S-ro Cseh”. Dum pluraj jaroj mi estis konsilanto kaj estrarano de IEF.Mi estis
delegito de UEA kaj nun fakdelegito pri instruado. Mi
havas la 1an, 2an 3an diplomon de la “Instituto Italiano di Esperanto” –
la mezan ekzamenon de UEA/ILEI – la diplomon, kiel Cseh-instruisto de IEI –
en 1989 en La Chaux-de-Fonds, mi ricevis la ateston de “Instruanto de
ILEI/UEA”. Mi
gvidis plurajn kursojn en diversaj urboj de Italio. Mi instruis precipe laux
Cseh-metodo, sed ankaux laux Zagreba metodo, la auxdvida metodo de Sekelj kaj
laux Mazi. En 1996 mi sekvis la BEK-kurson de Prof. Dennis Keefe. Eksterlande
plurfoje mi gvidis kursojn en Francio kaj Svislando. En Hispanio dum kvar jaroj
mi gvidis kursojn dum la Internacia Kultura kaj Turisma Semajno en auxtuno.
Pasintjare dum la 5a Internacia Kultura kaj Turisma E-o-semajno en Sant Carles
de la Rapita (Taragona) Katalunio-Hispanio mi gvidis kursojn laux la Cseh-metodo
uzante ankaux Mazi-n. Dum 1997 mi instruis en Lugano en februaro. Mi
estis invitata instrui en Lyon (Francio) en junio de “Centre Espéranto de la
Région Lyonnaise Association Culturelle”, kie oni organizis intensivan kurson
por komencantoj kaj Seminarion A por Cseh-instruistoj. Mauxro
La Torre: Naskita en Romo (Italujo), kie li ankoraux logxas, je 1946.11.11, li
esperantigxis en 1962. Doktorigxis pri matematiko en 1974 kun disertajxo pri
matematika lingviko. Ekde 1974-a dum 15 jaroj li instruis en bazlernejoj, samtempe laborante por
instruista trejnado, kunlabore kun itala instruista asocio CIDI. Ekde 1987-a, li laboras en la Klerigscienca Departemento de la Tria Roma
Universitato, pri auxtomatigo en ekzamenado, instru-teknologioj, teleinstruado,
komputiko, lingva statistiko, terminologio, lingvopolitiko. En tiuj kampoj li
publikigis plurajn verkojn (http://www.uniroma3.it/lps/p/lato/lm_bib.htm). En la esperantologia kampo, siatempe li membris en la estraro de IEJ
(Itala E-Junularo), kunlaboris en la terminara komisiono de IAdEM
(Internacia Asocio de Esperantistaj Matematikistoj), verkis iujn lernolibrojn
kaj artikolojn precipe pri vortaraj kaj terminaj problemoj. Nuntempe li redaktas lingvopolitikan rubrikon (Barbarismi) en
instruika fakrevuo Cadmo, respondecas pri lerneja instru-eksperimento ESP2
koncerne influon de E-lernado al la lingvo-konscia kapablaro, kunlaboras en la
konstruado de LIL (Lingva Interreta Laborejo), kaj kunordigas la
internacian interlernejan edukprojekton Interkulturo en la kadro de
programo Unesko/Linguapax. Jorge
Antonio Leoni de Leon:
Naskigxinta
en 1970, kostarikano. Magistro pri hispana filologio. Membro
de UEA ekde 1991, delegito ekde 1993. Instruis unuafoje en la lando
priesperantan oficialan kurson en la Universitato de Kostariko (1991) kaj
semestran E-kurson (1993). Volontulis en la CO en 1993. Cxefa reaktiviginto de
la kostarika movado. Kunfondis kaj prezidis Universitatan E-Klubon "Carlos
Gagini" (1992) kaj Kostarikan E-Asocion (1996); nun vicprezidanto de KREA.
Prezidis la LKK-on de la Tria Amerika Kongreso de E-o (1997). Reprezentanto de
ILEI en Kostariko 1994-97. Partopreninto de la Konferenco de ILEI en Porvoo, Finnlando (1995). Studinto
de la supera kurso de E-o de San Francisco State University (1992) kaj
sukcesinto de la Meza Ekzameno de E-o UEA/ILEI (1992). Faris la "A" Cseh seminarion en
Kostariko en 1992.
Stefan
MacGill: Naskigxis
en Lower Hutt, Nov-Zelando en 1948. Denaska esp-isto. Kunfondinto de E-a
Junulara Asocio de Nov-Zelando (1964) kaj aktivulo tie gxis 1972. Studis en
Universitatoj Victoria, Canterbury kaj Massey (69-75), cxefe geografion.
Diplomigxis kiel instruisto por elementaj lernejoj en 1974. Volontulo
(la dua en la programo) en la CO de UEA (1976), oficisto (1977-86).
Redaktoro/kunordiganto de Jarlibro (76-86), teknika redaktoro de Kontakto
(78-86). Vicprez. de TEJO (77-79), prez. (1979-80). Direktoro de CO
(1980-84). Redaktoro de Juna Amiko (1986-96). Vicprez. de
ILEI (1989-92), prezidanto (1992-94). Restariginto de la ekzamenoj UEA/ILEI kaj
gxia sekretario (1989-95). Profesie
ekde 1989 verkas manlibrojn kaj help-tekstojn por komputilaj programoj (optika
karaktro-rekono). Esploras lingvo-didaktikon kaj preparas E-ajn
instru-materialojn. Interesigxas pri transporto; precipe fervojoj kaj iliaj
horaroj. Vivas
en Hungario de post 1986. Havas du filinojn, Karina (1990) kaj Hajnal (1992),
ambaux denaskaj esp-istoj. Verkis
21 eldonajxojn, 14 en E-o, inkluzive "Tendaraj Tagoj", kajeroj 1 (2
eldonoj), 2 (2 eldonoj), kaj 3 , kaj planas ankoraux 8 eldonajxojn ekde julio
1998, inkluzive instruistan gvidilon por la dua kajero de "Tendaraj
Tagoj", apogan materialon por Mazi en Gondolando, kaj alfabet-libron por
infanoj kaj iliaj gepatroj. Atilio
Orellana Rojas: Li
naskigxis en 1963 en Argentino. En la Nacia Universitato de Cordoba (Argentino)
li diplomigxis kiel magistro pri klasika filologio kaj en tiu sama institucio li
poste instruis romanistikon. En la lernejo "Alexander Pushkin", en
Cordoba, post 4-jara studperiodo, li atingis la titolon de instruisto de la rusa
lingvo kaj iom tuj post tio li ekinstruis tiun lingvon en tiu sama instituto. Li
realigis studojn ankaux pri filozofio kaj teologio cxe la filio de la Gregoria
Vatikana Universitato en Argentino. Pro sia forta intereso pri kompara
gramatiko, li studis diversajn aliajn lingvojn (portugalan, hebrean, germanan,
francan, kecxuan, svedan). E-on
li lernis auxtodidakte en 1984 kaj iom poste, konatigxinte kun Cseh-metodo,
sekvis la diverssxtupajn seminariojn kaj en 1990 dum la ILEI-Konferenco en
Hanabanillas (Kubo) diplomigxis kiel Cseh-instruisto kaj en 1992 kiel gvidanto
de seminarioj pri Cseh-metodo. De
kelkaj jaroj li vizitas diversajn landojn por instrui rektmetode E-on en
malsimilaj niveloj. Li jam gvidis kursojn en 5 kontinentoj en pli ol 50 landoj.
Li realigis prelegvojagxojn en pluraj landoj por diskonigi plurajn aspektojn de
la indigxenaj kulturoj de Ameriko, iliaj lingvoj, muziko, ktp. Li
vaste verkis kaj hispane kaj E-e pri cxi tiuj temoj kaj tio aperis en kelkaj
E-revuoj kaj en specialigitaj revuoj en Argentino. En
la E-movado li jam plenumis diversajn oficojn kaj dauxre estas diversgrade
engagxita. En ILEI li membras de 1989 kaj de 1993 li estis Reprezentanto por
Ameriko en la Internacia Ekzamena Komisiono de la Internaciaj Ekzamenoj de
UEA/ILEI. De 1995 li estas estrarano de cxi tiu organizo kaj li respondecas pri
Konferencoj kaj Ekzamenoj. Ene
de UEA li plenumas la rolon de Komisiito pri Amerika Agado de 1994 kaj estas
dauxra kontribuanto al la pagxoj de "Kontakto". |