En IPR 00/4 ni aperigis alvokon por varba direktanto por Juna amiko. Ni havas iujn reagojn, sed neniun nomiton, do pliaj anoncigxoj estas bonvenaj. Nun ni anoncas la ceterajn du oficojn, por kiuj ni petas sinanoncojn: Ni skizas la cxefajn taskojn.

Administranto por Juna Amiko

*  Teni datumbazojn de la adresoj de abonantoj (nuntempe en 4 dosieroj en Works 4.0 por pagintoj (900+ adresoj), perantoj (40+), senpagaj (100+) kaj brazilaj (900+).

*  Enskribi alvenantajn abonojn cxiujare, korespondi kun perantoj pri malklarajxoj, kontroli kontrau listoperdoj.

*  Liveri al la ekspedantoj etikedojn por cxiu ekspedo (kun kvantindikoj kaj cxiu plia necesa informo).

*  Akiri fresxajn adresojn de perantoj, kaze de nelivereblaj gazetoj.

*  Kompili laulandajn statistikojn; resumi kaj kontroli alvenojn de abonpagoj. Pretigi jarraporton.

Ekspedanto por Juna Amiko

*  Ricevi gazetojn kvar-foje jare (nun 2000 ekz., cx. 80 kg.). Stoki la restajxojn.

*  Ricevi kunsendajxojn (varbilojn, flugfoliojn ks.)

*  Mendi pakmaterialojn, antauprepari sendotajxojn, arangxi kaj kompensi helpantojn.

*  Rilati kun eksped-kompanio, administri gxiajn fakturojn, arangxi la pagadon.

*  Kontroladi eksped-ofertojn, cele al pli avantagxaj (pli ol 60% de cxiuj kostoj estas ekspedaj).

*  Ricevi kaj solvi presejajn fakturojn, kunlabore kun la kasisto de ILEI.

La nuna kompenso por la skizitaj laboroj (varbado, administrado, ekspedo) estas cx. 32 EUR numere, kun plia 32 EUR por la ekspedo-helpantoj. Tiu sumo estas reviziebla.

La ekspedanto devas trovigxi samurbe kun la presejo, la administranto prefere, sed ne nepre. La varbanto povas trovigxi ie ajn, sed prefere kun ret-konekto.

Viaj anoncigxoj estas ege bonvenaj - subtenu cxi tiun praktikan agadon de la ligo!

SMG