|
|
|
|
El
la landoj kaj sekcioj Albanio Terminaro
pri matematiko Lastatempe
s-ro Bardhyl Mezini kompilis dudirektan, malgrandan fak-vortaron pri matematiko,
surbaze de ekzistanta terminaro bulgara-rusa-esperanta de s-ino Daniela Deneva,
eldonita en Sofio 1985. La venontan lernojaron s-ro Mezini intencas starigi
E-kurson en Fakultato de Naturaj Sciencoj. Tiel krom ekzistantaj bonaj
poralbanaj E-lernolibroj ties studentoj ekposedos ankaux fakvortaron sian. Cxu
vi provos verki similajn aliajn fakvortarojn laux via studkampo? Ne hezitu! laux
Zamir Gjurgji, el la Bulteno de Albana ILEI-Sekcio, junio 1999 Bosnio
kaj Hercegovino (Serba Respubliko) La
3-a Somera Esperanto-Lernejo Teslicx
La
tria sesio de Somera Esperanto-Lernejo, en julio 1999, signifas gxian pluan
progreson, kun 25 diplomoj kompare kun 10 pasintjaraj kaj 12 partoprenantoj en
1996. Sep partoprenantoj pasis A-ekzamenon, 14 finis A-progresigan kurson kaj 4
ricevis B-diplomon. La kursojn gvidis Miodrag Kocicx kaj Radojica Petrovicx el
E-Instituto Beograd kaj Vukasxin Cxuticx el Banja Luka. Dutagan porinstruistan
seminarion gvidis Radojica Petrovicx kaj partoprenis 5 instruistoj kaj kvar
novuloj, kiuj ankaux faris provlecionojn en la A-progresiga kurso. [...] La
lernejo dauxrigxis kaj finigxis per dutaga 4-a esperantista renkontigxo de Serba
Respubliko kun cxeftemo „Praktika uzado de Esperanto en la mondo”. Aparte
gxojiga estis partopreno de 16-membra grupo de mezlernejanoj el Pale cxe
Sarajevo, kiun gvidis la instruistino Nada Cxvoro. Ilia apero signifas revivigon
de tiu Esperanto-centro, iam konata pro la somera Esperanto-lernejo en
Stambulcxicx cxe Pale. Post rondotabla diskuto pri Esperanto-instruado kaj pri
la projekto Interkulturo, s-ino Cxvoro decidis proponi al la direktoro de la
mezlernejo en Pale aligxon al Interkulturo. Radojica
Petrovicx Cxinio E-kurso
en Tianjin
En
la lastaj jaroj aktivas cxinaj membroj de ILEI en la havenurbo Tianjin. Ili
gvidas diversajn elementajn, progresigajn, superajn kaj konversaciajn kursojn.
Inter la lernantoj aperas novaj esperantistoj. Cxi-jare funkcias tri E-kursoj. S-ro
Han Zuwu, delegito pri instruado de UEA, membro de ILEI, gvidas kurson por
ekzerci membrojn de Tianjin-a E-Asocio kaj delegitojn cxeestantajn la 2-an Azian
Kongreson en Hanojo, Vjetnamio cxi-auxguste. 20 diversagxaj (de 13 gxis 72)
gelernantoj studas kaj praktikas cxiudimancxe. En la kurso s-ro Han uzas
video-bendon „Mazi en Gondolando”, kiun donacis al li s-ino Mila v.d. Horst
Kolińska de Nederlando dum renkontigxo en Lodzo, Pollando.
S-ro Paul Desailly de Auxstralio laboras nun en Tianjin-a Komerca Universitato
kaj gvidas kursojn inter instruistoj kaj studentoj. Pli ol 30 junuloj lernas
E-on diligente. Paul kaj liaj studentoj ofte vizitas la Esperanto-salonon de
Tianjin-a E-Asocio. S-ino
Liu Jun gvidas kurson en Guohuangzi-mezlernejo de Tianjin. Sxi instruas
Esperanton al dudekkvin 13-15-jaragxaj lernantoj. Unu el iliaj lernomaterialoj
estas Juna Amiko. La junajn lernantojn ofte vizitas alilandaj esperantistoj,
inter ili estas Natalie Schuchert kaj Paul Desailly. Ili ankaux korespondas kun
amikoj de diversaj landoj. Han
Zuwu, cxina sekcio de ILEI Wan
Xin Cun 5 Qu, 21 Lou 1 Men 501, CN-300 162 Tianjin, Cxinio. Telefono
kaj fakso: 86-22-8476 5557 (H) Finnlando Someraj
kursoj En
julio hungara d-rino Smidéliusz Katalin invitite gvidis 2 kursojn en Finnlando.
Unue okazis trejniga 12-hora "Edusem" por instruistoj kaj poste
20-hora progresiga kurso kun la temo "Finnlanda kulturo" por
studantoj.
Samtempe okazis komencanta kurso gvidata de la sekci-estro surbaze de la
jxus-aperinta finna traduko de la lernolibro "Egaleco kaj paco per
Esperanto" de Lars Forsman. Cxiuj kursoj havis vesperajn programerojn, kie
oni lernis kaj amuzis sin per Esperanto: la kursanoj i.a. vizitis parkon,
ekologian ekspozicion "Mola teknologio", lernis fari florojn el
papero, auxskultis raporton pri la nuna vivo en Hungario. La kursanoj ankaux
ekspoziciis siajn plej novajn kaj interesajn E-librojn. La kursanoj ricevis
atestilon pri sia partopreno. Estus bone, se ILEI havus internacie uzeblan
modelon por tia atestilo, kie estu menciataj ankaux la nombro de la instruhoroj,
la nivelo kaj enhavo de la kurso.
D-rino Smidéliusz tre lerte gvidis la kursojn en vigla rekta metodo. Sxi multe
uzis aktualajn bildojn kaj artikolojn el la gazetaro, tradukigis aux resumigis
tagajn novajxojn, konversaciigis. Forpasis
dumviva membro
S-ro
Hemmo Tietti, origine germano Helmuth Dibelius naskigxinta en 1911, dumviva
membro de ELFI/ILEI, forpasis la 20an de majo 1999. Siatempe li multege agadis
en la finnlanda kaj internacia E-movado, korespondante, telefonante, prelegante,
instruante. Unu el liaj fakoj estis stenografio, alia unitarismo. En la lasta
jaro li ne plu havis forton mem skribi sed diktis la leterojn. Lia nomo restos
en memoro pro la Tietti-instituto en Togolando, kiel mencias Gbeglo Koffi en
"Esperanto" (junio 1999).Tombon aux nomsxildon li nenie volis havi,
sed pro sia firma vivofido li ankoraux en decembro 1998 diris: "Suficxas ke
ni pensu unu pri la alia silente... Mi ekzistos plu, iel kaj ie. Ion mi
faros." Raita
Pyhälä, sekciestro Finnlando-Pollando Kunlaboro
de pola kaj finna lernejoj La
6-an kaj la 7-an de junio per la ret-radio Pola Radio auxdigis intervjuon kun
Jorma Ahomäki el Piispanristi (Finnlando) pri la kunlaboro inter Kultur-centro
de Milanowek kaj lernejo de Piispanristi en la suda Finnlando. Temas pri
intersxangxo de infandesegnajxoj. La intersxangxo efektivigxis per Esperanto.
La finna ekspozicio funkciis en Milanowek dum la tuta majo, aliflanke la
ekspozicio de la desegnajxoj de polaj infanoj same en majo estis prezentita en
la lernejo de Piispanristi. Poste oni montros gxin en Hyvinkää – suda
Finnlando.
En Milanowek cxi-monate, nome la 20-an de junio oni malfermos grandan
ekspozicion de infandesegnajxoj el 19 landoj. Temas pri cx. 400 desegnajxoj,
pentrajxoj kaj aliaj artajxoj je la komuna titolo "Mia malgranda
patrujo". Gxi ankaux realigxis per Esperanto. A.
Pettyn, <pettyn@radio.com.pl> (el
Ret-Info) Francio Korespondpeto
I. „Kiam
mi gluas la markojn, mi amare pripensas… Imagu, ke por la Esperanta
infanklubo, kiun mi estras, de 10 jaroj mi ne sukcesis trovi korespondantojn ecx
en unu el la 15 landoj de Euxropa Komunumo. Mi tre facile trovas alie en la
mondo. Ni havis en 1999 fruktajn intersxangxojn kun 15 landoj, sed neniun cxe
niaj proksimaj najbaroj. Mi vane sercxis en Germanio, Italio, Hispanio,
Britio… Mi mendis cxe Mondskala Servo, en la gazetoj mi gvatas. Nur unufoje
estis anonceto de infangrupo en Italio, al kiu ni rapide faris allogan
prezentadon de nia klubo kaj regiono, sed sen respondo… .Tamen, se ni deziras
Esperanton, kiel komuna lingvo, ni nepre devas komenci kun la infanoj!
Do, mi alvokas pere de IPR, favore al 12 gelernantoj inter 11 kaj 14 jaroj. Nia
adreso: Esperanto-klubo, Collège Yolande d’ Anjou, FR-49490 Noyant,
Francio Madame
Paulette Naulet Korespondpeto
II. Mi
estas franca instruistino en antauxelementa lernejo (infan-lernejo) nomata
"Les 4 vents -Martin Luther King" en la urbo Chateauroux (centra parto
de Francio). De kelkaj jaroj ni korespondas kun diversaj klasoj en la mondo, sed
pro projekto SOCRATES ni nepre bezonas plurajn korespondantajn klasojn euxrope.
Ne gravas se la infanoj de la korespondantaj klasoj estas pli agxaj ol la niaj.
Skribu al Maryvonne
Houviez rete: Maryvonne.houviez@wanadoo.fr Germanio
PSI
– Denove Mazi
Mazi
en la filmo - Mazi-pupoj – Mazi-kantoj – Mazi en scenoj – Mazi-ajxoj –
cxio cxi dum la 15-a PSI (Printempa Semajno Internacia) okazinta inter la 3-a
kaj 10-a de aprilo 1999 en Germanio. En la rekorda nombro de partoprenantoj
(159) konsiderinda kvanto estis infanoj. Mazi-n elektis po 2-foje tage la pli
etaj el ili, gxis proksimume 10-jarulo. Kompreneble la nivelo de la lingvoposedo
de infanoj ege diversis. Malgraux tio la Mazi-fabelo tenis la atenton de la
etuloj kaj inspiris ilin al agrabla kunludado. [la sekva foto farigxis dum la
cxi-jara PSI] Katarína
Bodnárová Hlavná
63, SK-07631 Streda nad Bodrogom, Slovakio NdlR
– La sekva, 16-a PSI okazos en St. Andreasberg (montaro Harz, Germanio) inter
la 17-a kaj 24-a aprilo 2000. Aligxoj, informoj: Wolfgang Bohr,
Johannes-Kirschweng-Str. 11, DE-53474 Bad Neuenahr-Ahrweiler, rete: psi@esperanto
.de, http://www.esperanto.de/psi Instruista
Seminario De
la 5-a gxis 7-a de novembro 1999 okazos en Wiesbaden seminario pri
"Komunika Esperanto-Instruado". Gxin gvidos - cxefe surbaze de spertoj
el instruistaj seminarioj de popolaj altlernejoj – d-ro Ulrich Matthias,
Ohmstr. 13, DE-65199 Wiesbaden, rete: <Ulrich.Matthias@t-online.de> Hispanio Nova
porkomputila kurso
Post
suficxe peza kaj longa laboro jxus aperis surdiskede Elementa Kurso de Esperanto
en la kataluna por enkomputila uzado. La kurso, kiu enhavas entute 14 lecionojn
kaj 7 kromajn simpligitajn tekstojn pri la kulturo kaj movado esperantistaj,
estas rezulto de la kunlaboro inter Kataluna Esperanto-Asocio, el kies
perkoresponda kurso gxi estas adaptado, kaj katalunaj membroj de ILEI. La
grafika aspekto de la kurso estas ja teknike tre modesta, sed post dauxra
plibonigado oni jam planas eldoni gxin CD-ROM-forme kun aldono de son-bendo.
Krom tio estas ankaux planata la apero de iom pli baza versio de la kurso en
oficiala prieduka interreta pagxaro. Pedro
M. Martín
Kurso
pri Esperanto en la Universitato de Valencia Dum
la nuna lernojaro, 1998/1999, okazis denove, jam por la kvara jaro, kurso de
Esperanto en la Fakultato pri Filologio de la Universitato de Valencia
(Hispanio). Kiel dum la antauxaj tri jaroj la problemo estis, ke deziris aligxi
pli da gelernantoj ol da sidlokoj estas en la lingva laboratorio, kie okazas la
kurso.
Cxi-jare, por ebligi aligi pli da homoj, oni disdividis ilin en du grupojn.
Entute partoprenis kaj ricevis diplomon de la Universitato 93 gestudentoj.
La diplomo de la kurso de Esperanto havas oficialan akademian valoron je tri
kreditoj de "Libera Elekto", kaj gxi estas parto de la universitata
kariero, ene de la stud-plano, tutsame kaj kun la sama valoro kiel iu ajn alia
studobjekto. Aligxis ne nur gestudentoj de la Fakultato pri Filologio, sed
ankaux de aliaj fakultatoj, kondicxe ke ili apartenu al la sama valencia
universitato. La profesoro de la kurso estis Augusto Casquero, kaj la direktoro
D-rino Berta Raposo.
Por la oficiala fermo prelegis kiel honoraj gastoj s-ro Gian Carlo Fighiera
(Italio), pri la temo "Praktika uzo de Esperanto", en Esperanto kaj
hispana lingvoj, kaj s-ro Jorge Camacho (Hispanio-Belgio), akademiano de
Esperanto, pri la temo "Verki en du lingvoj samtempe: hispana kaj
Esperanto", ambaux kun grandega sukceso inter la cxeestantoj, kiuj vere
gxuis tiujn belajn kaj interesajn prelegojn, tre alloge prezentitaj. Tuj poste
cxiuj ricevis diversan Esperantan materialon, kaj oni enmanigis al ili la
atingitajn diplomojn. Augusto
Casquero Hungario 155
kursfinintoj + someraj kursoj en orienta Hungario La
4-an de junio 1999 oni arangxis sxtatajn lingvo-ekzamenojn pri Esperanto en TIT
(Scienc-populariga Societo) en la urbo Nyíregyháza, Hungario. Al la ekzameno
aligxis 70 personoj. La 3-an kaj 7-an de junio 1999 entute 85 gestudentoj de
KLTE (Scienca Universitato "Lajos KOSSUTH") en la urbo Debrecen,
Hungario trapasis sukcese la t.n. studfinan ekzamenon pri Esperanto (post
40-hora kurso). *
* * En
la unua semajno de julio komencigxis pluraj E-kursoj en Orient-Hungario, la
baznivelaj kursoj estas 60-horaj, la meznivelaj estas 120-horaj, cxiuj
gekursanoj (korespondaj altlernejanoj) strebas sin pretigi por sukcese trapasi
en oktobro sxtatan lingvoekzamenon pri Esperanto, ja ili bezonas gxin por sia
faka diplomo en altlernejo. La kursoj estas en TIT en la urbo Nyíregyháza
[Ny.], 29 gestudentoj en kurso gvidata de Tibor PAPP; studenthejmo de DOTE
(Medicina Universitato de Debreceno), Nyíregyháza, 24, PAPP; Altlernejo GATE
(Agrarscienca Universitato de Gödöllõ), Nyíregyháza, 16, PAPP;
Altlernejo GATE, Nyíregyháza,14, d-ro Attila SALGA; Altlernejo de DOTE,
Debreceno, 10, Pál GAJDOS.
laux
informoj de Tibor PAPP, db@satrax.hu Irano E-kurso
en irana jxurnalo
Fine
de la pasinta jaro komencigxis E-kurso en la monata gazeto „Pesáran Va Dohxtáran”
[= gefrauxloj]. La kurson arangxis juna jxurnalisto Akbar Fekri, kiu mem
eklernis Esperanton antaux du jaroj de s-ino JXila Sedighi en la kulturejo
„Sana Urbo”. (Tio estas projekto de la Monda organizo pri Sano de UN.) [Sur
la foto de Naser Asgar-Zadegan vi vidas ekzemplerojn de la menciita jxurnalo.] Laux
informoj de Mojtaba Kheir-Khah
Italio Deviga
Esperanto instruado
En
Cupramarittima (provinco Ascoli Piceno) la estro de la Mezlernejo „Dante
Alighieri” akceptis la proponon de Raffaela Cantalino (profesorino pri
literaturo de tiu lernejo) instrui Esperanton en la klaso II/B al 18 gelernantoj
12-jaraj. Cantalino estas unu el tiuj dekdu lernantoj, kiuj sukcese finis la
duagradan kurson de Lina Gabrielli en marto 1998.
En Cupramarittima ne temas pri kurso, sed pri deviga instruo sur la sama nivelo
de la angla lingvo. La instruisto de la angla lingvo kunlaboras. La junuletoj
estas tre entuziasmaj kaj la instruisto de la angla ne estas jxaluza, se ili
preferas la pli facilan Esperanton, ecx pli facilan ol la itala lingvo. Ili
avidas la Esperanto-insignojn por meti ilin sur la brusto. Bonvolu sendi
leterojn kun belaj posxtmarkoj al ilia adreso: Klaso II/B de la Scuola Media
„Dante Alighieri” di Cupramarittima, Ascoli Piceno. Laux
informoj de Lina Gabrielli
Influo
de Esperanto sur metalingvaj kapabloj
En
junio 1999 studentino de la Unua Roma Universitato "La Sapienza"
doktorigxis pri psikologio, pridiskutante la "tezon", ke la kono de la
Internacia Lingvo povas pliigi la "metalingvajn" (=lingvopripensajn)
kapablojn de la infanoj, ecx pri sia denaska lingvo. Tiucele sxi prilaboris la
rezultojn de instru-eksperimento ESP2, arangxita de la Tria Universitato en
specimeno da italaj bazlernejoj. Laux la disertajxo de tiu studentino el Napolo
- kaj laux sxia referanto, prof-ino Pinto - la statistikaj datumoj konfirmas
tiun tezon: la klasoj, kie oni lernis Esperanton dum unu jaro kaj duono, montris
rimarkinde pli bonajn rezultojn en la testoj pri metalingva kapablaro, kompare
kun ceteraj klasoj. La eksperimento jam ekvekas intereson cxe psikolingvikaj kaj
instru-sciencaj medioj. Mauxro
La Torre, Pedagogiscienca
Laborejo, Tria Roma Universitato Jugoslavio Eksperimenta
kurso en Zajecxar
Esperanto-societo
en Zajecxar, orienta Serbio, organizis en la lernojaro 1998/99 publikan kurson
en la societejo, kun 9 partoprenantoj en la komenca A kaj dauxriga B gradoj, kaj
eksperimentan kurson por lernantoj de la 4-a klaso de elementa lernejo (11
jaroj) kun 15 partoprenantoj. La publika kurso okazas cxiujare, kun malmultaj
kursanoj, sed el kiuj plejmulto farigxas kaj restas seriozaj membroj de la
societo. Unu el tiaj pasintjare estis Jadranka Miricx, diplomita filologo,
instruistino de la angla lingvo.
Cxi-jare s-ino Miricx gvidis la eksperimentan kurson en la Elementa lernejo
„Ljuba Nesxic’”, surbaze de la programo kiun aprobis la Konsilio por
edukado de Serbio en la jaro 1982. Sxi uzis la lernolibron „Esperanto por
ni” de Jozefo kaj Helena Mikulás, Budapesxto 1989, kaj aplikis la auxd-vidan
metodon. En la unuaj semajnoj la lernado estis bazita sur nur busxa lingvouzo
kaj ludoj, kun memorado sen skribado. Pro malofteco de la instruhoroj (nur unu
semajne) montrigxis ke la memorado sen surpaperaj notoj ne suficxas por havi
kontinuecon de la lernado. Skribado estis enkondukita kaj la rezultoj
plibonigxis. La lernantoj sxatis la konversaciajn ludojn, skecxojn, recitadon,
kantojn. Publikaj prezentajxoj por gepatroj estis arangxitaj, precipe en la
jarfina solenajxo. Sed la vera fino kun ekzamenoj por la kursoj estas
prokrastita al auxtuno, pro la bombado de Jugoslavio. Oni esperas je nova kurso.
Grupo de pli agxaj lernantoj (13 – 15 jaroj) de la sama lernejo partoprenos en
la projekto Interkulturo. Radojica
Petrovicx, radp@emi.yu Kroatio Nederlanda
kaj kroata lernolibroj de Esperanto En
Zagreb aperis la oka kroatlingva eldono de la zagreba Lernolibro de la
Internacia Lingvo. En Maribor (Slovenio) samtempe aperis la nederlanda eldono.
La eldonistoj de la zagreba eldono estas Kroata Esperanto-Ligo kunlabore kun
Izvori kaj de la nederlanda Inter-Kulturo Maribor. Kompare kun la antauxaj
eldonoj la oka estas ricxigita per ilustrajxoj de Teodora Kucxinac. La kroata
eldono aperis en mil ekzempleroj.
Spomenka
Sxtimec, <esperanto@zg.tel.hr> Nepalo Nepala
E-Asocio organizas la trian Internacian Himalajan Renkontigxon de la 26-a de
februaro gxis la 7-a de marto 2000. Aligxoj kaj pliaj informoj cxe: s-ro
Narendra Bhattarai, vic-prezidanto de NespA, G.P.O. Post Box 10518, Kathmandu,
Nepal aux s-ro L. P. Agnihotri, prezidanto de NespA, <Sosierra@wink.com.np> Norvegio Kursoj
dise en la lando
En
1998 kvindek homoj konatigxis kun Esperanto per la auxtunaj kursoj organizitaj
de NEL kaj pliaj 18 per kursoj gvidataj de lokaj fortoj (en Hamar, Stavanger,
Tromsgx kaj Oslo). Por la sesa sinsekva jaro okazis kursoj profesinivelaj de
Atilio Orellana Rojas el Argentino, cxi-foje por komencantoj en Oslo, Tgxnsberg,
Trondheim, Tromsgx kaj Sansvik. En Oslo kaj Tgxnsberg li gvidis ankaux po unu
kurson por komencintoj en kiuj partoprenis 12 gelernantoj. (Laux
la Jarraporto de Norvega Esperantista Ligo) Pollando Polaj
E-instruistoj renkontigis en Krakovo
Dum
la tagoj 24 - 25 de aprilo 1999 okazis en Krakovo Esperantologia - Didaktika
Konferenco de la Pola Sekcio de ILEI. La Konferencon partoprenis pli ol 30
personoj. Cxeestis gxin polaj instruistoj kaj gestudentoj de la Scienca Studenta
E-Rondo en Krakova Jagielona Universitato. La partoprenantoj solene honoris la
140-an naskigxdatrevenon de la kreinto de Esperanto - L. L. Zamenhof kaj
50-jarigo de ILEI. La inauxguron de Konferenco faris s-ino Maria Majerczak. La
abundan programon de la Seminario plenumis multaj interesaj prelegoj: -
Dorota Szczygieł (Krakovo) parolis pri efikeco de la lernado dum kiu estis
tusxitaj koncentrigxo kaj memorkapablo - kun praktikaj atentigoj kaj ekzercoj. -
Maria Majerczak - kadre de metodiko de instruado de Esperanto priparolis
diversajn faktorojn favorantajn atingi bonajn sukcesojn en tiu cxi kampo.
Gvidita de si praktika leciono kun gestudentoj de Jagielona Universitato vekis
grandan interesigxon de partoprenintoj. -
Eva Bondar - tre interese prelegis je la temo: Kiamaniere instrui por sukcesi?
Dum la prelego sxi prezentis uzatajn metodojn kaj montris praktikajn ekzemplojn
de sia instruado. -
Jadwiga Gibczyńska (Krakovo) - dividis siajn spertojn kun partoprenantoj pri
utiligo de aktorado en la lingvoinstruado. Interesa prezento de la temo vekis
grandan intereson de auxskultantoj. -
Lidia Ligęźa (Krakovo) - paroladis pri problemoj de esperantigado de la
nuntempa pola poezio. Multaj ekzemploj bone spegulis la ekzistantajn
traduk-problemojn. -
Boźena Pietrzyk (Siedlisko) - interese babilis pri siaj spertoj koncernantaj
praktikaj problemoj de E-instruado.
Antoni
Beyga, <antobe@friko.onet.pl> Svedio-Ukrainio Junulara
projekto Kadre
de la sveda-ukraina junulara intersxangxa projekto Julja Hordijenko kaj Lovisa
Gustafsson 16-21 de majo laboris en Poltava, 22-28 de majo - en Hxarkov. La
knabinoj renkontigxis plejparte kun studentaro, lokaj junularaj Esperantaj
kluboj. En ambaux urboj oni organizis konferencojn por gazetaro kaj filmis la
projektantinojn por televidaj novajxoj.
Impresoj pri laboro: interesoj kaj opinioj de junularo en Svedio kaj Ukrainio
pri Esperanto estas ne la samaj. En Svedio oni pli interesigxis pri mem lingvo,
gxiaj gramatikaj principoj. En Ukrainio junularo pli interesigxas pri novaj
eblecoj, kiujn kunportas Esperanto. Ukrainiaj gejunuloj post prelegoj ofte
esprimas ekinteresigxon pri la lingvo, petas kie aux kiumaniere eblas lerni
Esperanton.
En lasta dimancxo de majo la projektantinoj helpis al klubo "Ora
Pordego", kiu organizis sinprezenton dum festo "Tago de Kievo".
Gxis la 8-a de junio ili laboris en Kievo, inter 9-13 de junio en Luck. Konstantin
Demjanenko, Berdjansk, Ukrainio (laux
SEJM-VIRT-INFO, n-ro 17) Usono Esperanto-klasoj
por infanoj en Usono
En
sia jarraporto al ELNA kiel Komisiito pri Edukado, Kent Jones raportis ke en la
lerneja jaro 1998-99 35 instruistoj en 21 sxtatoj en Usono instruis
Esperanton al 1312 infanoj dum entute 13102 stud-horoj. (El
AAIE-Bulteno, junio 1999) Uzbekistano La
unua E-studlibro por uzbeklingvanoj Finfine,
subtitole "ESPERANTO HALKARO TILI" ("Internacia Lingvo
Esperanto") aperis la unua uzbeklingva E-studlibro. Pri ties apero raportis
lokaj kaj tutlandaj amaskomunikiloj. Tiun cxi, cxirkaux 230-pagxan, longe
atendatan en Uzbekistano libron auxtoris samarkandaj esperantistoj Anatoli
Ionesov (direktoro de la Internacia Muzeo de Paco kaj Solidaro) kaj Bahodir
Habibov (profesia lingvoinstruisto). La libro enhavas 12-lecionan E-gramatikon,
Esperanto-Uzbekan kaj Uzbeka-Esperantan vortaretojn kaj Uzbeka-Esperantan
konversaci-libreton. Krom tio enestas kurta esperantlingva priskribo de la
uzbeka lingvo, ties gramatiko kaj prononcreguloj, kio faras la libron interesa
kaj praktike uzebla ankaux por alilandaj esperantistoj, kiuj interesigxas pri la
uzbeka lingvo kaj al vojagxontoj al Uzbekistano. La libro aperis cxe moskva
E-eldonejo "Impeto" danke al financa subteno de la Eduka Fondajxo
Carson. La eldono estas dedicxita al la Internacia Muzeo de paco kaj Solidaro,
kies naskigxo okazis en Samarkando antaux cxio danke al la internacia lingvo
Esperanto. La unua E-studlibro por uzbeklingvanoj haveblas cxe Libroservo de
UEA. A.
Ionesov (el Ret-Info) Zimbabvo 11
klasoj el Zimbabvo aligxas al Interkulturo Oliver
Mazodze, direktoro de la Zimbabva Esperanto-Instituto el Masvingo, komunikis la
decidon de 24 zimbabvaj instruistoj partopreni la internacian edukan Projekton
"Interkulturo" kun siaj 11 klasoj de mezgradaj kaj bazaj lernejoj el
diversaj urboj. Jam pli frue 3 klasoj (300 lernejanoj) el Lomeo petis aligxon je
la sama arangxo, gvidataj de sia instruisto Gbeglo Koffi. laux
informoj de Mauxro La Torre
|
